កីឡា
២១ក្រុម ចូលរួមការប្រកួតបាល់ទះពានរង្វាន់សម្តេចក្រឡាហោម ស ខេង ដើម្បីត្រៀមទៅប្រជែងពានសម្តេចតេជោ ហ៊ុន សែន
សហព័ន្ធកីឡាបាល់ទះកម្ពុជា នឹងរៀបចំបង្កើតកម្មវិធីប្រកួតបាល់ទះបុរសក្នុងសាល ពានរង្វាន់សម្តេចក្រឡាហោម ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ នៅក្នុងខែមិថុនា នេះ ដោយមានក្រុមមកពីតាមបណ្តារាជធានី-ខេត្តចំនួន ២១ក្រុមដាក់ពាក្យចូលរួមប្រកួតប្រជែង។
នៅក្នុងពិធីចាប់ឆ្នោតជ្រើសរើសពូលនៅព្រឹកថ្ងៃព្រហស្បតិ៍ ទី២ ខែមិថុនា ឆ្នាំ២០២២ នៅទីលានបាល់ទះវិសាខា បានបែងចែកក្រុមទាំង២១ ទៅជា៤ពូលផ្សេងគ្នា ដើម្បីប្រកួតជម្រុះ។ ចំណែកការប្រកួតនេះក៏នឹងធ្វើឡើងនៅទីលានបាល់ទះវិសាខា ផ្ទាល់តែម្តងផងដែរ។ ការប្រកួតនឹងរៀបចំពីថ្ងៃទី០៨ ដល់២៦ ខែមិថុនា ឆ្នាំ២០២២ ពោលគឺរាល់ថ្ងៃអាទិត្យ ដល់ថ្ងៃព្រហស្បតិ៍ នៅក្នុងសប្ដាហ៍នីមួយៗ។ ក្រោយប្រកួតសន្សំពិន្ទុតាមពូល ក្រុមដែលមានចំណាត់ថ្នាក់លេខ១និងលេខ២ មានឈ្មោះឡើងទៅទៅវគ្គ៨ក្រុមចុងក្រោយ ដើម្បីបន្តកៅអីរកក្រុមខ្លាំងចូលដល់វគ្គពាក់កណ្ដាលផ្ដាច់ព្រ័ត្រ និងផ្ដាច់ព្រ័ត្រ តែម្តង។
លោក ទែន ឡន ប្រធានអនុគណៈកម្មការបច្ចេកទេស បានបញ្ជាក់ថាយ៉ាងហោចណាស់មានក្រុមធំៗក្នុងស្រុក ប្រហែលជា៥ក្លិប នឹងមិនអនុញ្ញាតឱ្យចូលរួមប្រកួតប្រជែងក្នុងពានរង្វាន់សម្តេចក្រឡាហោម នៅឆ្នាំនេះនោះទេ ដោយសហព័ន្ធបានសម្លឹងឃើញពីសក្ដានុពលរបស់ក្លិបទាំងនោះ។
ក្លិបទាំង៥ មានដូចជា វិសាខា, ក្លិបបាល់ទះក្រសួងមហាផ្ទៃ, ក្លិបបាល់ទះបញ្ជាការដ្ឋានកងអង្គរក្ស, រដ្ឋបាលរាជធានីភ្នំពេញ និង កងពលធំអន្តរាគមន៍លេខ៣។
លោកបន្តថា តាមផែនការនៃការប្រកួតក្រោយបញ្ចប់ពានរង្វាន់សម្តេចក្រឡាហោម ស ខេង ទៅ សហព័ន្ធកីឡាបាល់ទះកម្ពុជា នឹងរៀបចំពានរង្វាន់សម្តេចតេជោ ហ៊ុន សែន ហើយក្រុមទាំង៥ខាងលើនេះឈរចាំនៅក្នុងពានរង្វាន់សម្តេចតេជោ ជាស្រេច។ ចំណែកក្រុមដែលជាប់ចំណាត់ថ្នាក់ពីលេខ១ដល់លេខ៧ ក្នុងពានរង្វាន់សម្តេចក្រឡាហោម ស ខេង ជាបេក្ខភាពបន្ថែម ដើម្បីចូលដណ្តើមពានរង្វាន់សម្តេចតេជោ ជាមួយក្រុមខ្លាំងទាំង៥ដែលអង្គុយចាំ។ ដោយឡែកគណៈកម្មការបានផ្តល់ឱកាសសម្រាប់កីឡាករក្លិបធំៗទាំង៥ អាចដាក់ឈុតទី២ របស់ខ្លួនក្នុងពានរង្វាន់សម្តេចក្រឡាហោម បានក៏ប៉ុន្តែកីឡាករទាំងអស់គឺត្រូវស្ថិតនៅបញ្ជីដាច់ដោយឡែកពីគ្នាជាមួយក្រុមឈុតទី១។
លោកបណ្ឌិត អាំង សិរីពិសិដ្ឋ អគ្គលេខាធិការសហព័ន្ធកីឡាបាល់ទះបាល់លើកឡើងជុំវិញកម្មវិធីប្រកួតពានរង្វាន់បាល់ទះសម្តេចក្រឡាហោម ស ខេង ថា «នេះបេសកកម្មមួយរបស់យើង ដើម្បីស្វែងរកឈាមថ្មី ទៅបន្ថែមនៅក្នុងក្រុមបាល់ទះជម្រើសជាតិកម្ពុជា របស់យើង។ ដូចយើងដឹងហើយថាយើងត្រូវធ្វើជាម្ចាស់ផ្ទះកីឡាស៊ីហ្គេម ឆ្នាំ២០២៣ ខាងមុខ ប៉ុន្តែក្រោយឆ្នាំ២០២៣ ក៏យើងនៅតែមានកម្មវិធីប្រកួតថែមទៀត។ ដូច្នេះយើងត្រូវការធនធានកីឡាករបន្តវេនជាបន្តបន្ទាប់។»
