កីឡា
លឹម ពិសុទ្ធ អាចខកខានលេងឲ្យក្រុមជម្រើសជាតិកម្ពុជា ប្រកួតជម្រុះ AFC Asian Cup
ខ្សែបម្រើប្រយុទ្ធរបស់ក្លិបភ្នំពេញក្រោន និងជាសមាជិករបស់ក្រុមជម្រើសជាតិកម្ពុជា កីឡាករ លឹម ពិសុទ្ធ ត្រូវបានដឹងថា កំពុងទទួលរងបញ្ហារបួសសារជាថ្មី បន្ទាប់ពីបានប៉ះទង្គិចកាលពីដើមសប្ដាហ៍កន្លងទៅថ្មីៗនេះ។
លឹម ពិសុទ្ធ ទើបតែបញ្ចប់បេសកកម្មជាមួយក្រុមជម្រើសជាតិកម្ពុជា អាយុក្រោម ២៣ ឆ្នាំ នៅស៊ីហ្គេម ខណៈថ្មីៗនេះក៏បន្តមានឈ្មោះចូលក្រុមជម្រើសជាតិឈុតធំ ដើម្បីប្រកួតជម្រុះពានរង្វាន់ជើងឯកទ្វីបអាស៊ី (AFC Asian Cup) នៅប្រទេសឥណ្ឌា ផងដែរ។ យ៉ាងណាមិញ ក្រោយប្រកាសបញ្ជីឈ្មោះបាន ១ ថ្ងៃ កីឡាករវ័យ ២០ ឆ្នាំរូបនេះ បានទង្គិចជាមួយគូប្រកួតក្នុងពានរង្វាន់លីគខាប់ វគ្គពាក់កណ្ដាលផ្ដាច់ព្រ័ត្រ ទល់នឹងណាហ្គាវើលដ៍។ បន្ទាប់ពីប៉ះទង្គិច លោកត្រូវបានផ្លាស់ប្ដូរចេញភ្លាមៗ ដោយកត់សម្គាល់ឃើញថា កីឡាកររូបនេះរងរបួសកជើងខាងឆ្វេង ដែលបណ្ដាលឱ្យហើម និងមានសភាពធ្ងន់ធ្ងរគួរឱ្យកត់សម្គាល់ ហើយក្រុមគ្រូពេទ្យកំពុងតាមដាន។
ការណ៍នេះត្រូវគេដាក់ក្ដីព្រួយបារម្ភថា រូបគេអាចនឹងអវត្តមានជាមួយក្រុមជម្រើសជាតិកម្ពុជា ក្នុងការប្រកួតនាពេលដ៏ខ្លីខាងមុខ ខណៈរបួសនេះបើតាមការសន្និដ្ឋាន គឺអាចប្រើរយៈពេលព្យាបាលដល់ទៅ ១ ខែ ព្រោះករណីនេះទើបកើតលើកីឡាករជម្រើសជាតិ ២ រូបផ្សេងទៀត ដូចជា ទេស សម្បត្តិ និង អ៊ាន ពិសី កាលពីពេលថ្មីៗនេះដូចគ្នា។
គួររំឮកថាប្រសិនបើ លឹម ពិសុទ្ធ រងរបួសរហូតដល់ឈានមិនអាចចូលរួមប្រកួត នោះវានឹងក្លាយជាលើកទី ២ ហើយសម្រាប់រូបគេដែលដកខ្លួនពីជម្រើសជាតិដោយសារបញ្ហារបួស ខណៈកាលពីដើមឆ្នាំគេបានជួបបញ្ហារបួសម្ដងហើយ គឺបែកទ្រនាប់ជង្គង់ ក្នុងអំឡុងពេលប្រមូលផ្ដុំជម្រើសជាតិអាយុក្រោម ២៣ ឆ្នាំកម្ពុជា ប្រកួតក្នុងពានរង្វាន់ AFF U-23 Championship ដែលកម្ពុជា ធ្វើជាម្ចាស់ផ្ទះ ខណៈក្រោយមកគេទើបតែជាសះស្បើយ និងបានជួយក្រុមប្រកួតក្នុងស៊ីហ្គេម លើកទី ៣១ នៅប្រទេសវៀតណាម៕
អត្ថបទ៖ មន្នីរ័ត្ន
សម្ដេចធិបតី៖ បញ្ចប់គម្រោង CLV មិនតម្រូវឱ្យកម្ពុជាបង់ថវិកាទៅភាគីឡាវ និងវៀតណាមទេ
ការចុះបញ្ជីអត្រានុកូលដ្ឋាន ប្ដូរពីចុះបញ្ជីដោយដៃទៅជាប្រើប្រាស់ប្រព័ន្ធបច្ចេកវិទ្យា
ព្រះកាយច័ន្ទ ៖ ដល់ពេលហើយដែលត្រូវរួមគ្នាផ្សព្វផ្សាយពីសិល្ប:វប្បធម៌ខ្មែរ
តម្លៃហាងឆេងមាស បន្តបំបែកកំណត់ត្រាថ្មី សឹងតែរាល់ថ្ងៃ
ឥណ្ឌូណេស៊ីទទួលកម្ចី ៥០០ លានដុល្លារ ពី ADB ដើម្បីផ្លាស់ប្ដូរថាមពល ឆ្ពោះទៅរកគោលដៅអាកាសធាតុ
ស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
អាជ្ញាធរខេត្តក្រចេះ ត្រៀមទីទួលសុវត្ថិភាព១១៧កន្លែង សម្រាប់ជម្លៀសពលរដ្ឋពីគ្រោះទឹកជំនន់
ចាប់ពីថ្ងៃនេះដល់ថ្ងៃ២៨កញ្ញា កម្ពុជាមានភ្លៀងតិចបំផុត ខណៈទឹកទន្លេសាប និងទន្លេបាសាក់កំពុងហក់ឡើង
ម្ចាស់ផលិតកម្ម LD ប្រកាសថា បើជំនួបវិនិយោគរឿងខ្ទង់ ៨មុឺនដុល្លារ របស់ Allan មិនជោគជ័យ មករកលោក
លោក ស៊ុនចាន់ថុល ចុះទៅក្រុមហ៊ុន SpaceX សេដ្ឋី Elon Musk ស្វែងយល់បច្ចេកវិទ្យាផ្កាយរណបអ៊ីនធឺណិត
-
ព័ត៌មានជាតិ១ សប្តាហ៍ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៧ ថ្ងៃ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ២ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ព័ត៌មានជាតិ៦ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៣ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ជីវិតកម្សាន្ដ១ ថ្ងៃ agoលោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ១ ថ្ងៃ agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ២ ថ្ងៃ agoភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