កីឡា
សុភ័ស នឹងផ្តួល ទូច ដេវីត ឲ្យបោះបង់ការប្រកួតច្រើនជាងយកឈ្នះពិន្ទុ សម្រាប់វគ្គផ្តាច់ព្រ័ត្រ
វី សុភ័ស អ្នកប្រដាល់សកលជម្រើសជាតិ អះអាងថា ក្នុងជំនួបវគ្គផ្តាច់ព្រ័ត្រនេះ “ គេបានត្រៀមខ្លួនរួចរាល់ហើយទាំងកម្លាំង និងបច្ចេកទេស ដើម្បីផ្តួល ទូច ដេវីត ដើម្បីក្លាយជាម្ចាស់ប្រាក់លាននៃកម្មវិធីកីឡាប្រដាល់សកល ULTIMATE BOXING CHAMPIONSHIP 2021 ”។
អ្នកប្រដាល់វ័យ២១ឆ្នាំរូបនេះ មានជំនឿចិត្តខ្ពស់ រហូតដល់៨០% ថាឈ្នះទូច ដេវីត ដោយសារដឹងពីចំណុចខ្សោយដៃគូយ៉ាងច្បាស់ នឹងមិនឲ្យទូច ដេវីត វាយយកពិន្ទុបានឡើយ។ កីឡាករកំពុងលេចធ្លោរូបនេះបញ្ជាក់ប្រាប់អ្នកគាំទ្រថា “ ជំនួបវគ្គផ្តាច់ព្រ័ត្រ ត្រូវតែវាយ ទូច ដេវីត ឲ្យអស់ពីសមត្ថភាព ដោយមិនយោគយល់ថា ជាមិត្តហ្វឹកហាត់រួមក្រុមជម្រើសជាតិឡើយ ” ។
ចំពោះអ្នកប្រដាល់សកលជម្រើសជាតិ ទូច ដេវីត វិញ គេក៏បានបញ្ជាក់ឲ្យដឹងដែរថា “ សម្រាប់ការប្រកួតផ្ដាច់ព្រ័ត្រជាមួយនឹង វី សុភ័ស នេះ គឺមានភាពតានតឹងបំផុតសម្រាប់ខ្លួនគេ ព្រោះ សុភ័ស ជាកីឡាករលំដាប់ប្រដាល់សកលមួយរូបនៅក្នុងប្រទេស ដូច្នេះការយកឈ្នះលើ វី សុភ័ស មិនមែនជារឿងងាយស្រួលឡើយ ” ។
ដេវីត បន្តថា “មួយវិញទៀត ខ្លួនគេត្រូវដំឡើងទម្ងន់ដើម្បីឲ្យស្មើនឹង ៦៣គីឡូកន្លះ ដែលពានរង្វាន់បានកំណត់ប្រកួត ខណៈដែលខ្លួនគេមានទម្ងន់ពិតប្រាកដនោះ គឺ៦០គីឡូ ដែលទាមទារត្រូវដំឡើងទម្ងន់ឲ្យស្មើ៦៣,៥០០គ.ក្រប៉ុន្តែខ្ញុំប្រឹងដំឡើងអស់ហើយត្រឹមបាន៦២គ.ក្រប៉ុណ្ណោះ ” ។ តែយ៉ាងណា ទូច ដេវីត គេបានអះអាងថា នឹងខិតខំប្រឹងប្រែងតស៊ូក្នុងការប្រកួតផ្ដាច់ព្រ័ត្រនេះ ទោះបីសង្ឃឹមលើការប្រកួតជាមួយវី សុភ័ស ត្រឹមតែ ៥០ ភាគរយក៏ដោយ ” ។
ថ្ងៃទី២៨វិច្ឆិកាខាងមុខនេះ ការប្រកួតប្រដាល់សកលក្នុងព្រឹត្តិការណ៍ Ultimate Boxing Championship បានឈានដល់វគ្គផ្ដាច់ព្រ័ត្រហើយដោយអ្នកប្រដាល់ជម្រើសជាតិ២រូបគឺវី សុភ័ស និង ទូច ដេវីត នឹងត្រូវជួបគ្នាក្នុងវគ្គផ្ដាច់ព្រ័ត្រនេះ ។សម្រាប់អ្នកឈ្នះនឹងបានទទួលប្រាក់រង្វាន់ចំនួន៣.០០០.០០០រៀល ចំពោះអ្នកចាញ់បានទទួល១.០០០.០០០រៀល ។
កាលពីថ្ងៃទី១៤វិច្ឆិកា អ្នកប្រដាល់ទាំង២រូបនេះ ជួបប្រកួតគ្នាម្ដងហើយ ដោយសុភ័សបានទទួលជ័យជំនះលើដេវីតដោយពិន្ទុ។ កាលនោះដេវីតជាអ្នកដែលអង្គុយរង់ចាំក្នុង ខណៈដែលសុភ័សត្រូវជួបប្រកួតជាមួយម៉ាង ព្រហ្មម៉ាញជាមុនសិន តែសុភ័សប្រើពេលតែ២ទឹកប៉ុណ្ណោះផ្ដួលព្រហ្មម៉ាញបាន ហើយបន្ទាប់មកសុភ័សបានយកឈ្នះពិន្ទុលើដេវីតដែលអង្គុយចាំទៀតផង ។
ទោះជាយ៉ាងនេះក្តី សម្រាប់ជំនួបនៅវគ្គផ្ដាច់ព្រ័ត្រនេះមិនប្រាកដថា សុភ័សបានទទួលជ័យជំនះម្ដងទៀតនោះទេ ហើយក៏មិនប្រាកដថាដេវីតអាចនឹងសងសឹកយកឈ្នះវិញបានដែរ ។ចន្លោះពីការប្រកួតលើកមុនមកដល់ថ្ងៃទី២៨វិច្ឆិកាខាងមុខនេះពួកគេសុទ្ធតែប្រឹងប្រែងហ្វឹកហាត់ដូចគ្នា និង ស្វែងរកចំណុចខ្សោយរបស់គ្នាទៅវិញទៅមកទៀតផង ។
