ព័ត៌មានជាតិ
ចាន់ រតនា ប្រាប់ចំណុចពិសេសរបស់ខ្លួនមានប្រៀបលើ Xie Wei
អ្នកលេងគុនចម្រុះកម្ពុជា ចាន់ រតនា ត្រូវប្រកួតជាមួយជើងខ្លាំងចិន Xie Wei នៅព្រឹត្តិការណ៍ ONE: COLLISION COURSE នៅកីឡដ្ឋាន Singapore Indoor Stadium រាត្រីថ្ងៃសុក្រទី១៨ ខែធ្នូនេះ។
មុនសមរភូមិប្រយុទ្ធកក្រើកសង្វៀននៅប្រទេសសិង្ហបុរីមកដល់ តារាទូតសុច្ឆន្ទៈសែលកាត ចាន់ រតនា បានសិក្សាស្វែងយល់លំអិតពីដៃគូរបស់ខ្លួនលើកនេះ និងបានឃើញពីលក្ខណៈពិសេសរបស់ខ្លួនដែលមានប្រៀបលើកីឡាករចិន។
ចាន់ រតនា និយាយថា ៖«ការហ្វឹកហាត់របស់ខ្ញុំរលូនជាងកាលនៅពីក្មេង។ កាលពីក្មេង ខ្ញុំហាត់មិនដិតដល់ ធ្វើឲ្យខ្ញុំឆាប់អស់កម្លាំង។ ប៉ុន្តែពេលហាត់គុនចម្រុះ ខំប្រឹងខ្លាំងធ្វើឲ្យខ្ញុំមានកម្លាំងស៊ុហ្វល្អជាងនៅពីក្មេង»។
«សម្រាប់ការហាត់ដិតដល់របស់ខ្ញុំនាពេលនេះគឺខ្ញុំគិតថា Xie Wei ពិតជាមិនស្រួលធ្វើខ្ញុំ ហើយខ្ញុំអាចនិយាយថា ការហ្វឹកហាត់ដិតដល់គឺអាចឲ្យខ្ញុំមានប្រៀបលើគាត់»។
ជាពិសេសទៀតនោះ អ្នកលេងគុនចម្រុះកម្ពុជា ចាន់ រតនា គិតថា ក្បាច់វ៉ៃគុនខ្មែររបស់ខ្លួនគឺមានប្រៀបលើដៃគូលើកនេះ។
«តាមមើលអាវុធរបស់គាត់ (Xie Wei) គឺជំនាញវ៉ៃឃីកបុកសីងគឺមិនមានអ្វីពិសេសទេ។ ខ្ញុំគិតថា អាវុធរបស់គាត់ធម្មតា។ ប្រៀបធៀបជាមួយនឹងក្បាច់វ៉ៃគុនខ្មែរ ខ្ញុំគិតថា ខ្ញុំល្អជាង។ ខ្ញុំអាចទាត់ និងវ៉ៃកណ្តាប់ដៃបានល្អ ហើយខ្ញុំក៏អាចប្រើកែង និងជង្គង់បានទៀត»។ ចាន់ រតនា បានពន្យល់។
អ្នកទាំងពីរជាកីឡាករដែលមានជំនាញវ៉ៃឈរ និងប្រយោលដូចគ្នា ខណៈក្បាច់គុនចម្រុះឬក្បាច់ក្រោមមិនសូវល្អដូច។ ប៉ុន្តែកីឡាករទាំងពីរមានស្នៀតការពារក្បាច់ក្រោមល្អដូចគ្នា។
Xie Wei ត្រូវបានមើលឃើញថា មានកម្លាំងស៊ុហ្វខ្លាំងជាង ចាន់ រតនា ហើយចលនាបម្លាស់ទីក៏លឿនថែមទៀត ពីព្រោះគាត់ទើបអាយុ២៤ឆ្នាំដែលក្មេងជាងអ្នកលេងគុនខ្មែរ១០ឆ្នាំ។
រតនា ប្រាប់ថា ៖«ចំណុចខ្លាំងរបស់គាត់គឺពូកែគ្រប់គ្រងលើដៃគូប្រកួតនៅពេលប្រឈមដៃគូនៅលើសង្វៀន ដោយសារល្បឿនលឿន។ គាត់ល្អក្បាច់ការពារគឺមិនងាយឲ្យដៃគូដាក់គំនាប ឬគៀបសង្កត់លើគាត់បានងាយស្រួល ពីព្រោះកម្លាំងគាត់ខ្លាំង»។
សម្រាប់ការប្រកួតជាមួយ Xie Wei ដែលជាកីឡាករចិនទី៣ត្រូវបាន ចាន់ រតនា សង្ឃឹមថា នឹងព្យាយាមប្រើជំនាញគុនខ្មែរដែលមានបទពិសោធរាប់ឆ្នាំរបស់ខ្លួន។ ទោះជាយ៉ាងណា ប្រសិនបើកីឡាករចិនម្នាក់នេះព្យាយាមវ៉ៃក្បាច់ក្រោមក៏របស់គេមិនខ្លាចដែរ។
ម្ចាស់ក្លឹបប្រដាល់«សិល្បៈ»រំពឹងថា លើកនេះរូបគេនឹងព្យាយាមបញ្ចប់កំណត់ត្រាអាក្រក់ជាមួយកីឡាករចិន និងបើកផ្លូវទៅរកជួបប្រកួតជាមួយជើងខ្លាំងលំដាប់ពិភពលោក បន្ទាប់ពីចាញ់ពិន្ទុកីឡាករចិនទាំងពីរគឺ Ma Haobin និង Xie Bin ដែលជាកំណត់ត្រាមិនទាន់ឈ្នះកីឡាករចិន។
