កីឡា

បេក្ខភាពដែលត្រូវឡើងទៅប្រកួតដណ្ដើមខ្សែក្រវាត់ ONE Bantamweight គឺ Rittewada

បានផុស

៣ years មុន

នៅ

ថ្ងៃសៅរ៍ ១៣ វិច្ឆិកា ២០២១

ដោយ

ក្នុងការបង្ហាញខ្លួនដំបូង Rittewada Petchyindee Academy បានផ្ដួល Saemapetch Fairtex ត្រឹមទឹកទី២ និងមានឱកាសឡើងទៅដណ្ដើមខ្សែក្រវាត់មួយថៃ ONE Bantamweight ពី Nong-O Gaiyanghadao នាពេលបន្ទាប់។ ទីបំផុត តារាដែលបង្ហាញខ្លួនដំបូងទទួលបានក្ដីបំណងនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Rittewada បានផ្ដួលកីឡាករលំដាប់ទី១ ទម្ងន់ bantamweight ឲ្យសន្លប់ទឹកទី២នៅព្រឹត្តិការណ៍ ONE: NEXTGEN II នាប្រទេសសិង្ហបុរីនាយប់ថ្ងៃសុក្រ ទី១២ ខែវិច្ឆិកានេះ ប៉ុន្តែគូប្រជែងកម្រិតកំពូលក៏បង្ហាញក្បាច់ប្រយុទ្ធមិនស្ទើរដែរ។ ពេលចាប់ផ្ដើមការប្រកួតភ្លាម តារាថៃទាំងពីរប្រើវិធីស្ទង់គ្នា។ បន្ទាប់មកទៀត Rittewada ប្រើកណ្ដាប់ដៃឆ្វេងញាប់ៗលឿនៗ ដែលធ្វើឲ្យកូនសិស្សមកពីក្លិប Fairtex គេចផុតប៊ិះៗកញ្ចប់មាត់។

Rittewada បានប្រើវិធីពីចម្ងាយវិញម្ដង។ Saemapetch ដើរសំដៅប្រើក្បាច់ថ្ពក់ឆ្វេង ខណៈដែល សិស្សមកពីក្លិប Petchyindee Academy ដើរសំដៅទៅវ៉ៃកែងក្បែរគំត្រចៀករបស់គូបដិបក្ខ។

Saemapetch ប្រើក្បាច់វាយបកថ្ពក់ខាងឆ្វេងមួយពីរ ដែលធ្វើឲ្យ Rittewada ត្រូវអាជ្ញាកណ្ដាលរាប់ដល់ ៨។ នៅពេលសិស្សគុនក្លិប Petchyindee Academy អាចបន្តការប្រកួតបានវិញ គេវាយសម្រុកលើសិស្សគុនក្លិប Fairtex វិញម្ដងតាមរយៈកណ្ដាប់ដៃឆ្វេងត្រង់ៗ ចំដងខ្លួន ជាមួយការបោះកែងយ៉ាងល្អឥតខ្ចោះ និងការគិតលឿនៗផងដែរ។

នៅទឹកទី២ អ្នកទាំងពីរប្រើការទាត់ខ្ពស់រៀងៗខ្លួន ប៉ុន្តែ Saemapetch នៅគំរាមកំហែងដល់មិត្តរួមជាតិខ្លួន អមដោយកណ្ដាប់ដៃត្រង់ឆ្វេង។ ម្ដងទៀត Saemapetch បានចាប់ជើងគូប្រកួត ប៉ុន្តែ គេវ៉ៃដងខ្លួនដោយកណ្ដាប់ដៃឆ្វេង។ ចំណែក Rittewada ប្រើកែងខ្លាំងៗដើម្បីកុំឲ្យគូប្រកួតចូលជិត។

យ៉ាងណាក្ដី ការប្រើកណ្ដាប់ដៃឆ្វេងត្រង់លើកីឡាករមកពីផាត់តាយ៉ា ប៉ះចំការឃុំរបស់ Rittewada។ សិស្សគុនក្លិប Petchyindee ដើរសំដៅប្រើកណ្ដាប់ដៃខ្លាំងៗ ដែលធ្វើឲ្យមិត្តរួមជាតិឈឺចាប់។ ទំនុកចិត្តរបស់ Saemapetch កាន់តែកើនឡើងដើម្បីចូលវ៉ៃឆ្វេងត្រង់១ដៃទៀត ប៉ុន្តែ Rittewada វ៉ៃកែងឆ្វេងមួយកែងល្អឥតខ្ចោះ។ មួយកែងនេះធ្វើឲ្យ Saemapetch របួស ហើយគ្រូពេទ្យត្រូវបញ្ឈប់ការប្រកួតនេះត្រឹមនាទីទី ២:១០ នៃទឹកទី២ ប៉ុណ្ណោះ។

Rittewada បានផ្ដួលកីឡាករទម្ងន់ bantamweight លំដាប់កំពូលម្នាក់ ហើយកើនកំណត់ត្រាឈ្នះ ៩១ លើក ចាញ់ ២៥ លើក និងស្មើ ៥លើក។ គេអាចឡើងទៅដណ្ដើមខ្សែក្រវាត់ ពី Nong-O នាពេលបន្ទាប់ នាថ្ងៃខាងមុខ៕

Related Topics:កីឡាប្រដាល់