ក្រោយស្មើ ឥណ្ឌូណេស៊ី ម្សិលមិញ គ្រូវៀតណាម ផ្ដោតជ័យជម្នះលើ កម្ពុជា

បន្ទាប់ពីវៀតណាមស្មើឥណ្ឌូណេស៊ី ០-០ ក្នុងវគ្គចែកពូល AFF Cup កាលពីយប់ថ្ងៃពុធ គ្រូបង្វឹកវៀតណាមលោក Park Hang-seo បាននិយាយថា ពួកគេនឹងប្រឹងប្រែងឲ្យអស់ពីសមត្ថភាពដើម្បីដណ្តើមបានជ័យជម្នះក្នុងការប្រកួតបន្ទាប់ជាមួយកម្ពុជា ។

លោក Park បាននិយាយថា “ឥណ្ឌូណេស៊ី និងម៉ាឡេស៊ី ក៏ដូចគ្នានឹងត្រូវប្រជែងគ្នាដើម្បីដណ្តើមយកកៅ អីមួយក្នុងវគ្គពាក់កណ្តាលផ្តាច់ព្រ័ត្រ ។ ក្នុងការប្រកួតចុងក្រោយ យើងនឹងជួបជាមួយកម្ពុជា ហើយយើងនឹងធ្វើគ្រប់បែបយ៉ាងដើម្បីដណ្តើមយកជ័យជម្នះមួយនេះ” ។

បន្ទាប់ពីស្មើឥណ្ឌូណេស៊ី បច្ចុប្បន្នវៀតណាមស្ថិតក្នុងចំណាត់ថ្នាក់លេខ ២ ក្នុងពូល B ដោយមាន ៧ ពិន្ទុដូចឥណ្ឌូនេស៊ីដែរ ប៉ុន្តែចាញ់គ្រាប់បាល់ស៊ុត ខណៈកម្ពុជាស្ថិតនៅ លេខ ៤ មាន ៣ ពិន្ទុ ក្រោយឈ្នះឡាវ ៣-០ ។

គួរបញ្ជាក់ថា ការប្រកួតចុងក្រោយនេះ វៀតណាមនឹងជួបកម្ពុជាដែលធ្លាក់ចេញទៅ ហើយនៅ ថ្ងៃអាទិត្យ ទី១៩ ខែធ្នូ ខណៈឥណ្ឌូណេស៊ី ត្រូវជួបប្រកួតដ៏ស្វិតស្វាញជាមួយម៉ាឡេស៊ី ដើម្បីប្រជែងយកកៅ អីមួយក្នុងវគ្គពាក់កណ្តាលផ្តាច់ព្រ័ត្រ ហើយបើឈ្នះ​កម្ពុជានោះ ​វៀតណាមនឹង​ទៅ​ ជុំ​បន្ទាប់ ៕

ប្រែសម្រួលដោយ ៖ ជីវ័ន្ត

ប្រភព ៖ VNExpress