កីឡា

លោកស្រី ពុធ ធីតា ប្រាប់មូលហេតុមិនរត់ចោលបាល់ទាត់ ទោះលំបាកយ៉ាងណា

បានផុស

៣ years មុន

នៅ

ថ្ងៃសុក្រ ១២ វិច្ឆិកា ២០២១

ដោយ

វិបត្តិកូវីដ-១៩បានវាយប្រហារសេដ្ឋកិច្ច សង្គម និងជីវិតរស់នៅប្រចាំថ្ងៃរបស់មនុស្សទូទាំងពិភពលោកយ៉ាងធ្ងន់ធ្ងរក្នុងរយៈពេល២ឆ្នាំកន្លងទៅនេះ ក្នុងនោះលោកស្រី ពុធ ធីតា ប្រធានក្លឹបបាល់ទាត់បឹងកេតក៏ទទួលរងផលប៉ះពាល់ធ្ងន់ធ្ងរដែរ។

ទោះបីជាជួបបញ្ហាប្រឈមធ្ងន់ធ្ងរយ៉ាងណាក៏ដោយ ក៏ស្ត្រីកម្រក្នុងវិស័យបាល់ទាត់មិនបោះបង់ចោលបាល់ទាត់ឡើយ។ លោកស្រីបានតស៊ូ និងពុះពារគ្រប់បែបយ៉ាងដើម្បីឲ្យជីវិតបាល់ទាត់របស់លោកស្រីបន្តរស់ និងដំណើរការទៅមុខទៀត។

លោកស្រី ពុធ ធីតា ថតកាលពីថ្ងៃពុធនៅពេលអ្នកគាំទ្រអនុញ្ញាតឲ្យចូលមើលលើកដំបូង ក្រោយកូវីដធូរស្រាល

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី ពុធ ធីតា បានឲ្យដឹងថា ៖«ពីដំបូងឡើយគ្រាន់តែស្រឡាញ់ តែដល់ពេលនៅយូរៗទៅ ក៏ជាប់សាច់ ជាប់ឈាម ឃើញអ្នកគាំទ្រចូលចិត្តច្រើន ក៏រឹតតែស្រឡាញ់ខ្លាំងឡើង»។

លើសពីនេះទៀតដោយសារមិនសូវមានមនុស្សច្រើនក្នុងការរួមចំណែកអភិវឌ្ឍបាល់ទាត់នៅក្នុងប្រទេសកម្ពុជារឹតតែធ្វើឲ្យលោកស្រីមិនអាចដកខ្លួនចេញឆ្ងាយពីបាល់ទាត់បាន។

«ដឹងស្រាប់ហើយ បាល់ទាត់នៅស្រុកយើងមានមនុស្សតិចណាស់ដែលចាប់អារម្មណ៍អភិវឌ្ឍ បើខ្ញុំដកខ្លួនទៀតរឹតតែខ្វះ អីចឹងមានតែស៊ូៗ ស៊ូៗ ស៊ូ»។ លោកស្រីប្រធានក្លឹបបឹងកេតបានបន្ថែម។

ទោះជាយ៉ាងណា ពេលនេះលោកស្រីមានអារម្មណ៍ប្រសើរឡើងវិញបណ្តើរៗហើយ បន្ទាប់ពីស្ថានភាពកូវីដ-១៩ធូរស្រាល។ រាជរដ្ឋាភិបាលកម្ពុជា ក៏ដូចជាក្រសួងសុខាភិបាលបានបន្ធូរបន្ថយបំរាមទប់ស្កាត់ និងអនុញ្ញាតឲ្យអ្នកទស្សនាអាចចូលមើលផ្ទាល់បានពាក់កណ្តាល ប៉ុន្តែត្រូវគោរពតាមវិធានការរបស់ក្រសួងសុខាភិបាល៕

អត្ថបទ៖ វីរបុត្រ

Related Topics:បាល់ទាត់