កីឡា

ក្រោយលទ្ធផលបោះឆ្នោតមិនសមបំណង Pacquiao ចង់ប្រឡូកក្នុងសង្វៀនប្រដាល់វិញ (មានវីដេអូ)

បានផុស

៣ years មុន

នៅ

ថ្ងៃពុធ ១១ ឧសភា ២០២២

ដោយ

Manny Pacquiao អតីតអ្នកប្រដាល់កំពូលហ្វីលីពីន អាចនឹងឈានជើងចូលប្រដាល់វិញនៅខែសីហា ក្រោយលទ្ធផលបោះឆ្នោត បានបរាជ័យយ៉ាងក្រៀមក្រំ ក្នុងឆាកនយោបាយលើកនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះយ៉ាងណា បន្ទាប់ពីការបោះឆ្នោតអស់រយៈពេលជាង ២៤ ម៉ោងកាលពីម្សិលមិញ គេមើលឃើញថា អតីតកណ្ដាប់ដៃវ័យ ៤៣ ឆ្នាំរូបនេះ ទទួលបានសម្លេងគាំទ្រ ៣.៦ លានសំឡេង ដោយឈរនៅលេខរៀងទី ៣ តាមពីក្រោយ Marcos Ferdinand Jr ដែលជាម្ចាស់ជយលាភី ទទួលបានសម្លេងគាំទ្រជាង ៣០ លានសម្លេង។

មុនការបោះឆ្នោតចាប់ផ្ដើម Pacquiao បាននិយាយទៅកាន់អ្នកគាំទ្ររបស់គាត់ថា “ខ្ញុំជាអ្នកប្រដាល់ ខ្ញុំស៊ាំនឹងការប្រកួតទាំងអស់។ លើកនេះខ្ញុំទុកឲ្យមនុស្សសម្រេច។ ដូច្នេះកុំធ្វើកំហុសដដែលពីរដង ក្នុងការជ្រើសរើសឥឡូវនេះ។ ប៉ុន្តែនៅទីបញ្ចប់ អ្នកនឹងខកចិត្តក្នុងវិស័យនយោបាយ”។

ព្រឹត្តិការណ៍នេះ បានធ្វើឲ្យអ្នកសារព័ត៌មាននិងមហាជនផ្ទុះការវែកញែកគ្នាយ៉ាងខ្លាំង ចំពោះព័ត៌មានបែបនោះ។ យ៉ាងណាមិញ អតីតម្ចាស់ជើងឯកពិភពលោករូបនេះ អាចនឹងមានសិទ្ធិត្រឡប់ទៅរង្វង់កណ្ដាប់ដៃម្ដងទៀត ដោយសារការចំណាយថវិកាច្រើនក្នុងយុទ្ធនាការកន្លងមក ហើយនោះអាចនឹងធ្វើឲ្យគាត់សម្រេចចិត្តវិលមកសង្វៀន ដើម្បីរកលុយផងដែរ។

គួរបញ្ជាក់ដែរថា Pacquiao ត្រូវបានគេចាត់ទុកជាជើងខ្លាំងរបស់ពិភពប្រដាល់ ដែលមានប្រវត្តិប្រកួតចំនួន៦២ដង ចាញ់៨ដង ស្មើ២ដង និងជាអត្តពលិកដែលរកចំណូលបានច្រើនជាងគេ ក្នុងចន្លោះឆ្នាំ ២០១០-២០១៩ រហូតដល់ ៤៣៥លានដុល្លារអាមេរិក ជាប់ចំណាត់ថ្នាក់ទី៨ ក្នុងចំណាត់ថ្នាក់របស់ Forbes ដែលជាទស្សនាវដ្ដីហិរញ្ញវត្ថុដ៏ល្បីល្បាញរបស់សហរដ្ឋអាមេរិក៕

សូមទស្សនាវីដេអូខាងក្រោម

ប្រែសម្រួល៖ សាង ស្រីល័ក្ខ

ប្រភព៖Sanook

ចុចអាន៖កូនប្រុសច្បង Pacquiao ឡើងប្រកួតលើកដំបូងនៅ អាមេរិក ស្ដារមុខមាត់ឪពុក

ចុចអាន៖ក្រោយចូលនិវត្ត អតីតអ្នកប្រដាល់ហ្វីលីពីន Manny Pacquiao បង្ហោះរូបប្រាប់ពីប្រវត្តិស្នេហា និង ជីវិតឯកជនលោក