កីឡា

បាល់ទះក្នុងសាលកម្ពុជា ចាញ់ ថៃ ឈរលេខ ២ ពូល B ក្នុងស៊ីហ្គេម

បានផុស

៣ years មុន

នៅ

ថ្ងៃពុធ ១៨ ឧសភា ២០២២

ដោយ

ក្រុមបាល់ទះជម្រើសជាតិក្នុងសាលកម្ពុជា បានប្រកួតចាញ់ ជម្រើសជាតិថៃ ២-៣ ក្នុងជំនួបបិទពូល B នៃព្រឹត្តិការណ៍កីឡាស៊ីហ្គេម លើកទី ៣១ នៅប្រទេសវៀតណាម នាព្រឹកថ្ងៃទី ១៨ ខែឧសភា នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះជាការប្រកួតដ៏អស្ចារ្យ ដោយពិន្ទុប្រកៀកប្រកិតគ្នា ចាប់តាំងពីសិតទី ១ ហើយកម្ពុជាធ្វើបានល្អជារឿយៗ ពោលគឺនាំមុខ ២ សិតមុនទៅហើយ ដោយសិតទី ១ កម្ពុជា ឈ្នះ ២៥-២២ លុះចូលដល់ សិតទី ២ កម្ពុជា បន្តយកឈ្នះ ២៥-២០ ប៉ុន្តែនៅសិតទី៣ ថៃ បានវាយបកយកឈ្នះវិញ ២២-២៥ បន្ទាប់មកសិតទី ៤ ថៃ បន្តយកឈ្នះជាថ្មី ជាមួយពិន្ទុ ២០-២៥។ លុះចូលដល់សិតចុងក្រោយដែលជាសិតកាត់សេចក្ដីនេះ គឺជាការចាញ់លើក្រុមម្ចាស់មេដាយសំរឹទ្ធកាលពីឆ្នាំ ២០១៩ ដោយអាចតដៃបានផងដែរ ដ្បិតកន្លងមកកម្ពុជា ត្រូវបានថៃ ឈ្នះដាច់ ៣ សិតទល់ ០។ ទោះបីជាចាញ់ យ៉ាងណាមិញទាំង កម្ពុជា និងថៃ បានឡើងវគ្គពាក់កណ្ដាលផ្ដាច់ព្រ័ត្រដូចគ្នា។

ចំពោះប្រកួតវគ្គពាក់កណ្ដាលផ្ដាច់ព្រ័ត្រ នឹងធ្វើឡើងនៅថ្ងៃទី ២០ ខែឧសភា ឆ្នាំ ២០២២ ក្រុមបាល់ទះជម្រើសជាតិក្នុងសាលកម្ពុជា នឹងត្រូវជួបជាមួយ ក្រុមលេខ ១ ពូល A ឥណ្ឌូនេស៊ី ដែលជាម្ចាស់មេដាយមាស ឆ្នាំចាស់៕

អត្ថបទ៖ មន្នីរ័ត្ន

Related Topics:កីឡាបាល់ទះ