កីឡា
ទូរទស្សន៍ BTV News នឹងផ្សាយផ្ទាល់ការប្រកួត AFC Asian Cup ខណៈម៉ោងប្រកួតថ្មីត្រូវបានផ្លាស់ប្ដូរ
នាថ្ងៃទី០៨ ខែមិថុនា ឆ្នាំ២០២២ ស្អែកនេះ ក្រុមបាល់ទាត់ជម្រើសជាតិកម្ពុជា នឹងត្រូវចាប់ផ្ដើមយុទ្ធនាការប្រកួត ជម្រុះពានរង្វាន់បាល់ទាត់ជើងឯកទ្វីបអាស៊ី (AFC Asian Cup 2023) របស់ខ្លួននៅប្រទេសឥណ្ឌា ខណៈប្រកួតបើកឆាកនឹងត្រូវជួបក្រុមម្ចាស់ផ្ទះមុនគេ។
ក្រុមជម្រើសជាតិឈុតធំ នឹងចាប់ផ្ដើមបេសកកម្មការប្រកួតជម្រុះជើងឯកទ្វីបអាស៊ី (AFC Asian Cup) ជុំចុងក្រោយ ក្នុងពូល D លើទឹកដីកណ្ដាលនៃប្រទេសឥណ្ឌា ដោយកម្ពុជា រួមពូលជាមួយម្ចាស់ផ្ទះឥណ្ឌា, អាហ្វហ្គានីស្ថាន និងហុងកុង ដែលការប្រកួតនឹងធ្វើឡើងនៅថ្ងៃទី០៨ ថ្ងៃទី១១ និងថ្ងៃទី១៤ ប្រកួតតែមួយជុំប៉ុណ្ណោះ។
ការប្រកួតទាំងអស់របស់កម្ពុជា នឹងត្រូវផ្សាយផ្ទាល់នៅលើកញ្ចក់ទូរទស្សន៍ BTV News រួមទាំងនៅលើហ្វេសប៊ុកផេក Bayon TV និង BTV Cambodia ផងដែរ ពីទីក្រុងកុលកាតា ប្រទេសឥណ្ឌា។ មុននឹងការប្រកួតខិតជិតមកដល់ ម៉ោងប្រកួតថ្មីត្រូវបានសម្រេចធ្វើការផ្លាស់ប្ដូរផងដែរ ពិសេសសម្រាប់ម៉ោងពេលប្រកួតរបស់កម្ពុជា ទាំង៣ប្រកួតក្នុងពូល។
ម៉ោងប្រកួតថ្មីដែលបានកែប្រែរួមមាន៖ ប្រកួតទី១ កម្ពុជា ប៉ះម្ចាស់ផ្ទះឥណ្ឌា ដែលដើមឡើយគ្រោងជួបគ្នានៅម៉ោង ៥:៣០នាទីល្ងាចថ្ងៃទី០៨ ខែមិថុនាស្អែកនេះ បានប្ដូរទៅប្រកួតនាវេលាម៉ោង ១០:០០នាទីយប់ ម៉ោងនៅកម្ពុជាវិញ។ ប្រកួតទី២ ដែលកម្ពុជា គ្រោងជួប ហុងកុង នាវេលាម៉ោង ៥៖៣០នាទីល្ងាចថ្ងៃទី១១ ខែមិថុនា ត្រូវប្ដូរទៅប្រកួតនាវេលាម៉ោង ៦:៣០នាទីល្ងាចម៉ោងនៅកម្ពុជាវិញ និងប្រកួតទី៣ ដែលកម្ពុជាត្រូវជួបអាហ្វហ្គានីស្ថាន នាវេលាម៉ោង ៩:៣០នាទីយប់ ថ្ងៃទី១៤ ខែមិថុនា បានប្ដូរមកប្រកួតនាវេលាម៉ោង ៦:៣០នាទី ម៉ោងនៅកម្ពុជាវិញ។
សូមបញ្ជាក់ថា នៅវគ្គនេះមានទាំងអស់ ៦ពូល ក្នុង ១ពូលមាន ៤ក្រុម។ ហើយប្រកួតដើម្បីរកក្រុមលេខ១ ក្នុងពូលនីមួយៗឡើងទៅប្រកួតជុំផ្ដាច់ព្រ័ត្រ ដែលជាប្រកួតផ្លូវការនៅឆ្នាំ២០២៣។ ដោយឡែកក្រុមលេខ២ ប្រចាំពូលនីមួយៗត្រូវរង់ចាំអ៊ុតជាមួយពូលផ្សេងៗទៀតដើម្បីទូទាត់ពិន្ទុគ្នា យកតែ ៥ក្រុមដែលមានពិន្ទុច្រើនជាងគេប៉ុណ្ណោះឡើងទៅជុំផ្ដាច់ព្រ័ត្រ ដើម្បីទៅប្រកួតជាមួយក្រុមដែលអង្គុយរង់ចាំរួចជាស្រេចដូចជា ចិន, ជប៉ុន, ស៊ីរី, កាតា, កូរ៉េខាងត្បូង, អូស្ត្រាលី, អ៊ីរ៉ង់, អារ៉ាប់រួម, អារ៉ាប់ប៊ីសាវឌីត, អ៊ីរ៉ាក់, អូម៉ង់, វៀតណាម និងលីបង់៕
អត្ថបទ ៖ មន្នីរ័ត្ន


-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