កីឡា

ក្រុមហ៊ុនលេខ ៣ លែងឧបត្ថម្ភលើអាវ Chelsea ក្រោយអតីតម្ចាស់ក្លឹបទទួលទណ្ឌកម្មកាន់តែខ្លាំង

បានផុស

៣ years មុន

នៅ

ថ្ងៃសុក្រ ១១ មីនា ២០២២

ដោយ

វាបានក្លាយជាដំណឹងអាក្រក់ជាបន្តបន្ទាប់ សម្រាប់ក្លឹបយក្សនៅ Premier League Chelsea ខណៈដែលពួកគេបាត់បង់អ្នកឧបត្ថម្ភអាវលេខ “៣” បន្ទាប់ពីមានព័ត៌មានថា រដ្ឋាភិបាលចក្រភពអង់គ្លេស បានដាក់ទណ្ឌកម្មលើមហាសេដ្ឋី Roman AbraMovich ដែលជាម្ចាស់ក្លឹប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព័ត៌មានអំពីទ្រព្យសម្បត្តិរបស់ Abramovich ត្រូវបានរឹបអូស ដោយរដ្ឋាភិបាលចក្រភពអង់គ្លេស បង្កជាការភ្ញាក់ផ្អើលដល់ក្លឹប Chelsea យ៉ាងខ្លាំង រួមទាំងអ្នកឧបត្ថម្ភដែលគាំទ្រក្រុម ក៏មានការព្រួយបារម្ភថានឹងបន្តគាំទ្រឬអត់។

ទីបំផុត “៣” គឺជាក្រុមហ៊ុនផ្ដល់សេវាទូរគមនាគមន៍ និងអ៊ីនធឺណិតរបស់អង់គ្លេស ដែលជាអ្នកឧបត្ថម្ភធំៗ បានប្រកាសថា ពួកគេបានសម្រេចចិត្តផ្អាកការគាំទ្រដល់ក្រុម ហើយចង់ឲ្យ Chelsea ដកស្លាកសញ្ញាលេខ ៣ របស់ក្រុមហ៊ុនចេញពីអាវ រួមទាំងឈ្មោះម៉ាក ដែលដាក់នៅជុំវិញកីឡដ្ឋាន Stamford Bridge។

សេចក្ដីថ្លែងការណ៍របស់ “៣” បាននិយាយថា “យើងបានជូនដំណឹងដល់ក្លឹបបាល់ទាត់ Chelsea ផ្អាកការឧបត្ថម្ភក្រុមជាបណ្ដោះអាសន្ន ហើយយើងចង់ឲ្យគេយកម៉ាកយីហោរបស់យើងចេញពីអាវ។ យើងដឹងថាការសម្រេចចិត្តបែបនេះនឹងប៉ះពាល់ដល់អ្នកគាំទ្រ។ តែនេះជារឿងត្រឹមត្រូវ ដែលត្រូវធ្វើ ”។

គួរបញ្ជាក់ថា “៣” បានចាប់ដៃគូជាមួយ Chelsea តាំងពីឆ្នាំ ២០២០ ហើយបានបង្ហាញខ្លួននៅលើអាវក្រុម សម្រាប់កិច្ចសន្យា ៤០ លានផោន ក្នុងមួយឆ្នាំ ប៉ុន្តែបន្ទាប់មកការដក “៣” បានធ្វើឲ្យក្លឹបនេះ កំពុងស្ថិតក្នុងស្ថានភាពលំបាកណាស់។ នេះអាចប៉ះពាល់ដល់ហិរញ្ញវត្ថុរបស់ក្លឹប នាពេលអនាគតផងដែរ ៕

ប្រែសម្រួល៖ សាង ស្រីល័ក្ខ

ប្រភព៖Sanook

ចុចអាន៖រឿងរ៉ាវអស្ចារ្យទាំង ១០ ដែល Roman Abramovic សាងស្នាដៃ មុនចាកចេញពី Chelsea

ចុចអាន៖ស្ថានភាពសង្គ្រាមរវាង រុស្ស៊ី-អ៊ុយក្រែន កាន់តែក្ដៅ ម្ចាស់ក្លឹប Chelsea សម្រេចលាលែងតំណែង

Related Topics: