កីឡា

ចិនបើកកីឡាអូឡាំពិកដើមខែក្រោយ លោក ស៊ី អត់ខ្វល់ចំនួនមេដាយមាស តែខ្វល់រឿងនេះជាង

បានផុស

៣ years មុន

នៅ

ថ្ងៃព្រហស្បតិ៍ ២៧ មករា ២០២២

ដោយ

លោកប្រធានាធិបតីចិន ស៊ី ជីនពីង មិនខ្វល់ពីចំនួនមេដាយមាសដែលអត្តពលិកចិនទទួលបាននោះទេសម្រាប់ព្រឹត្តិការណ៍កីឡាអូឡាំពិករដូវរងានៅទីក្រុងប៉េកាំងដែលនឹងចាប់បើកប្រកួតជាផ្លូវការដើមខែកុម្ភៈខាងមុខ។

លោក ស៊ី បានប្រធានគណៈកម្មាធិការអូឡាំពិកអន្តរជាតិ (IOC) លោក Thomas Bach ថា ៖«លើកនេះ ខ្ញុំមិនខ្វល់ពីចំនួនមេដាយមាសដែលកីឡាករ កីឡាការិនីចិនឈ្នះនោះទេ។ ខ្ញុំខ្វល់ខ្វាយខ្លាំងអំពីការជំរុញទឹកចិត្ត និងភាពរឹងមាំដែលនឹងផ្តល់ឲ្យពួកយើងនាពេលអនាគត»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកប្រធានាធិបតីចិនមានប្រសាសន៍ក្នុងវីដេអូឃ្លីបមួយចេញផ្សាយកាលពីថ្ងៃពុធដោយទូរទស្សន៍ CCTV ថា លោកចាប់អារម្មណ៍ខ្លាំងលើការបង្កើនចំនួនអ្នកចូលរួមព្រឹត្តិការណ៍ ដែលសំដៅទៅលើការសន្យាសារធារណសម្រាប់កីឡាអូឡាំពិកប៉េកាំងឆ្នាំ២០២២ដែលមានពលរដ្ឋចិន៣០០លាននាក់ចូលរួមព្រឹត្តិការណ៍រដូវរងានេះ។

ប្រទេសចិនបាននិយាយកាលពីដើមខែនេះថា គោលដៅនេះបានសម្រេចហើយ ប៉ុន្តែមិនបានផ្តល់ព័ត៌មានលំអិតអំពីអ្នកចូលរួមទេ។

លោក ស៊ី ប្រាប់លោក Bach ថា ៖«ភាពល្បីល្បាញរបស់កីឡាជិះស្គីទឹកកក និងព្រិលគឺពិតជាធ្វើឲ្យមានភាពល្អប្រសើរចំពោះថាមពលកីឡារបស់ជាតិ»។

ចិនបានក្លាយជាមហាអំណាចកីឡាមួយនៅក្នុងព្រឹត្តិការណ៍កីឡាអូឡាំពិករដូវក្តៅដែលតែងតែទទួលបានមេដាយជិតកំពូលតារាងរហូត និងទទួលបានកំពូលតារាងមេដាយលើកដំបូងនៅពេលទីក្រុងប៉េកាំងធ្វើម្ចាស់ផ្ទះកីឡាអូឡាំពិករដូវក្តៅឆ្នាំ២០០៨ដែលឈ្នះមេដាយមាសជាប់កំណត់ត្រាដល់ទៅ៤៨គ្រឿង។

សូមបញ្ជាក់ថា ព្រឹត្តិការណ៍កីឡាអូឡាំពិករដូវរងានៅប្រទេសចិននឹងបើកដំណើរការជាផ្លូវការនាថ្ងៃទី៤ ដល់ថ្ងៃទី២០ ខែកុម្ភៈ ឆ្នាំ២០២២៕

ប្រែសម្រួល៖ វីរបុត្រ
ប្រភព៖ reuters