កីឡា

តារាជិះស្គី Chernousov បង្ហោះរូបថតជាមួយលោក ពូទីន បង្ហាញ«សារសន្តិភាព»

បានផុស

៣ years មុន

នៅ

ថ្ងៃចន្ទ ១៤ មីនា ២០២២

ដោយ

អតីតបេក្ខភាពប្រជែងជើងឯកពិភពលោក និងជាម្ចាស់មេដាយសំរឹទ្ធអូឡាំពិកឆ្នាំ២០១៤ កីឡាកររុស្ស៊ី Ilia Chernousov បានបង្ហោះរូបថតមួយសន្លឹករបស់ខ្លួនជាមួយប្រធានាធិបតីរុស្ស៊ី លោក វ្លាឌីមៀរ ពូទីន ព្រមជាមួយនឹងសារពាក់ព័ន្ធនឹងការវាយប្រហារនៅអ៊ុយក្រែន។

កីឡាករជិះស្គីឆ្នើម Chernousov បានបង្ហោះរូបថតដែលបង្ហាញពីរូបលោកមានស្នាមញញឹមពេលកំពុងឈរជាមួយលោក ពូទីន នៅលើបណ្តាញទំនាក់ទំនងសង្គម Instagram។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករជិះស្គីឆ្លងប្រទេសអាយុ៣៥ឆ្នាំបានសរសេរនៅលើគណនីទំនាក់ទំនងសង្គមរបស់ខ្លួនដែលមានអ្នកគាំទ្រជិត១ម៉ឺននាក់ថា ៖«សម្រាប់កីឡា សម្រាប់សន្តិភាព»។

វាមិនច្បាស់ទេថា រូបថតរបស់លោកត្រូវបានថតនៅពេលណានោះ ប៉ុន្តែរូបនេះត្រូវបានដាក់កម្មសិទ្ធិបញ្ញាដោយវេបសាយផ្លូវការរបស់វិមានក្រឹមឡាំងដែលចុះកាលបរិច្ឆេទមួយថ្ងៃ បន្ទាប់ពីព្រឹត្តិការណ៍កីឡា Sochi បញ្ចប់កាលពី៨ឆ្នាំមុនដែលបង្ហាញថា លោក Chernousov បានជួបលោក ពូទីន ក្នុងលក្ខណៈផ្លូវការ។

កីឡាករ Chernousov ជាប់ចំណាត់ថ្នាក់លេខ៣ក្នុងវិញ្ញាសារចម្ងាយ៥០គីឡូម៉ែត្រ និងជាប់លេខ៥ក្នុងវិញ្ញាសារចម្ងាយ៣០គីឡូម៉ែត្រ ព្រមទាំងឈ្នះមេដាយសំរឹទ្ធជើងឯកពិភពលោកឆ្នាំ២០១១៕

ប្រែសម្រួល៖ វីរបុត្រ
ប្រភព៖ RT

Related Topics:ប្រទេសរុស្ស៊ី