រន្ធត់! អ្នកចាំទីឥណ្ឌូណេស៊ី ស្លាប់ដោយសារប៉ះទង្គិចក្បាលធ្ងន់ធ្ងរ អំឡុងការប្រកួត

ដំណឹងដ៏សោកសៅបានអង្រួនពិភពបាល់ទាត់ឥណ្ឌូណេស៊ីដោយ អ្នកចាំទីឈ្មោះ Taufik Ramsyah មកពីក្លិប Tornado FC នៅលីគលំដាប់ទី៣ បានស្លាប់ បន្ទាប់ពីទទួលការវះកាត់ក្បាល ដោយសារការប៉ះទង្គិចធ្ងន់ធ្ងរជាមួយកីឡាករម្នាក់ទៀត។

អ្នកចាំទីវ័យ២០ឆ្នាំរូបនេះ ត្រូវបានបញ្ជូនចូលសង្គ្រោះបន្ទាន់ក្នុងមន្ទីរពេទ្យ ដោយសារតែបុកចំក្បាលជាមួយកីឡាករមកពីក្លិប Wahana FC កាលពីថ្ងៃសៅរ៍។ 

ការប៉ះទង្គិចបានកើតឡើង នៅពេលអ្នកចាំទីព្យាយាមជួយសង្គ្រោះបាល់ បុន្តែក្បាលរបស់គាត់ បានបុកជាមួយជើងរបស់កីឡាករក្លិប Wahana។

ក្រោយពេលកើតហេតុ Taufik បានសន្លប់ ហើយត្រូវបានបញ្ជូនទៅមន្ទីរពេទ្យភ្លាមៗ។ គាត់ត្រូវបានក្រុមគ្រូពេទ្យជួយសង្គ្រោះអស់រយៈពេលជា​ច្រើន​ថ្ងៃ ប៉ុន្តែ​ជីវិតរបស់​គាត់​មិន​អាច​សង្គ្រោះ​បាន​ឡើយ។

គួរបញ្ជាក់ថា ការប្រកួតរវាងក្រុម Tornado FC ទល់នឹង Wahana FC ត្រូវបានបញ្ចប់ដោយក្រុមម្ចាស់ផ្ទះ ទទួលបានជ័យជម្នះក្នុងលទ្ធផល ៤ទល់នឹង១៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Media Indonesia

ចុចអាន៖ អបអរសាទរ ភ្នំពេញក្រោនឈ្នះជើងឯកលីគឆ្នាំ២០២១