កីឡា

ប្រដាល់គុនខ្មែរជើងឯកជាតិ បានបញ្ចប់ដោយក្រសួងការពារជាតិឈរនៅលំដាប់កំពូលតារាងបានមេដាយមាស ៨គ្រឿង

បានផុស

៣ years មុន

នៅ

ថ្ងៃសុក្រ ១៨ កុម្ភៈ ២០២២

ដោយ

ការប្រកួតកីឡាប្រដាល់គុនខ្មែរជើងឯកជាតិឆ្នាំ២០២១ ដែលចាប់ផ្ដើមប្រកួតពីថ្ងៃទី១៤កុម្ភៈមកនោះ បានបញ្ចប់ហើយ នៅល្ងាចថ្ងៃទី១៨កុម្ភៈ២០២២ នៅមជ្ឈមណ្ឌលហ្វឹកហ្វឺនកីឡាកងយោធពលខេមរភូមិន្ទ(ស្តាតចាស់)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតជើងឯកនេះ មានកីឡាករ កីឡាការិនីចូលរួមចំនួន១១៣រូប ដែលក្នុងនោះកីឡាការិនីចំនួន១៣រូប មកពីក្រសួង ស្ថាប័នមន្ទីរអង្គភាព សមាគម ក្លឹប មកពីបណ្តារាជធានី-ខេត្ត១៤។ នេះបើតាម លោក ហេង សុខឃន អគ្គលេខាធិការសហព័ន្ធកីឡាប្រដាល់គុនខ្មែរបានឲ្យដឹងក្នុងពិធីបិទការប្រកួត។

ឆ្លងកាត់ការប្រកួត៥ថ្ងៃ ក្រុមកីឡាករប្រ ដាល់គុនខ្មែរក្រសួងការពារជាតិ ប្រជែងបានចំណាត់ថ្នាក់លេខ១ ដោយឈ្នះបានមេដាយមាសចំនួន៨ប្រភេទទម្ងន់ ក្នុងនោះបុរសបាន៥មេដាយមាស ហើយមេដាយ មាសនារីបាន៣ប្រភេទទម្ងន់។ ទន្ទឹមនេះ ក្រសួងការពារជាតិ បានមេដាយប្រាក់២និងសំរិទ្ធ១ ផងដែរ។ សរុបការពារជាតិបានមេដាយចំនួន១១គ្រឿង។

ចំណាត់ថ្នាក់លេខ ២ សមាគមប្រដាល់ខេត្តស្វាយរៀងមេដាយមាស ២ និងសំរិទ្ធ ៤ គ្រឿង សរុប៦គ្រឿង ។ លេខ៣ ក្រសួងមហាផ្ទៃ មេដាយមាស១ មេដាយប្រាក់ ១ និងសំរិទ្ធ ២ សរុបចំនួន៤គ្រឿង។

ខេត្តបន្ទាយមានជ័យ ស្ថិតនៅចំណាត់ថ្នាក់លេខ៤ ដោយបានមេដាយសរុប៤គ្រឿង គឺមាស១ ប្រាក់១ សំរិទ្ធ១។ហើយខេត្ត កោះ កុង លេខ៥ បានមេដាយមាស១ ប្រាក់១ សំរិទ្ធ១ សរុប៣គ្រឿង៕

ដោយ ៖ វិសិទ្ធ