កីឡា

អបអរសាទរ! កីឡាការិនីកម្ពុជា ខាន់ ចេសា ឈ្នះមេដាយមាស ក្នុងការប្រកួតកីឡាជឺជិតស៊ូជើងឯកថ្នាក់ជាតិ ឆ្នាំ២០២២

បានផុស

៣ years មុន

នៅ

ថ្ងៃអង្គារ ១២ មេសា ២០២២

ដោយ

កីឡាការិនីជឺជិតស៊ូជម្រើសជាតិកម្ពុជា ខាន់ ចេសា បានឈ្នះមេដាយមាស ក្នុងការប្រកួតកីឡាជឺជិតស៊ូជើងឯកថ្នាក់ជាតិនៅសហរដ្ឋអាមេរិក ឆ្នាំ២០២២ (2022 IBJJF Pan Championships)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាការិនីកម្ពុជា ខាន់ ចេសា បានយកឈ្នះលើកីឡាការិនី Thamires Diógenes de Aquino នៅវគ្គផ្ដាច់ព្រ័ត្រ លេីវិញ្ញាសាខ្សែក្រវាត់ខ្មៅផ្នែកនារី ក្នុងទីក្រុង Orlando រដ្ឋ Florida សហរដ្ឋអាមេរិក។

ការប្រកួត 2022 IBJJF Pan Championships បានធ្វើឡើងរយៈពេល ៥ថ្ងៃ ចាប់ពីថ្ងៃទី៦ ដល់ទី១០ ខែមេសា ឆ្នាំ២០២២ ហើយនេះជាលើកដំបូងដែលកីឡាការិនីកម្ពុជា ដណ្តើមបានមេដាយមាស ក្នុងព្រឹត្តិការណ៍ IBJJF Pan Championships។

ម៉្យាងទៀត នេះជាមេដាយមាសបន្ថែមសម្រាប់យុវតី ចេសា មុនចូលរួមការប្រកួតនានាឱ្យកម្ពុជាលើឆាកអន្តរជាតិ មិនថាស៊ីហ្គេម ជើងឯកប្រចាំទ្វីបអាស៊ី ឬកម្រិតពិភពលោក នៅពេលខាងមុខទេ។

កាលពីឆ្នាំ២០១៨ និងឆ្នាំ២០១៩ កន្លងទៅ ចេសា ធ្លាប់បានដណ្ដើមមេដាយមាសកម្រិតទ្វីបអាស៊ី និងស៊ីហ្គេម ជូនប្រទេសកម្ពុជាផងដែរ៕