កីឡា

U-19 កម្ពុជា ជម្រុះកីឡាករជាបន្តបន្ទាប់ ត្រៀមប្រកួតពានយុវជនអាស៊ាន នៅខែកក្កដា

បានផុស

២ years មុន

នៅ

ថ្ងៃពុធ ៨ មិថុនា ២០២២

ដោយ

សហព័ន្ធកីឡាបាល់ទាត់កម្ពុជា បានជម្រុះកីឡាករប្រមាណ ៤៤នាក់ មកពីក្លិបចំនួន ១៨នៅលីគកំពូលកម្ពុជា ក៏ដូចជាលីគទី២ ពីការធ្វើតេស្តដំណាក់កា់ទី១ ជ្រើសរើសចូលក្រុមជម្រើសជាតិកម្ពុជា អាយុក្រោម ១៩ឆ្នាំ ត្រៀមលេងពានយុវជនអាស៊ីអាគ្នេយ៍អាយុក្រោម ១៩ឆ្នាំ នៅខែកក្កដា ខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមបញ្ជីឈ្មោះកីឡាករប្រមាណ ៦០នាក់នោះមានមកពីក្លិបនៅលីគកំពូលកម្ពុជា ដូចជាអង្គរថាយហ្គឺរ, ភ្នំពេញក្រោន, បឹងកេត, វិសាខា, ណាហ្គាវើលដ៍, កងយោធពលខេមរភូមិន្ទ, គីរីវង់សុខសែនជ័។ ដោយឡែកកីឡាករមកពីលីគទី២ វិញរួមមានមកពីក្លិប ព្រៃវែង, អាស៊ីអឺរ៉ុបយូណាយធីត, កោះកុង, អគ្គិសនីកម្ពុជា, សូលទីឡូអង្គរ, សៀមរាបអែហ្វស៊ី, នគរបាលជាតិ. បន្ទាយមានជ័យ និងណិចស្តិបអែហ្វស៊ី បានជម្រុះចេញនៅសល់ត្រឹម ៤៤នាក់ ពោលមកពីក្លិបដូចជា គីរីវង់សុខសែនជ័យ, នគរបាលជាតិ, អាយអេសអាយ ដង្កោរសែនជ័យ, បន្ទាយមានជ័យអែហ្វស៊ី និងណិចស្តិបអែហ្វស៊ី។

នៅក្នុងការធ្វើតេស្តដំណាក់កាលទី២ គេឃើញយុវជនសាលាបាល់ទាត់ជាតិបាទី ចំនួន ១៤នាក់បានចូលរួមជាមួយផងដែរ ដែលជាក្រុមមានភាគរយមានកីឡាករជាប់ច្រើនជាងគេដ្បិតពួកគេហ្វឹកហាត់ជុំគ្នា ដូច្នេះសរុបទាំងអស់ធ្វើឱ្យដំណាក់កាលទី២ មានកីឡាករចំនួន ៥២នាក់។

បន្ទាប់ពីការធ្វើតេស្តនេះហើយ យុវជនទាំងនោះនឹងត្រូវមានការជម្រុះចេញមួយចំនួនបន្តទៀត ដើម្បីបន្តដំណាក់កាលបន្ទាប់ មុននឹងការជ្រើសរើសចុងក្រោយ នៅអំឡុងចុងខែមិថុនា ខាងមុខនេះ។

គួរបញ្ជាក់ថា នេះជាការជ្រើសរើសកីឡាករដើម្បីត្រៀមលេងពានយុវជនអាស៊ីអាគ្នេយ៍អាយុក្រោម ១៩ឆ្នាំ (AFF U-19 Championship) ដែលគ្រោងធ្វើពីថ្ងៃទី០២ ដល់ថ្ងៃទី១៥ នៅខែកក្កដា ឆ្នាំ២០២២ នៅប្រទេសឥណ្ឌូនេស៊ី។

ការចូលរួមប្រកួតពានរង្វាន់ខាងលើក៏ជាត្រៀមចូលរួមប្រកួតពានរង្វាន់វគ្គជម្រុះជើងឯកយុវជនអាស៊ីអាយុក្រោម ២០ឆ្នាំ (AFC U-20 Asian Cup 2023 Qualifiers) សម្រាប់ឆ្នាំ២០២៣ ដូចគ្នា។ ជាក់ស្ដែង U-20 កម្ពុជា ស្ថិតនៅពូល I ជាមួយម្ចាស់ផ្ទះតាជីគីស្ថាន, លីបង់ និងសិង្ហបុរី។ ការប្រកួតគ្រោងនឹងធ្វើឡើងនៅទឹកដីកណ្ដាល ហើយចាប់ផ្ដើមប្រកួតពីថ្ងៃទី១០-១៨ ខែកញ្ញា ឆ្នាំ២០២២៕

អត្ថបទ ៖ មន្នីរ័ត្ន