កីឡា

ប្រធានសហព័ន្ធប្រដាល់គុនខ្មែរ៖ វគ្គអាជ្ញាកណ្ដាល ចៅក្រមកម្រិតមធ្យម ជាការជួយបំពេញចន្លោះខ្វះខាតនៅលើសង្វៀនប្រកួត

បានផុស

៣ years មុន

នៅ

ថ្ងៃសុក្រ ១០ ធ្នូ ២០២១

ដោយ

លោកឧត្តមសេនីយ៍ឯក តែម ម៉ឺន ប្រធានសហព័ន្ធកីឡាប្រដាល់គុនខ្មែរបានមានប្រសាសន៍ថាសិក្ខាកាមជាមន្ត្រីអាជ្ញាកណ្ដាល ចៅក្រម ដែលបានឆ្លងវគ្គបណ្ដុះបណ្ដាលអាជ្ញាកណ្ដាល ចៅក្រមកម្រិតមធ្យមត្រូវធ្វើការស្ម័គ្រចិត្ត មានឆន្ទៈដោយកម្លាំងចិត្ត កម្លាំងកាយ បញ្ញាស្មារតីរបស់ខ្លួនឲ្យល្អប្រសើរ ដើម្បីត្រៀមធ្វើជាអាជ្ញាកណ្តាល និងចៅក្រមនៃព្រឹត្តិការណ៍ការប្រកួតកីឡា SEA GAMES 2023 លើកទី៣២ដែលប្រទេសកម្ពុជាធ្វើជាម្ចាស់ផ្ទះ។

លោកឧត្តមសេនីយ៍ តែម ម៉ឺន ដែលជាអគ្គលេខាធិការរងគណៈកម្មាធិការជាតិអូឡាំពិកកម្ពុជា និងជាប្រធានសហព័ន្ធកីឡា ប្រដាល់គុនខ្មែរ បានលើកឡើងបែបនេះ ក្នុងឱកាសបិទវគ្គបណ្ដុះបណ្ដាលអាជ្ញាកណ្ដាល ចៅក្រមកម្រិតមធ្យមនៅថ្ងៃទី ១០ ខែឆ្នូ ឆ្នាំ ២០២១ នៅសាលប្រជុំក្នុងមជ្ឈមណ្ឌលកីឡាកងយោធពលខេរភូមិន្ទ (ស្តាតចាស់)។ ពិធីបិទវគ្គនេះ ក៏មានការចូលរួមពីសំណាក់លោកសាស្ត្រាចារ្យ ម៉ិល កាដូ អគ្គនាយករង នៃអគ្គនាយកដ្ឋានកីឡាតំណាងរបស់ក្រសួងអប់រំយុវជន និង កីឡា ផងដែរ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក តែម ម៉ឺន ប្រធានសហព័ន្ធកីឡា ប្រដាល់គុនខ្មែរ បានមានប្រសាសន៍ប្រាប់បណ្ដាញព័ត៌មានថា សិក្ខាកាមដែលជាអាជ្ញាកណ្ដាល ចៅក្រមត្រូវមានឆន្ទៈក្នុងការបំពេញការងារនៅលើសង្វៀនប្រកួតដាច់ខាត មិនមែនរៀនចប់ហើយ ប៉ុន្មានខែក្រោយមកបែរជាទទួលពិន័យរបស់សហព័ន្ធដោយការកាត់ក្តីមិនត្រូវត្រឹមនោះឡើយ។ សម្រាប់ការបំពេញការងារ តាមស្ថានីយមិនមែនជាការជួលនោះឡើយ គឺជាការធ្វើការស្ម័គ្រចិត្ត មួយទៀតអាជ្ញាកណ្ដាល ចៅក្រមអញ្ជើញឲ្យមករៀនវគ្គអាជ្ញាកណ្ដាល ចៅក្រម មិនមករៀន ហើយចង់ធ្វើអាជ្ញាកណ្ដាល ចៅក្រមមិនអាចទៅរួច ដូច្នេះបើមិនមករៀន មិនអនុញ្ញាតឲ្យធ្វើអាជ្ញាកណ្ដាល ចៅក្រមតាមស្ថានីយឬឈប់រហូតតែម្តង។

លោកបានបន្តថា វគ្គនេះគឺចំណាយថវិការបស់ក្រសួងអប់រំយុវជន និងកីឡា ហើយសិក្ខាកាមដែលភាគច្រើនជាគរុសិស្សមកពីវិទ្យាស្ថានជាតិអប់រំកាយ និងកីឡានោះសុទ្ធតែជាអ្នកមានចំណេះដឹងខាងកីឡាខ្ពង់ខ្ពស់ ហេតុនេះពួកគេងាយនឹងទទួល យកនូវពុទ្ធិថ្មីៗទាំងអស់ ។សិក្ខាកាមទាំង អស់មិនត្រឹមតែពួកគេសុទ្ធតែមានអាយុ ៣៥ឆ្នាំចុះ ពួកគេមានចំណេះដឹង និង មានកាយសម្បទាល្អគឺសហព័ន្ធមិនយកអ្នកដែលមានកម្ពស់មិនគ្រប់គ្រាន់នោះទេ។

លោក និន ភិរម្យ អគ្គលេខាធិការរងសហព័ន្ធកីឡាគុនខ្មែរបានឲ្យដឹងថា សិក្ខាកាមមានចំនួន ២៥ រូប សុទ្ធតែថិតក្នុងកម្រិតមធ្យមទាំង ២៥ រូប ដែលក្នុងនោះមានមួយរូបជានារី ក្រៅពីនោះជាអតីតកីឡាករប្រដាល់ល្បីៗ។ នេះជាវគ្គមធ្យម ដែលការសិក្សាផ្ដោតសំខាន់ទៅលើបច្ចេកទេស និងក្រមសីលធម៌ ចំពោះអ្នកដែលបានឆ្លងវគ្គសិក្សានេះ សុទ្ធតែបានទទួលវិញ្ញាបនបត្រ ដែលមានតម្លៃសម្រាប់ការចូលរួមបំពេញ ការងារក្នុងការប្រកួតប្រដាល់គុនខ្មែរ៕

អត្ថបទ៖ វិសិទ្ធ