អ្វីដែលពិសេសទៀតនោះ ចាន់ រតនា ចាត់ទុកកីឡាករ Xie Wei ជាដៃគូស័ក្តិសមបំផុតសម្រាប់ខ្លួនដែលពូកែក្បាច់វ៉ៃឈរប្រយោល និងគុនចម្រុះដូចគ្នានៅព្រឹត្តិការណ៍ ONE: COLLISION COURSE នៅកីឡដ្ឋាន Singapore Indoor Stadium នារាត្រីថ្ងៃសុក្រ ទី១៨ ខែធ្នូខាងមុខនេះ៕
កសិករនៅស្រុកបារ៉ាយណ៍ បង្ហាញក្ដីសប្បាយរីករាយ ក្រោយអ្នកឧកញ៉ា ឡេង ណាវ៉ាត្រា បន្តក្នុងបុព្វហេតុរួមគ្នាជួយកសិករយើង រួមគ្នាជួយជាតិ និងប្រជាជនយើង
មនុស្ស៣នាក់បានស្លាប់ និង២នាក់ទៀតកំពុងជួយសង្គ្រោះ សង្ស័យករណីពុលស្រា ស
ប្រធានសហគមន៍ដែនជម្រកសត្វព្រៃសង្ឃរុក្ខាវន្ត អំពាវនាវប្រជាពលរដ្ឋ ឱ្យបញ្ឈប់លបលួចបរបាញ់ និងដាក់អន្ទាក់សត្វព្រៃ ក្នុងតំបន់អភិរក្ស
សង្គមស៊ីវិល សហជីព និងពលរដ្ឋចាត់ទុកកម្មវិធី«ផ្តល់ដី ការពារព្រៃ» គឺជាយន្តការដោះស្រាយបញ្ហាដីធ្លីជូនគ្រួសារក្រីក្រយ៉ាងពិតប្រាកដ
ផ្លូវថ្មើរជើង(Walk street) ចាប់ពីមុខប្រៃសណីយ៍ដល់ ព្រះបរមរាជវាំងនឹងដំណើរការ នៅថ្ងៃទី០១កុម្ភៈ
Breaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
ផ្លូវថ្មើរជើង(Walk street) ចាប់ពីមុខប្រៃសណីយ៍ដល់ ព្រះបរមរាជវាំងនឹងដំណើរការ នៅថ្ងៃទី០១កុម្ភៈ
Selena ត្រូវគេគំរាមឲ្យចេញពីអាមេរិក ខណៈ Justin បែរបង្ហោះរូបសើចហាក់ឌឺដង
ត្រឹម ២៥ ម៉ោង “ថីអ្ហែងថី” របស់លោក G-Devith មានអ្នកទស្សនា ១០ លានដង បំបែកកំណត់ត្រាដើមឆ្នាំ ២០២៥
បុរសម្នាក់ ដុតផាវលេងមិនប្រយ័ត្ន ផ្ទុះបែកប្រអប់ដៃម្ខាង នៅខេត្តមណ្ឌលគិរី
-
ចរាចរណ៍៤ ថ្ងៃ agoពលរដ្ឋអ្នកធ្វើដំណើរ គាំទ្រចំពោះការដាក់រនាំងដែកពុះចែកទ្រូងផ្លូវ នៅផ្លូវ ៦០ ម៉ែត្រ ដើម្បីកាត់បន្ថយគ្រោះថ្នាក់ចរាចរណ៍
-
ព័ត៌មានអន្ដរជាតិ៤ ថ្ងៃ agoអាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
-
ជីវិតកម្សាន្ដ៣ ថ្ងៃ agoនាយិការងព័ត៌មាន CNC កញ្ញា នូ មៈនេត្រអាថាណ្ណា ទទួលមរណភាពក្នុងអាយុ៣៧ឆ្នាំ
-
ព័ត៌មានអន្ដរជាតិ១៦ ម៉ោង agoBreaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ព័ត៌មានជាតិ២ ថ្ងៃ agoក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»
-
ព័ត៌មានអន្ដរជាតិ១ ថ្ងៃ agoអគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
-
ព័ត៌មានជាតិ៣ ថ្ងៃ agoក្រសួងធម្មការកំពុងពិនិត្យវិធានការលើបុគ្គលដែលថាព្រះសង្ឃជាបន្ទុកពលរដ្ឋ និងមើលងាយព្រះត្រៃបិដក
-
ព័ត៌មានអន្ដរជាតិ៦ ថ្ងៃ agoអ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង