កីឡា
១១សំនួរ ពីសង្គ្រាមពាក្យសំដី Stamp ប៉ះ Ritu វគ្គផ្តាច់ព្រ័ត្រជើងឯកពិភពលោក
សមរភូមិវគ្គផ្តាច់ព្រ័ត្រខ្សែក្រវាត់គុនចម្រុះនារីពិភពលោក ONE Women’s Atomweight World Grand Prix រវាងខ្លាញីឥណ្ឌា Ritu Phogat និងជើងខ្លាំងមួយថៃ Stamp Fairtex នឹងកក្រើកសង្វៀន ONE: WINTER WARRIORS នាថ្ងៃសុក្រ ទី៣ ខែធ្នូនេះ។
គូនេះមានការចាប់អារម្មណ៍ខ្លាំងពីអ្នកជំនាញ និងមានការព្យាកររៀងៗខ្លួន។ ចំពោះសាមីខ្លួនទាំងពីរ បានបង្កើតសង្គ្រាមពាក្យសំដីជាយូរមកហើយ ហើយម្នាក់ៗសុទ្ធតែមានជំនឿចិត្តរៀងៗក្នុងការគ្រងខ្សែក្រវាត់នេះ។ ខាងក្រោមជាសំនួរ និងចម្លើយពីបេក្ខភាពវគ្គផ្តាច់ព្រ័ត្រទាំងពីររូប។
សំនួរ និង ចម្លើយជាមួយ Ritu Phogat
សំនួរ៖ នេះជាការប្រកួតធំក្នុងអាជីព តើអ្នកភ័យទេ?
Ritu Phogat៖ អត់ភ័យទេ តែផ្ទុយទៅវិញសប្បាយចិត្ត ពីព្រោះខ្ញុំកាន់តែខិតជិតចូលដល់ក្តីសុបិនរបស់ខ្ញុំហើយ។ ខ្ញុំពិតជារីករាយណាស់ចំពោះការត្រៀមខ្លួនប្រកួតនេះ។
សំនួរ៖ អ្នកគិតថា Stamp មានឱកាសឈ្នះដោយក្បាច់ក្រោមទេ?
Ritu ៖ ក្នុងទម្ងន់ atomweight នេះ ខ្ញុំមានជំនាញចំបាប់ល្អជាងគេ។ ខ្ញុំមានអារម្មណ៍ថា Stamp មិនអាចឈ្នះខ្ញុំដោយក្បាច់ក្រោមបានទេ។ ខ្ញុំនឹងបង្ហាញឲ្យអ្នកគាំទ្រឃើញច្បាស់ថ្ងៃទី៣ ខែធ្នូនេះ។
សំនួរ ៖ ចុះបើអ្នកចាប់ផ្តួល Stamp បាន តើអ្នកគិតថា ជាឱកាសទេ?
Ritu : ខ្ញុំនឹងបញ្ឈប់គាត់ពាក់កណ្តាលផ្លូវ។ នឹងបញ្ឈប់ដោយឃ្លេឲ្យចុះចាញ់ ឬកាច់ដៃ ឬក៏រឹតកឲ្យបោះបង់ចោលការប្រកួត ប៉ុន្តែគោលដៅរបស់ខ្ញុំចង់ឲ្យចប់ទឹក។
សំនួរ៖ Stamp ធ្លាប់ឈ្នះកីឡាការិនីឥណ្ឌា៣នាក់គឺ Rashi Shinde, Asha Roka, និង Puja Tomar។ តើអ្នកគិតខ្លួនឯងថា ខុសពីកីឡាការិនីឥណ្ឌាទាំង៣នាក់នោះយ៉ាងណា?
Ritu ៖ពិតជាខុសគ្នាឆ្ងាយ ហើយខ្ញុំជាប្រភេទដៃគូដែល Stamp មិនធ្លាប់ជួបពីមុន។ ខ្លាញីឥណ្ឌានេះពោរពេញបច្ចេកទេស កម្លាំង និងស្មារតីដែលខុសពីកីឡាការិនីឥណ្ឌា៣នាក់មុន។
សំនួរ៖ ប្រសិនបើឈ្នះ តើមានន័យយ៉ាងណាចំពោះពលរដ្ឋឥណ្ឌា?
Ritu ៖ ប្រកួតនេះពិតជាសំខាន់ណាស់សម្រាប់ឥណ្ឌា ជាពិសេសដោយសារតែកីឡា MMA មិនសូវល្បីទេនៅឥណ្ឌា។ ខ្ញុំចង់ឲ្យការប្រកួតនេះ ជ័យជម្នះនេះក្លាយជាកម្លាំងចិត្ត ជំរុញលើកទឹកចិត្តដល់អ្នកជំនាន់ក្រោយ។
សំនួរ និង ចម្លើយជាមួយ Stamp Fairtex
សំនួរ៖ មានអារម្មណ៍យ៉ាងណាចំពោះការប្រកួតខ្សែក្រវាត់នេះជាមួយនឹងខ្សែក្រវាត់ដែលធ្លាប់ប្រកួតមុន?
Stamp ៖ ពិតជាអស្ចារ្យណាស់សម្រាប់ Grand Prix ពីព្រោះទម្រាំបានឡើងដល់ផ្តាច់ព្រ័ត្រឆ្លងកាត់ឧបសគ្គច្រើនណាស់។ ខុសពីការប្រកួតខ្សែក្រវាត់មួយថៃ និងឃីកបុកសីងដែលខ្ញុំប្រកួតតែម្តងបានខ្សែក្រវាត់។
សំនួរ៖ មានគេនិយាយថា អ្នកមានសម្ពាធរាល់ពេលប្រកួតខ្សែក្រវាត់ពីមុន។ ចុះអ្នកគិតថា ជួប Ritu ថ្ងៃសុក្រនេះមានសម្ពាធផ្លូវចិត្តទេ?
Stamp ៖ ខ្ញុំគិតថា អ្នករាល់គ្នាសុទ្ធតែធ្លាប់មានសម្ពាធរាល់ពេលប្រកួត។ យើងទាំងពីរក៏មិនខុសគេដែរគឺខ្ញុំមានអារម្មណ៍ថា មានសម្ពាធដូចគ្នា។
សំនួរ៖ Ritu និយាយថា គាត់បានឃើញភ្នែករបស់អ្នកនឹងភ័យពេលជួបមុខនាងនៅលើសង្វៀនកាលពីប្រកួតវគ្គពាក់កណ្តាលផ្តាច់ព្រ័ត្រ។ តើមានអ្វីចង់និយាយបញ្ហានេះ?
Stamp ៖ តើគាត់គ្រាន់តែឃើញភ្នែកខ្ញុំដឹងថា ខ្ញុំភ័យដោយរបៀបណា? ខ្ញុំមិនដឹងអារម្មណ៍យ៉ាងណាទេពេលនោះ ពីព្រោះពេលនោះ ខ្ញុំឃ្លានបាយ។
សំនួរ៖ ប្រសិនបើប្រកួតលេងក្បាច់ក្រោម តើអ្នកគិតថា អាចទប់ទល់ជំនាញចំបាប់របស់ Ritu ទេ?
Stamp ៖ ប្រសិនបើលេងក្បាច់ក្រោម ខ្ញុំក៏មានក្បាច់ទប់ទល់ និងវាយបកបាន។ និយាយឲ្យខ្លីគឺ ខ្ញុំមិនឲ្យចូលទៅក្នុងហ្គេមរបស់នាងទេ។
សំនួរ៖ ពីមុន អ្នកធ្លាប់គិតថា Ritu អាចឡើងដល់វគ្គផ្តាច់ព្រ័ត្រទេ?
