កីឡា
សហព័ន្ធកីឡាបាល់ទះទ្វីបអាស៊ី អបអរកម្ពុជា ទទួលបានមេដាយដំបូង នៅស៊ីហ្គេម
សហព័ន្ធកីឡាបាល់ទះទ្វីបអាស៊ី (Asian Volleyball Confederation) បានសម្ដែងការអបអរដល់ ក្រុមជម្រើសជាតិបាល់ទះកម្ពុជា ដែលទទួលបានមេដាយ ជាលើកដំបូងនៅក្នុងព្រឹត្តិការណ៍កីឡាស៊ីហ្គេម។

វិបសាយផ្លូវការរបស់ សហព័ន្ធកីឡាបាល់ទះទ្វីបអាស៊ី បានសង្កត់ធ្ងន់ថា ក្រុមបាល់ទះជម្រើសជាតិក្នុងសាលកម្ពុជា បានប្រកួតឈ្នះ ក្រុមមហាអំណាចបាល់ទះថៃ ៣-២ ក្នុងជំនួបដណ្ដើមមេដាយសំរឹទ្ធ នៃព្រឹត្តិការណ៍កីឡាស៊ីហ្គេម លើកទី៣១ នៅប្រទេសវៀតណាម នារសៀលថ្ងៃទី២១ ខែឧសភា នេះ។
នេះជាការប្រកួតដ៏អស្ចារ្យ ដោយពិន្ទុប្រកៀកប្រកិតគ្នា ចាប់តាំងពីសិតទី១ ដោយកម្ពុជាធ្វើបានយ៉ាងល្អ ពោលគឺនាំមុខ នៅសិតទី១ ដោយកម្ពុជា ឈ្នះ ២៥-២៣ លុះចូលដល់ សិតទី២ ថៃ វាយបកយកឈ្នះវិញ ២២-២៥ ប៉ុន្តែនៅសិតទី៣ កម្ពុជា បានត្រលប់មកយកឈ្នះវិញ ២៥-២៣ បន្ទាប់មកសិតទី៤ ថៃ យកឈ្នះជាថ្មី ជាមួយពិន្ទុ ១៣-២៥។ លុះចូលដល់សិតចុងក្រោយដែលជាសិតកាត់សេចក្ដី កម្ពុជា បានឈ្នះ ថៃ ១៥-១៣ ទទួលបានមេដាយសំរឹទ្ធជាផ្លវការ។

ការផ្តួលថៃ គឺជារឿងមួយព្រោះការទទួលជ័យជម្នះនេះគឺជាការសងសឹកដ៏អស្ចារ្យ សម្រាប់ការចាញ់ក្នុងការប្រកួតជម្រុះក្នុងពូល។ សំខាន់ជាងនេះទៅទៀតនោះ គឺជាមេដាយសំរឹទ្ធ ដែលជាមេដាយលើប្រភេទកីឡាបាល់ទះស៊ីហ្គេម លើកទី១ សម្រាប់កម្ពុជា។ លើសពីនេះទៅទៀត ខណៈពេលកម្ពុជាអបអរជ័យជម្នះរបស់ខ្លួន ថៃបានចាកចេញពីទីលានប្រកួតដោយការខកចិត្តយ៉ាងខ្លាំងភ្លាមៗ។
នេះជាលើកទី១ ក្នុងរយៈពេល ៣៩ឆ្នាំ ដែលក្រុមបាល់ទះបុរសថៃ ត្រលប់ទៅផ្ទះវិញដោយគ្មានមេដាយកាន់សូម្បីតែមួយពីស៊ីហ្គេម។ ពួកគេបានត្រលប់មកវិញដោយដៃទទេក្នុងឆ្នាំ១៩៨៣ នៅប្រទេសសិង្ហបុរី ហើយនោះជាលើកចុងក្រោយសម្រាប់ការត្រលប់ពីស៊ីហ្គេមដោយដៃទទេ។ ចាប់ពីឆ្នាំ១៩៨៣ ដល់ឆ្នាំ២០២២ ក្រុមបាល់ទះបុរសថៃ មិនដែលខកខាន ក្នុងការទទួលបានមេដាយស៊ីហ្គេមទេ ដោយតែងតែរកបានមេដាយមាស ប្រាក់ និងសំរឹទ្ធ ជារឿយៗ ប៉ុន្តែអ្វីៗបានប្រែជាភាពជូរចត់សម្រាប់ថៃ លើកនេះ ខណៈដែលពួកគេបានបញ្ចប់យុទ្ធនាការស៊ីហ្គេម នៅវៀតណាម ដោយមិនមានមេដាយអ្វីឡើយ ពោលគឺបានត្រឹមចំណាត់ថ្នាក់លេខ៤៕
អត្ថបទ៖ មន្នីរ័ត្ន

-
ព័ត៌មានអន្ដរជាតិ២១ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២០ ម៉ោង ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?