កីឡា

កីឡាករ ៦ នាក់ បានជម្រុះចេញពីបញ្ជី U-23 កម្ពុជា មុនចេញទៅចូលរួមប្រកួតស៊ីហ្គេម នៅវៀតណាម

បានផុស

៣ years មុន

នៅ

ថ្ងៃអង្គារ ៣ ឧសភា ២០២២

ដោយ

សហព័ន្ធកីឡាបាល់ទាត់កម្ពុជា នៅព្រឹកថ្ងៃទី ០៣ ខែឧសភា ឆ្នាំ ២០២២ បានប្រកាសបញ្ជីឈ្មោះផ្លូវការ កីឡាករជម្រើសជាតិកម្ពុជា ចំនួន ២០ នាក់ ដើម្បីត្រៀមការប្រកួតកីឡាបាល់ទាត់ នៃព្រឹត្តិការណ៍កីឡាអាស៊ីអាគ្នេយ៍ លើកទី ៣១ ឆ្នាំ ២០២២ នៅប្រទេសវៀតណាម។

បញ្ជីឈ្មោះនេះសរុបមានកីឡាករ ២០ នាក់ មកពី ៩ ក្លិបនៃពានរង្វាន់លីគកំពូល និងលីគទី ២ កម្ពុជា ចូលរួមដូចជាក្លិបបឹងកេត, ណាហ្គាវើលដ៍, វិសាខា, ព្រះខ័នរាជស្វាយរៀង, ភ្នំពេញក្រោន, កងយោធពលខេមរភូមិន្ទ, ព្រៃវែង, អង្គរថាយហ្គឺរ និងគីរីវង់សុខសែនជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ ៦ រូបដែលត្រូវបានជម្រុះចេញពីបញ្ជីរួមមាន អ្នកចាំទី នុន ណាត (អង្គរថាយហ្គឺរ), ចាន់ សារ៉ាពេជ្រ, វឿន វ៉ា និង ស រតនា (ព្រៃវែង), ភេម តៅសិញ (ណាហ្គាវើលដ៍), ឈឿង វិស៊ីនុ (អគ្គិសនីកម្ពុជា)។

ក្រុមបាល់ទាត់ជម្រើសជាតិកម្ពុជាអាយុក្រោម ២៣ ឆ្នាំ ត្រូវបានចាប់ឆ្នោតស្ថិតទៅពូល B សម្រាប់ប្រភេទកីឡាបាល់ទាត់លើវិញ្ញាសាបាល់ទាត់បុរស ក្នុងព្រឹត្តិការណ៍កីឡាអាស៊ីអាគ្នេយ៍ លើកទី៣១ នៅប្រទេសវៀតណាម ដោយរួមពូលជាមួយក្រុមខ្លាំង U23 ថៃ, ម៉ាឡេស៊ី, សិង្ហបុរី និងឡាវ។

ចំពោះការប្រកួតវិញ U23 កម្ពុជា នឹងបើកឆាកគឺនៅថ្ងៃទី ០៩ ខែឧសភា ដោយត្រូវជួបឡាវ បន្ទាប់មកនៅថ្ងៃទី ១១ ជួបសិង្ហបុរី ថ្ងៃទី ១៤ ជួបថៃ និងប្រកួតចុងក្រោយជួបម៉ាឡេស៊ី នៅថ្ងៃទី ១៦ ខែឧសភា ឆ្នាំ ២០២២៕

អត្ថបទ៖ មន្នីរ័ត្ន

Related Topics:កីឡាករបាល់ទាត់