ចំពោះការជួបគ្នាក្នុងតំណែងគូឯកនោះ អ្នកប្រដាល់ មឿន សុខហ៊ុច ក្លិបនាយកដ្ឋានអង្គរក្សត្រូវបានផ្គូផ្គងឲ្យប្រកួតជាមួយអ្នកប្រដាល់ ថៃ រិទ្ធី មកពីសមាគមប្រដាល់ក្រសួងការពារជាតិ ។អតីតកាលរបស់អ្នកប្រដាល់ទាំង២រូបជាអ្នកប្រដាល់គុនខ្មែរតែសម្រាប់ថៃ រិទ្ធីគេមិនត្រឹមតែជាអ្នកប្រដាល់គុនខ្មែរប៉ុណ្ណោះទេគេជាអ្នកវ៉ៃក្នុងទ្រុងទៀតផងគ្រាន់តែគេមិនសូវមានឈ្មោះបោះសម្លេងប៉ុណ្ណោះ។ ពេលនេះគេជួបគ្នាលើសង្វៀនដែលប្រើតែកណ្ដាប់ដៃមិនដឹងថា នរណាជាអ្នកឈ្នះនោះឡើយ ។
ជួបគ្នាក្នុងតំណែងគូឯករងអ្នកប្រដាល់រឿម វណ្ណៈក្លិបនារាយណ៍តេជៈប្រកួតក្នុងប្រភេទទម្ងន់៦០គីឡូក្រាមជាមួយអ្នកប្រដាល់សែត សារឹត មកពីសមាគមប្រដាល់ក្រសួងសេដ្ឋកិច្ច និង ហិរញ្ញវត្ថុ ។ វណ្ណៈជាអតីតកាលអ្នកប្រដាល់គុនខ្មែរហើយអ្នកប្រដាល់រូបនេះ កែងរហ័សណាស់ ហើយវ៉ៃចូលចិត្តប្ដូរតែចិត្តរបស់គេមិនសូវធំនោះឡើយ។ ជំនួបនេះ វណ្ណៈទំនងជាលំបាកយកឈ្នះលើសារឹតហើយមើលទៅ ៕
អត្ថបទ៖ វិសិទ្ធ
ជំងឺផ្តាសាយបក្សីប្រភេទថ្មី ឆ្លងដល់សត្វគោយកទឹកដោះនៅសហរដ្ឋអាមេរិក បង្កក្តីបារម្ភខ្លាំង
ថៃសង្គ្រោះជនរងគ្រោះ៦១នាក់ពីកន្លែងឆបោកនៅមីយ៉ាន់ម៉ា
ប្រជាជនហ្គាហ្សារងភាពវេទនាខ្លាំង ខណៈអាកាសធាតុចុះត្រជាក់ខ្លាំង លាយឡំដោយព្យុះ
បញ្ជរសេវាសាធារណៈចល័តរបស់ក្រសួងការងារនៅតាមគ្រឹះស្ថានអប់រំ ជាការបង្ខិតឱកាសការងារ ដល់សិស្ស និស្សិត
គម្រោងដំឡើងរបាំងពុះចែកទ្រូង លើផ្លូវ ៦០ ម៉ែត្រ ប្រើប្រាស់ពេលប្រមាណ ១ ខែកន្លះ ទើបបញ្ចប់
ភ្លើងឆេះព្រៃលើភ្នំសំពៅ បង្ខំឲ្យព្រះសង្ឃជម្លៀសព្រះកាយចេញរកកន្លែងសុវត្ថិភាព
អ្នកនាំពាក្យ បញ្ជាក់ពីស្ថានភាពអ្នករងរបួសក្នុងហេតុការណ៍ឆេះក្លឹបកម្សាន្ដ មីតណាយព្រីមៀរ កាលពីម្សិលមិញ
អភិបាលរងរាជធានី ស្នើឱ្យសមត្ថកិច្ច និងម្ចាស់ខុនដូរ អាផាតមិន សណ្ឋាគារ ផ្ទះសំណាក់ និងផ្ទះជួល សហការគ្នា គ្រប់គ្រងវត្តមានជនបរទេសឱ្យបានល្អ
មុនីនាគ ជាប់ឈ្មោះជាតារាចម្រៀងប្រុស មានសមត្ថភាពច្រៀងភាសាអង់គ្លេសល្អបំផុត
ផ្សារក្រមួន យូណាយ អាជីវករធ្លាប់លក់តែមួយព្រឹក ពេលនេះលក់ពេញមួយថ្ងៃ ពលរដ្ឋថា ពិបាកធ្វើដំណើរ
-
សន្តិសុខសង្គម២ ថ្ងៃ agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ២ ថ្ងៃ agoព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៦ ថ្ងៃ agoការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
សន្តិសុខសង្គម៧ ថ្ងៃ agoUpdate! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៧ ថ្ងៃ agoសម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៦ ថ្ងៃ agoបានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៦ ថ្ងៃ agoធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?
-
ព័ត៌មានអន្ដរជាតិ៣ ថ្ងៃ agoត្រាំ តម្រូវឲ្យអ៊ុយក្រែន យកធនធានរ៉ែកម្រមកដោះដូរ បើចង់បានជំនួយអាមេរិក តទៀត