«ខ្ញុំសូមថ្លែងអំណរគុណដល់ថ្នាក់ដឹកនាំបណ្តាក្លិប សមាគម មកពីតាមរាជធានីខេត្តទាំងអស់បានចូលរួមប្រកួតប្រជែងក្នុងពានរង្វាន់នេះសម្តេចក្រឡាហោម។ យើងខ្ញុំសូមបញ្ជាក់ថា សហព័ន្ធកីឡាបាល់ទះកម្ពុជា នឹងរៀបចំព្រឹត្តិការណ៍ប្រកួតនេះជារៀងរាល់ឆ្នាំតទៅ។ ឆ្នាំនេះក្រុមដែលដណ្តើមបានជើងឯកទទួលបានពានរង្វាន់ធំ១ អមដោយប្រាក់រង្វាន់លើកទឹកចិត្តចំនួន២០លានរៀល។» លោកអគ្គលេខាធិការបន្ថែម។
ជាលទ្ធផលនៃការចាប់ពូលឃើញថា ពូល A មាន ក្លិបកីឡាបាល់ទះប៉ៃលិន, ក្លិបកីឡាបាល់ទះស្នងការដ្ឋាននគរបាលខេត្តតាកែវ, ក្លិបបាល់ទះស្នងការដ្ឋាននគរបាលខេត្តមណ្ឌលគីរី, ក្លិបបាល់ទះអាចារ្យលាក់ (កំពង់ធំ), ក្លិបកីឡាបាល់ទះស្នងការដ្ឋាននគរបាលខេត្តក្រចេះ, ក្លិបកីឡាបាល់ទះខេត្តកំពង់ស្ពឺ ហើយពូល B មានក្លិបកីឡាបាល់ទះស្នងការដ្ឋាននគរបាលខេត្តស្វាយរៀង, ក្លិបកីឡាបាល់ទះរិទ្ធីសែន (កំពង់ឆ្នាំង), ក្លិបកីឡាបាល់ទះលោកតាឌី ខេត្តព្រះវិហារ, ក្លិបកីឡាបាល់ទះកូននាគឧត្តរ (ឧត្តរមានជ័យ), ក្លិបកីឡាបាល់ទះស្នងការដ្ឋាននគរបាលខេត្តបាត់ដំបង។ ចំពោះពូល C មានក្រុមបាល់ទះស្នងការដ្ឋាននគរបាលខេត្តព្រះសីហនុ, ក្លិបបាល់ទះស្នងការដ្ឋាននគរបាលខេត្តបន្ទាយមានជ័យ, ក្លិបកីឡាបាល់ទះស្នងការដ្ឋាននគរបាលខេត្តព្រះសីហនុ, សមាគមកីឡាបាល់ទះខេត្តសៀមរាប, ក្លិបកីឡាបាល់ទះសេកុង (ស្ទឹងត្រែង)។ ចំណែកពូល D ត្រូវបានគេចាត់ទុកជាពូលមរណៈដោយមានក្រុមកីឡាបាល់ទះស្នងការដ្ឋាននគរបាលខេត្តត្បូងឃ្មុំ, ក្លិបកីឡាបាល់ទះរដ្ឋបាលរាជធានីភ្នំពេញ B, សមាគមកីឡាបាល់ទះវិសាខា B, ក្លិបកីឡាបាល់ទះស្នងការដ្ឋាននគរបាលខេត្តកំពង់ចាម និងក្លិបកីឡាបាល់ទះស្នងការដ្ឋាននគរបាលខេត្តព្រៃវែង៕
អត្ថបទ ៖ មន្នីរ័ត្ន
ប្អូនប្រុស វ៉ាង ស្រីណូ ចេញមុខសុំទោសស្ថាប័ន Majestic Cambodia ក្រោយរិះគន់មិនសំចៃមាត់
អ្នកនាំពាក្យគ្រោះមហន្តរាយ ៖ កម្ពុជា មិនមានកន្លែងណាមួយកើតមាន បញ្ហារញ្ជួយដីទេ
ផន ស្រីពី មោទនភាព ព្រោះបានរួមចំណែកការងារសង្គម និងស្វែងយល់ពីប្រវត្តិសាស្រ្តជាតិ នៅខេត្តស្ទឹងត្រែង
តារាថៃច្រើននាក់ រត់ប្រាសអាយុចេញពីខុនដូ បន្ទាប់ពីគ្រោះរញ្ជួយដីវាយប្រហារអគារខ្ពស់ៗ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ២១ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
សន្តិសុខសង្គម២០ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