Stamp ៖ ខ្ញុំបានគិត ហើយខ្ញុំបានចាត់ទុកខ្លាញីឥណ្ឌានេះលេចធ្លោជាងគេក្នុងចំណោមបេក្ខភាពកម្មវិធីខ្សែក្រវាត់ Grand Prixទាំងអស់។
សំនួរ៖ តើអ្នកយល់ឃើញពីក្បាច់វ៉ៃឈររបស់ Ritu រីកចម្រើនទេ ហើយនាងអាចប្តូរជាមួយអ្នកទេ?
Stamp ៖ ខ្ញុំមិនគិតថា នាងរីកចម្រើនក្បាច់ឈរទេ។ បើនាងហ៊ានតែប្រថុយវ៉ៃក្បាច់ឈរជាមួយខ្ញុំ នាងនឹងសន្លប់។
ជំងឺផ្តាសាយបក្សីប្រភេទថ្មី ឆ្លងដល់សត្វគោយកទឹកដោះនៅសហរដ្ឋអាមេរិក បង្កក្តីបារម្ភខ្លាំង
ថៃសង្គ្រោះជនរងគ្រោះ៦១នាក់ពីកន្លែងឆបោកនៅមីយ៉ាន់ម៉ា
ប្រជាជនហ្គាហ្សារងភាពវេទនាខ្លាំង ខណៈអាកាសធាតុចុះត្រជាក់ខ្លាំង លាយឡំដោយព្យុះ
បញ្ជរសេវាសាធារណៈចល័តរបស់ក្រសួងការងារនៅតាមគ្រឹះស្ថានអប់រំ ជាការបង្ខិតឱកាសការងារ ដល់សិស្ស និស្សិត
គម្រោងដំឡើងរបាំងពុះចែកទ្រូង លើផ្លូវ ៦០ ម៉ែត្រ ប្រើប្រាស់ពេលប្រមាណ ១ ខែកន្លះ ទើបបញ្ចប់
ភ្លើងឆេះព្រៃលើភ្នំសំពៅ បង្ខំឲ្យព្រះសង្ឃជម្លៀសព្រះកាយចេញរកកន្លែងសុវត្ថិភាព
អ្នកនាំពាក្យ បញ្ជាក់ពីស្ថានភាពអ្នករងរបួសក្នុងហេតុការណ៍ឆេះក្លឹបកម្សាន្ដ មីតណាយព្រីមៀរ កាលពីម្សិលមិញ
អភិបាលរងរាជធានី ស្នើឱ្យសមត្ថកិច្ច និងម្ចាស់ខុនដូរ អាផាតមិន សណ្ឋាគារ ផ្ទះសំណាក់ និងផ្ទះជួល សហការគ្នា គ្រប់គ្រងវត្តមានជនបរទេសឱ្យបានល្អ
ផ្សារក្រមួន យូណាយ អាជីវករធ្លាប់លក់តែមួយព្រឹក ពេលនេះលក់ពេញមួយថ្ងៃ ពលរដ្ឋថា ពិបាកធ្វើដំណើរ
មុនីនាគ ជាប់ឈ្មោះជាតារាចម្រៀងប្រុស មានសមត្ថភាពច្រៀងភាសាអង់គ្លេសល្អបំផុត
-
សន្តិសុខសង្គម២ ថ្ងៃ agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ២ ថ្ងៃ agoព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៦ ថ្ងៃ agoការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
សន្តិសុខសង្គម៧ ថ្ងៃ agoUpdate! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៧ ថ្ងៃ agoសម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៦ ថ្ងៃ agoបានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៦ ថ្ងៃ agoធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?
-
ព័ត៌មានអន្ដរជាតិ៣ ថ្ងៃ agoត្រាំ តម្រូវឲ្យអ៊ុយក្រែន យកធនធានរ៉ែកម្រមកដោះដូរ បើចង់បានជំនួយអាមេរិក តទៀត