កីឡា

Tawanchai និង Saemapetch មានទំនាក់ទំនងពិសេសមួយ ប៉ុន្តែ ឡើងសង្វៀនវ៉ៃគ្នាសិន

បានផុស

៣ years មុន

នៅ

ថ្ងៃពុធ ១២ មករា ២០២២

ដោយ

Saemapetch Fairtex និង Tawanchai PK.Saenchai Muaythaigym មានទំនាក់ទំនងជិតស្និទ្ធដូចបងប្អូន ប៉ុន្តែ ត្រូវព្រលះគ្នា ១៥ នាទីសិនពេលឡើងសង្វៀន។

Saemapetch Fairtex Targeting Nong-O Rematch After Conquest of Rival Rittewada

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាមួយថៃទាំងពីរនឹងជួបគ្នាក្នុងនាមគូសំខាន់នៅសង្វៀន ONE: HEAVY HITTERS នាថ្ងៃសុក្រទី ១៤ ខែ មករា នេះ នៅកីឡដ្ឋាន Singapore Indoor Stadium ហើយពួកគេត្រៀមខ្លួនប្រកួតឲ្យល្អមើលបំផុតរហូតដល់ស្នូរជួងបានបញ្ចប់។

Tawanchai បានថ្លែងថា៖«យើងមិនអាចគេចវេះការប្រកួតនេះទេ។ ពេលនេះ ជាឱកាសដែលនាំឲ្យពួកយើងជួបគ្នា។ ខ្ញុំមានអារម្មណ៍ថា វាគ្រាន់តែកីឡា។ យើងនឹងឡើងវ៉ៃគ្នានៅលើសង្វៀន និង ឱបគ្នាទៅវិញទៅមក ពេលកិច្ចការរបស់យើងត្រូវបានបញ្ចប់។ យើងជាបងប្អូននឹងគ្នា»។

5 Must-Know Facts About Muay Thai Superstar Tawanchai

Tawanchai Scores Walk-Off KO Of Sean Clancy In OSS Debut

ចំពោះរឿងនេះ Saemapetch ក៏យល់ស្របដូចគ្នា បែបនេះ៖«[ការប្រកួតគ្នា] មិនអាចគេចវេះបាន។ យើងនឹងធ្វើឲ្យល្អបំផុតក្នុងនាមកីឡាករ»។ ទោះអ្នកទាំងពីរហ្វឹកហាត់ខុសគ្នានៅប្រទេសថៃ ពោល Saemapetch ហ្វឹកហាត់នៅក្លិប Fairtex Gym ក្រុងផាត់តាយ៉ា ហើយ Tawanchai ហាត់នៅ PK.Saenchai Muaythaigym នាក្រុងបាងកក។ ប៉ុន្តែពួកគេក្លាយជាមិត្តភ័ក្ដិដោយសារមានប្រវត្តិហ្វឹកហាត់មួយថៃដូចគ្នា។

ត្រឹមវ័យ ២៧ ឆ្នាំ Saemapetch គឺជាកីឡាករមានបទពិសោធន៍ខ្លាំងក្នុងចំណោមកីឡាករផ្សេងៗប្រចាំសង្វៀន ONE Super Series ខណៈកីឡាករវ័យ ២២ ឆ្នាំដែលជាមិត្តរួមជាតិកំពុងលេចធ្លោនៅសង្វៀនលំដាប់ពិភពលោក។ ដោយឃើញបែបនេះ សិស្សគុនក្លិប Fairtex ក៏បានផ្ដល់យោបល់ដល់តារាកំពុងរះរូបនេះ។ «Tawanchai ត្រូវចេញទៅប្រកួតនៅបរទេសលើកដំបូង។ គេមិនទាន់សុំានឹងកន្លែងថ្មី និង បទបញ្ជាប្រកួតថ្មី។ ទោះបីរូបគេហ្វឹកហាត់ជាមួយគ្នា ក៏នៅមានបញ្ហាខ្លះខាងទំនាក់ទំនង»។ Saemapetch បានថ្លែងបែបនេះ។ «ទោះយើងជាគូប្រកួតក្នុងទម្ងន់ជាមួយ ខ្ញុំមិនផ្ដោតខ្លាំងលើវាពេកទេ។ ខ្ញុំរីករាយក្នុងការជួយរូបគេក្នុងនាមជារៀមច្បង។ ខ្ញុំមានអារម្មណ៍ថា យើងជាគ្រួសារមួយថៃ។ យើងត្រូវជួយគ្នាទៅវិញទៅមក»។ Tawanchai ដឹងគុណចំពោះពាក្យពេចន៍ល្អៗរបស់មិត្តរួមជាតិ និងជួយឲ្យកាន់តែមានកម្រិតខ្ពស់។

Saemapetch Fairtex Plans To Use New Tricks Against Rodlek - ONE Championship – The Home Of Martial Arts

កីឡាកររូបនេះបញ្ជាក់ថា៖« ខ្ញុំជាអ្នកចំណូលថ្មីនៅ ONE ហើយមានរឿងជាច្រើនដែលខ្ញុំមិនដឹង។ ដូច្នេះខ្ញុំបានសាកសួរគាត់ និង ការរៀបចំខ្លួនផងដែរ ។ Saemapetch ចិត្តល្អចំពោះខ្ញុំ និងផ្ដល់ឲ្យខ្ញុំនូវដំបូន្មានដ៏មានប្រយោជន៍»។

3 Performances That Made Saemapetch Fairtex An OSS Superstar

ក្នុងការប្រកួតថ្ងៃសុក្រនេះ ទំនាក់ទំនងស្អិតល្មួតនឹងត្រូវដាក់ចុះរយៈពេល ១៥ នាទីដើម្បីប្រកួតគ្នា ក្នុងដំណើរស្វែងរកចំណាត់ថ្នាក់មួយថ្ងៃទម្ងន់ bantamweight ។ Saemapetch បច្ចុប្បន្នស្ថិតនៅចំណាត់ថ្នាក់លេខ១ក្នុងទម្ងន់នេះ ហើយគេក៏ចង់រក្សាតំណែងនេះដែរ។ ប៉ុន្តែ ទោះលទ្ធផលបែបណាក៏ទំនាក់ទំនងមិនបែកបាក់នោះទេ។ Tawanchai សង្កត់ធ្ងន់ថា៖«យើងបានជជែកគ្នាអំពី [ការប្រកួតជាមួយគ្នា។ ខ្ញុំនិយាយទៅកាន់គាត់ថា វាមិនបញ្ហាទេបង។ បើសិនយើងជួបគ្នានៅលើសង្វៀន យើងត្រូវធ្វើការងាររបស់យើង។ តែបើនៅក្រៅសង្វៀន យើងគឺជាបងប្អូន»៕

Related Topics:កីឡាប្រដាល់