កីឡា

ទិវារត់ប្រណាំងអន្តរជាតិពាក់កណ្ដាលម៉ារ៉ាតុងនៅអង្គរវត្ត ចាប់ផ្ដើមថ្ងៃទី៦ធ្នូ

បានផុស

៤ years មុន

នៅ

ថ្ងៃសៅរ៍ ២៤ តុលា ២០២០

ដោយ

លោក វ៉ាត់ ចំរើន កាលពីព្រឹកថ្ងៃទី២៤តុលា បានអញ្ជើញចូលរួមពិធីប្រកាសខួបលើកទី២៥ នៃទិវារត់ប្រណាំងអន្តរជាតិ ពាក់កណ្តាលម៉ារ៉ាតុង នៅអង្គរវត្ត ដែលនឹងប្រព្រឹត្តទៅនាថ្ងៃទី០៦ ខែធ្នូ ឆ្នាំ២០២០ និងការប្រគល់ថវិកាដល់អង្គការមនុស្សធម៌ និងមន្ទីរពេទ្យកុមារ សម្រាប់ឆ្នាំ២០១៩ នៅទីស្នាក់ការគណៈកម្មាធិការជាតិអូឡាំពិកកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា បានមានប្រសាសន៍ថា ទិវារត់ប្រណាំងអន្តរជាតិពាក់កណ្ដាលម៉ារ៉ាតុងអង្គរវត្តលើកទី២៥ ឆ្នាំ២០២០ គឺជាព្រឹត្តិការណ៍ធំបំផុតដែលគណៈកម្មការគ្រោងធ្វើឡើង នៅតំបន់អង្គរ ខេត្តសៀមរាប។ ប៉ុន្តែក្រោយពីមេរោគCOVID-19 បានវាយប្រហារពិភពលោក យើងសម្រេចចិត្តលុបព្រឹត្តិការណ៍ទាំងអស់ ដោយធ្វើការរត់ធម្មតាវិញ។

លោកបានបន្តថា សម្រាប់ព្រឹត្តិការណ៍នេះ គ្មានការចូលរួមពីជនបរទេសដែលមកពីប្រទេសក្រៅទេ ដោយមានអ្នកចូលរួមជាតិ និងអន្តរជាតិ រស់នៅប្រទេសកម្ពុជា។ ចំពោះអ្នកចូលរួម យើងមិនអាចកំណត់ចំនួនបានឡើយ ដូច្នេះគណៈកម្មការ រង់ចាំការសម្រេចចិត្តរបស់ក្រសួងសុខាភិបាលជាអ្នកកំណត់ ដើម្បីប្រយុទ្ធប្រឆាំងមេរោគឆ្លង COVID-19។

ក្នុងឱកាសពិធីប្រកាសបើកជាផ្លូវការគណៈកម្មការរៀបចំបានប្រគល់ថវិកាដល់អង្គការមនុស្សធម៌ និងមន្ទីរពេទ្យកុមារ សម្រាប់ឆ្នាំ២០១៩ ចំនួន១៤៤,៦១១ដុល្លារអាមេរិក រួមមាន កាកបាទក្រហមកម្ពុជាចំនួន១ម៉ឺនដុល្លារអាមេរិក មន្ទីរពេទ្យគន្ធបុប្ផាចំនួន៥ពាន់ដុល្លារអាមេរិក Cambodia Trust ចំនួន៣៦០០ដុល្លារអាមេរិក Handicap International Belgi um ចំនួន៣០០០ដុល្លារអាមេរិក មន្ទីរពេទ្យកុមារអង្គរ ខេត្តសៀមរាបចំនួន ១១១,២១១ដុល្លារអាមេរិក និងអង្គការបេះដូងមាសចំនួន១១,៨០០ដុល្លារអាមេរិក៕