កីឡា

Ronaldo ចោទប្រធានរៀបចំ Ballon D’Or និយាយកុហក និងប្រើឈ្មោះខ្លួនដើម្បីល្បី

បានផុស

៣ years មុន

នៅ

ថ្ងៃអង្គារ ៣០ វិច្ឆិកា ២០២១

ដោយ

នៅក្នុងបទសម្ភាសជាមួយកាសែត The New York Times កាលពីពេលថ្មីៗនេះ លោក Pascal Ferré ជានិពន្ធនាយក និងប្រធានរៀបចំពានរង្វាន់ប្រចាំឆ្នាំដ៏ល្បីល្បាញ Ballon D’Or បាននិយាយអំពី Ronaldo ថា ៖«Ronaldo មានមហិច្ឆតាតែមួយគត់ ហើយនោះគឺចូលនិវត្តដោយឈ្នះពានរង្វាន់ Ballons d’Or ច្រើនជាង Messi…. ហើយខ្ញុំបានដឹងពីព្រោះគាត់ប្រាប់ខ្ញុំ»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅលើបណ្តាញសង្គម Instagram និង Facebook កាលពីយប់ថ្ងៃចន្ទជាពេលដែលពិធីប្រកាសពាន Ballon D’Or ត្រូវបានប្រារព្ធ ប៉ុន្តែរូបគេមិនបានចូលរួម តារាជើងស៊ុតរបស់ក្លឹប Manchester United បានចោទប្រកាន់លោក Pascal Ferré និយាយកុហក និងយកឈ្មោះខ្លួនដើម្បីល្បី។

«ថ្ងៃនេះបកស្រាយនូវអ្វីដែលលោក Pascal Ferré និយាយកាលពីសប្តាហ៍មុនដោយលោកនិយាយថា ខ្ញុំមានមហិច្ឆតាបញ្ចប់អាជីពបាល់ទាត់ជាមួយពានរង្វាន់ Golden Balls ច្រើនជាង Lionel Messi។ លោក Pascal Ferré និយាយកុហក។ លោកប្រើឈ្មោះខ្ញុំដើម្បីនប្រូម៉ូតខ្លួនឯង និងផ្សព្វផ្សាយកន្លែងដែលលោកធ្វើការ»។ នេះជាសាររបស់ Ronaldo។

ខ្សែប្រយុទ្ធព័រទុយហ្គាល់បន្តថា ៖«វាមិនអាចទទួលយកបានទេដែលបុគ្គលទទួលខុសត្រូវចំពោះពានរង្វាន់ដ៏អស្ចារ្យបែបនេះនិយាយកុហក ដោយគ្មានការគោរពសោះចំពោះបុគ្គលដែលតែងតែគោរព France Football និង Ballon d’Or។ ហើយថ្ងៃនេះ លោកកុហកទៀត ដោយអវត្តមានរបស់ខ្ញុំនៅពិធីដោយចោទប្រកាន់ដាក់ដាច់ដោយឡែកពីគេគ្មានហេតុផល។ ខ្ញុំតែងតែអបអរអ្នកដែលឈ្នះនៅក្នុងក្របខណ្ឌកីឡា និងយុត្តិធម៌ដែលបើកផ្លូវអាជីពខ្ញុំតាំងពីដើមមក ហើយខ្ញុំធ្វើនេះ មិនមែនដើម្បីប្រឆាំងនឹងនរណាម្នាក់ទេ»។

សម្រាប់ការប្រកាសពានរង្វាន់ Golden Balls កាលពីយប់មិញនេះគឺបានទៅលើតារាឆ្នើម Lionel Messi ដែលឈ្នះជាលើកទី៧ ខណៈ Cristiano Ronaldo ឈ្នះបាន៥លើក៕