កីឡា

អបអរសាទរ ភ្នំពេញក្រោនឈ្នះជើងឯកលីគឆ្នាំ២០២១

បានផុស

៣ years មុន

នៅ

ថ្ងៃសុក្រ ១៩ វិច្ឆិកា ២០២១

ដោយ

ក្រុមភ្នំពេញក្រោនបានក្លាយជាជើងឯកលីគកំពូលកម្ពុជារដូវកាល២០២១នេះ បន្ទាប់ពីបានយកឈ្នះលើក្រុមបឹងកេតដោយលទ្ធផល ១-០ ក្នុងការប្រកួតចុងក្រោយនារសៀលថ្ងៃសុក្រ ទី១៩ ខែវិច្ឆិកានេះ។

ការប្រកួតចុងក្រោយដើម្បីបិទរដូវកាល២០២១នៅកីឡដ្ឋានរបស់ខ្លួន ភ្នំពេញក្រោនប្រើពេល៤៥នាទីដំបូងមិនអាចទម្លាយសំណាញ់ទីរបស់បឹងកេតបានឡើយ បើទោះជាក្រុមភ្ញៀវដាក់យុវជនភាគច្រើន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណានៅវគ្គទី២រង់ចាំរហូតដល់នាទីជាង៧០ទើបភ្នំពេញក្រោនបង្កើតភាពសប្បាយរីករាយទាំងក្រុម និងអ្នកគាំទ្រ បន្ទាប់ពីកីឡាករសញ្ជាតិជប៉ុន Yudai Ogawa ស៊ុតបំប៉ោងសំណាញ់ទីនៅនាទីទី៧៣ដើម្បីនាំមុខ ១-០។ ក្រោយនាំមក បឹងកេតបានដាក់សម្ពាធយ៉ាងខ្លាំង តែមិនអាចបំប៉ោងសំណាញ់ទីបាន។

លទ្ធផល ១-០ នេះបន្តរហូតដល់ចប់ការប្រកួតដែលគ្រប់គ្រាន់ឲ្យភ្នំពេញក្រោនគ្រងជើងឯក។ នេះគឺជាការឈ្នះជើងឯកលើកដំបូងរបស់ភ្នុំពេញក្រោន បន្ទាប់ពីខកខានតាំងពីឆ្នាំ២០១៥ ប៉ុន្តែជាការឈ្នះជើងឯកលីគកម្ពុជា៧ដងក្នុងប្រវត្តិសាស្ត្ររបស់ក្លឹប៕