កីឡា
កីឡាកម្ពុជា មានសញ្ញាល្អ ២ ក្រោយបញ្ហាកូវីដ ក្នុងប្រទេសមានការថយចុះជាលំដាប់
បន្ទាប់ពីសម្ដេចអគ្គមហាសេនាបតីតេជោ ហ៊ុន សែន បានប្រកាសកាលពីម្សិលមិញ លើកលែងកាតព្វកិច្ចពាក់ម៉ាស នៅតាមទីសាធារណៈនានាទូទាំងប្រទេស ប៉ុន្តែតម្រូវឲ្យពលរដ្ឋបន្តពាក់ម៉ាសនៅកន្លែងដែលមានការបិទជិត មានម៉ាស៊ីនត្រជាក់ជាដើមនោះ ថ្ងៃជាមួយគ្នានេះកីឡាកម្ពុជា ក៏បានទទួលសញ្ញាល្អដូចគ្នា។
សញ្ញាល្អទី ១ គឺពាក់ព័ន្ធជាមួយនឹងការលើកលែងកាតព្វកិច្ចពាក់ម៉ាស់ ដែលភ្ជាប់ទៅនឹងវិស័យកីឡានោះ គឺបានសេចក្ដីថា កីឡាករ-កីឡាការិនី នឹងទទួលបានការហ្វឹកហាត់ប្រកបដោយផាសុកភាពជាងមុន ដោយពុំមានការពាក់ម៉ាស ដែលនាំឱ្យប៉ះពាល់ដល់ការដកដង្ហើម។
ឯកឧត្តម វ៉ាត់ ចំរើន អគ្គលេខាធិការនៃគណៈកម្មាធិការជាតិ CAMSOC បានមានប្រសាសន៍ថា៖ «កីឡាករ-កីឡាការិនីរបស់យើង បានទទួលការយកចិត្តទុកដាក់ដ៏ខ្ពង់ខ្ពស់ពីសម្ដេចតេជោនាយករដ្ឋមន្ដ្រី គឺការចាក់វ៉ាក់សាំងដូសមូលដ្ឋាន និងដូសជំរុញគ្រប់ៗគ្នាយ៉ាងហោច ៣ ទៅ ៤ដូស។ នេះគឺជារឿងមួយ ដែលយើងអាចមានភាពស៊ាំក្នុងសហគមន៍។ ឥលូវនេះ យើងទទួលបាននូវសេរីភាពមួយទៀត សម្រាប់កីឡាករ-កីឡាការិនី ពេលដែលគាត់មានកាតព្វកិច្ចពាក់ម៉ាស វាមានការប៉ះពាល់ដល់បច្ចេកទេសខ្លះក្នុងការហ្វឹកហាត់ ពាក់ព័ន្ធផ្លូវដង្ហើម និងការទើសទាល់ពេលហាត់ជាដើម។ អ៊ីចឹង ពេលគាត់ហ្វឹកហាត់ក្រៅកន្លែងបិទជិត គាត់អាចដោះម៉ាសបាន នេះគឺជាពេលវេលាមួយដ៏ល្អបំផុត ដើម្បីសម្រួល និងចៀសវាងផលប៉ះពាល់មួយចំនួន នៃបច្ចេកទេសហ្វឹកហាត់របស់ពួកគាត់។»
សញ្ញាល្អទី ២ នោះគឺការបើកឲ្យទស្សនិកជនចូលទស្សនាការប្រកួតបាល់ទាត់គ្រប់ក្របខ័ណ្ឌ ក្នុងចំនួន ១០០ ភាគរយនៃកីឡដ្ឋាន។ ការបើកនេះ គឺដោយសារទទួលបានការអនុញ្ញាតដ៏ខ្ពង់ខ្ពស់របស់ប្រមុខរាជរដ្ឋាភិបាលកម្ពុជានេះ បន្ទាប់ពីឯកឧត្តម សៅ សុខា ប្រធានសហព័ន្ធកីឡាបាល់ទាត់កម្ពុជា បានស្នើសុំគោលការណ៍ ដើម្បីអនុញ្ញាតឲ្យទស្សនិកជនបានចូលរួមទស្សនាការប្រកួតក្នុងកីឡដ្ឋាន ១០០ ភាគរយ និងមិនតម្រូវឲ្យធ្វើតេស្តរហ័សកូវីដ-១៩ សម្រាប់មន្ត្រី និងកីឡាករ រាល់ការប្រកួតគ្រប់កម្រិត ដែលរៀបចំដោយសហព័ន្ធកីឡាបាល់ទាត់កម្ពុជា និងក្រុមហ៊ុនលីគ។ ខណៈដែលនាពេលខាងមុខ ក៏មានឮដំណឹងថា ជម្រើសជាតិកម្ពុជា នឹងមានការប្រកួតនៅពហុកីឡដ្ឋានជាតិមរតកតេជោ ផងដែរ៕
អត្ថបទ៖ មន្នីរ័ត្ន
ប្អូនប្រុស វ៉ាង ស្រីណូ ចេញមុខសុំទោសស្ថាប័ន Majestic Cambodia ក្រោយរិះគន់មិនសំចៃមាត់
អ្នកនាំពាក្យគ្រោះមហន្តរាយ ៖ កម្ពុជា មិនមានកន្លែងណាមួយកើតមាន បញ្ហារញ្ជួយដីទេ
ផន ស្រីពី មោទនភាព ព្រោះបានរួមចំណែកការងារសង្គម និងស្វែងយល់ពីប្រវត្តិសាស្រ្តជាតិ នៅខេត្តស្ទឹងត្រែង
តារាថៃច្រើននាក់ រត់ប្រាសអាយុចេញពីខុនដូ បន្ទាប់ពីគ្រោះរញ្ជួយដីវាយប្រហារអគារខ្ពស់ៗ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
-
ព័ត៌មានអន្ដរជាតិ២២ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២១ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?