កីឡា

មិនទាន់ប្រកាសផង តែបែកធ្លាយអ្នកឈ្នះពានរង្វាន់ Ballon d’Or យប់នេះបាត់

បានផុស

៣ years មុន

នៅ

ថ្ងៃចន្ទ ២៩ វិច្ឆិកា ២០២១

ដោយ

Lionel Messi ត្រូវបានគេរាយការណ៍ថាបានឈ្នះពានរង្វាន់ Ballon d’Or ជាលើកទី ៧ របស់គាត់ ខណៈលទ្ធផលដែលត្រូវប្រកាសនៅយប់ថ្ងៃចន្ទនេះត្រូវបានលេចធ្លាយនៅលើប្រព័ន្ធផ្សព្វផ្សាយសង្គមល្បីៗកាលពីចុងសប្តាហ៍ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាឆ្នើមរបស់ក្លឹបអ្នកមានបារាំង Paris Saint-Germain វ័យ ៣៤ ឆ្នាំរូបនេះប្រឈមមុខនឹងការប្រកួតប្រជែងដ៏តឹងតែងពីសំណាក់ខ្សែប្រយុទ្ធ Robert Lewandowski របស់ក្លឹប Bayern Munich និងខ្សែប្រយុទ្ធ Karim Benzema របស់ក្លឹប Real Madrid ខណៈក្នុងបញ្ជីចុងក្រោយនេះមិនមានខ្សែប្រយុទ្ធឆ្នើម Cristiano Ronaldo នោះទេ ។

ទន្ទឹមនោះលោក Pascal Ferre និពន្ធនាយកទស្សនាវដ្តីបារាំង France Football ដែលជាអ្នករៀបចំពានរង្វាន់ Ballon d’Or បាននិយាយថា លទ្ធផលគឺជាការសម្ងាត់ដែលរក្សាបានល្អបំផុតរបស់កីឡាបាល់ទាត់ ប៉ុន្តែអ្នកឈ្នះត្រូវបានជូនដំណឹងប៉ុន្មានថ្ងៃមុនពិធីប្រគល់ពានរង្វាន់ធ្វើឡើង ។

លោកបន្តថា នៅពេលនោះ អាថ៌កំបាំងគឺនៅក្រៅការគ្រប់គ្រងរបស់ពួកគេ ហើយមានអ្នករៀបចំតិចតួចប៉ុណ្ណោះដែលអាចបិទមាត់ជិត បន្ទាប់ពីទទួលបានព័ត៌មានថ្មីនេះ ហើយក្រោយមកផ្សព្វផ្សាយព័ត៌មាននេះទៅកាន់គ្រួសារ និងមិត្តភក្តិរបស់ពួកគេ ។

គួរបញ្ជាក់ថា កម្មវិធី The Ballon d’Or ឆ្នាំ ២០២១ នឹងរៀបចំនៅរាត្រីនេះម៉ោង ២ និង ៣០នាទីរំលងអាធ្រាត្រនៅឯមហោស្រព Theatre du Chatelet ក្នុងទីក្រុងប៉ារីស ប្រទេសបារាំង ៕