កីឡា

អតីតម្ចាស់ក្លឹប Chelsea កំពុងសំងំលាក់ខ្លួននៅប្រទេសមួយ ក្នុងប្លុក ណាតូ

បានផុស

៣ years មុន

នៅ

ថ្ងៃអង្គារ ២២ មីនា ២០២២

ដោយ

បន្ទាប់ពីត្រូវបានរដ្ឋាភិបាលអង់គ្លេសដាក់ទណ្ឌកម្ម និងរឹបអូសទ្រព្យសម្បត្តិ រួមទាំងក្លឹបបាល់ទាត់ Chelsea លោក Abramovich ត្រូវបានគេដឹងថា លោកគេចខ្លួនទៅដល់ទឹកដីទួកគីហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាម Business Insider បានរាយការណ៍ថា លោក Roman Abramovich ដែលជាមហាសេដ្ឋីរុស្ស៊ី អាចនឹងរស់នៅលើទូកដ៏ប្រណិតរបស់ខ្លួន ដើម្បីគេចពីភាពអ៊ូអរ នៃពាក្យចចាមអារ៉ាមផ្សេងៗ។

ទិន្នន័យពីប្រព័ន្ធតាមដានកប៉ាល់ជុំវិញពិភពលោកបង្ហាញថា កប៉ាល់ Solaris ដែលមានតម្លៃ ៦១០ លានដុល្លារ បានធ្វើដំណើរពីកន្លែងផលិតកប៉ាល់ក្នុងទីក្រុង Barcelona ប្រទេសអេស្ប៉ាញនៅថ្ងៃទី ៨ ខែមីនា បន្ទាប់មកចាកចេញពីទីក្រុងកំពង់ផែ Tivat ប្រទេស Montenegro នៅថ្ងៃទី ១៣ ខែមីនា ជាមួយគោលដៅថ្មី គឺប្រទេសទួកគី។

គួរបញ្ជាក់ថា Abramovich គឺជាមនុស្សដែលមានចំណង់ចំណូលចិត្តយ៉ាងខ្លាំង ចំពោះនាវា។ លោកក៏ជាម្ចាស់ និងធ្លាប់មាននាវាទេសចរណ៍ប្រណីតចំនួន៧ផ្សេងទៀត ដូចជានាវា Eclipse តម្លៃ ៣៨០លានផោន , Le Grand Bleu និង ១៣៥លានផោន, Saszorro ១៦លានផោន, Ektasi ១១០ លានផោន , Pelorus ២៧០លានផោន , Luna ១២០ លានផោន និង Olympia ២៥ លានផោន ។

ខណៈ Luna ត្រូវបានលក់ក្នុងឆ្នាំ ២០១៤ ទៅឲ្យមហាសេដ្ឋី Azerbaijani Farkhad Akhmedov ។ ចំណែកនាវាឈ្មោះថា Olympia ត្រូវបានផ្ដល់ជាអំណោយដល់មិត្តល្អបំផុតរបស់លោក គឺ Putin នៅពេលដែលលោកជាប់ឆ្នោត ជាប្រធានាធិបតីរុស្ស៊ីក្នុងឆ្នាំ ២០០២ ៕

ប្រែសម្រួល៖ សាង ស្រីល័ក្ខ

ប្រភព៖ Sanook

ចុចអាន៖អតីតម្ចាស់ក្លឹប Chelsea នឹងត្រូវរឹបអូសទ្រព្យមែនពិត តែមានរបស់មួយប្រណិត ប៉ះពាល់មិនបាន

ចុចអាន៖មកដឹងទ្រព្យសម្បតិ្តសុទ្ធរបស់មហាសេដ្ឋី Roman Abramovic ក្នុងបញ្ជីកំពូលៗអ្នកមានលើលោក

Related Topics:Roman Abramovich