ផ្ទុះកូវីដក្នុងក្លិប Man Utd ឆ្លងកីឡាករ និងបុគ្គលិកច្រើននាក់

កាលពីថ្ងៃអាទិត្យ ក្រុមបិសាចក្រហម Manchester United ត្រូវរងគ្រោះដោយការផ្ទុះឡើងនៃមេរោគកូវីដ១៩ ក្នុងចំណោមកីឡាករ និងបុគ្គលិក ដែលជាហេតុបង្កផលលំបាកដល់ការប្រកួតបន្ទាប់ក្នុងក្របខណ្ឌអង់គ្លេស Premier League ជាមួយនឹងក្រុម Brentford។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Man Utd ដែលបានឈ្នះ Norwich City ១-០ កាលពីថ្ងៃសៅរ៍ នឹងត្រូវធ្វើដំណើរទៅកាន់ទឹកដីរបស់ក្រុម Brentford នៅថ្ងៃអង្គារស្អែកនេះ។

គេហទំព័រ The Athletic បានរាយការណ៍ថា កីឡាករ និងបុគ្គលិកមួយចំនួន បានទទួលលទ្ធផលតេស្តវិជ្ជមានកាលពីព្រឹកថ្ងៃអាទិត្យ ហើយត្រូវបានបញ្ជូនទៅផ្ទះវិញវិញមុនពេលហ្វឹកហាត់។ ទោះបីជាយ៉ាងណាក៏ដោយ មិនមានការបញ្ចេញឈ្មោះកីឡាករនិង បុគ្គលិកដែលឆ្លងកូវីដទេ។

គួរបញ្ជាក់ថា ការប្រកួតក្នុងផ្ទះរបស់ក្លិប Brighton & Hove Albion ទល់នឹង Tottenham Hotspur ដែលនឹងត្រូវប្រកួតនៅថ្ងៃអាទិត្យ ក៏ត្រូវបានផ្អាកផងដែរដោយសារករណីកូវីដយ៉ាងច្រើននៅក្នុងក្លិប Tottenham កាលពីសប្តាហ៍មុន។

ចក្រភពអង់គ្លេស បានបង្កើនកម្រិតប្រកាសអាសន្នកូវីដរបស់ខ្លួនកាលពីថ្ងៃអាទិត្យ ដើម្បីឆ្លើយតបទៅនឹងការរីករាលដាលយ៉ាងឆាប់រហ័សនៃវីរុសបំប្លែងខ្លួន Omicron៕

ប្រែសម្រួល៖ Vann Vann

ប្រភព៖ Tuoi Tre

ចុចអាន៖ គ្រូតា Sir Alex ចង់បានម្នាក់នេះ មកដឹកនាំ Man Utd បន្ទាប់ពី Solskjaer