Connect with us

កីឡា

ការប្រកួតចំនួន៦ក្នុងប្រវត្តិសាស្រ្តបាល់ទាត់ ដែលមានកំហុសពេលចាក់ភ្លេងជាតិ

បានផុស

នៅ

មុនការប្រកួតបាល់ទាត់វគ្គជម្រុះជុំចុងក្រោយពានរង្វាន់ AFC Asian Cup 2023 រវាងកម្ពុជា និង ឥណ្ឌា កាលពីយប់មិញនេះ គេបានមើលឃើញនូវបញ្ហារអាក់រអួល ដោយម្ចាស់ផ្ទះខ្វះខាតក្នុងការយកចិត្តទុកដាក់ដល់ក្រុមកម្ពុជាដូចជាពាក់ព័ន្ធនឹងអាហារ ការស្នាក់នៅ ទង់ជាតិ និងការគោរពភេ្លងជាតិជាដើម។

ការប្រកួតរវាងកម្ពុជា និងម្ចាស់ផ្ទះ ឥណ្ឌា ត្រូវបានពន្យារពេលរហូតដល់ទៅ៧នាទី ដោយសារតែកំហុស មិនមានការចាក់ភ្លេងជាតិរបស់កម្ពុជា។ រឿងនេះបានបណ្តាលឲ្យអ្នកគាំទ្របាល់ទាត់កម្ពុជាទូទាំងប្រទេសមានការខឹងសម្បា និងអាក់អន់ស្រពន់ចិត្តជាខ្លាំងចំពោះ ភាពខ្វះការយកចិត្តទុករបស់ឥណ្ឌា។

យ៉ាងណាមិញ សហព័ន្ធបាល់ទាត់ឥណ្ឌា បានចេញលិខិតសុំទោស កម្ពុជា ហើយ ជុំវិញចំណុចខ្វះខាតទាំងអម្បាលម៉ាន។

ក្រៅពីកំហុសកាលពីយប់មិញ នៅក្នុងប្រវត្តិសាស្រ្តបាល់ទាត់ ក៏ធ្លាប់មានកំហុសពាក់ព័ន្ធនឹងការចាក់ភ្លេងជាតិខុសនៅក្នុងកីឡដ្ឋានផ្សេងៗផងដែរ។

ថ្ងៃនេះ កម្ពុជាថ្មី សូមលើកយកការប្រកួតចំនួន៦ក្នុងប្រវត្តិសាស្រ្តបាល់ទាត់ ដែលមានកំហុសពេលចាក់ភ្លេងជាតិ៖

១. បារាំង ជាមួយ អាល់បានី ឆ្នាំ២០១៩ (ជម្រុះយូរ៉ូ)

ក្រុមបាល់ទាត់ជម្រើសជាតិបារាំង បានធ្វើជាម្ចាស់ផ្ទះទទួលក្រុមបាល់ទាត់ជម្រើសជាតិ អាល់បានី ក្នុងពហុកីឡដ្ឋាន Stade de France នៅថ្ងៃសៅរ៍ ទី៧ ខែកញ្ញា ឆ្នាំ២០១៩។

ខណៈកីឡាករក្រុមភ្ញៀវកំពុងឈរត្រៀមគោរពភ្លេងជាតិ ស្រាប់តែពេលនោះ ភ្លេងជាតិប្រទេស អង់ដូរ៉ា ដែលជាគូប្រជែងបន្ទាប់របស់បារាំង បែរជាបន្លឺឡើងទៅវិញ ជាហេតុធ្វើឲ្យអ្នកគាំទ្រស្រែកហ៊ោកញ្ជ្រៀវ និងកីឡាករខកចិត្តយ៉ាងខ្លាំង។

ប៉ុណ្ណឹងហើយនៅមិនគ្រប់ទៀត! ដោយហេតុតែចង់ឲ្យស្ថានភាពធូរស្បើយ អ្នកប្រកាសក្នុងការពហុកីឡដ្ឋាន បានប្រកាសសុំទោសទៅក្រុម​ជម្រើសជាតិ អាមេនី ឯណាឯណោះវិញ! គ្រប់គ្នាកាន់តែហួសចិត្ត!

២. អ៊ុយរូហ្គាយ ជាមួយ ម៉ិកស៊ិក ឆ្នាំ២០១៦ (Copa America)

អំឡុងការប្រកួតពានរង្វាន់ Copa America នៅកីឡដ្ឋាន University of Phoenix ក្នុងទីក្រុង Glendale, កីឡាករអ៊ុយរូហ្គាយភាគច្រើន ភាំងស្មារតី និយាយលែងចេញ អ្នកខ្លះធ្វើមុខស្មើ ដោយសារតែភ្លេងជាតិប្រទេស ស៊ីលី បានបន្លឺឡើង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

៣. អាមេនី ជាមួយ ហ្គីប្រាលតា ឆ្នាំ២០១៨ (UEFA Nations League)

នៅពេលឈរគោរពភ្លេងជាតិ កីឡាករ ហ្គីប្រាលតា នាំគ្នាបើកភ្នែកធំៗ ដោយសារតែក្នុងកីឡដ្ឋាន បានបន្លឺភ្លេងជាតិ លិចតិនស្តាញ ទៅវិញ។

៤. ស៊ែប៊ី U19 ជាមួយ ព័រទុយហ្គាល់ U19 (ពានរង្វាន់ទ្វីបអឺរ៉ុប U19)

មុនការប្រកួតវគ្គពាក់កណ្តាលផ្តាច់ព្រ័ត្រនៃពានរង្វាន់ទ្វីបអឺរ៉ុបអាយុក្រោម១៩ឆ្នាំជាមួយព័រទុយហ្គាល់ ក្រុមកីឡាករស៊ែប៊ី បានត្រៀមខ្លួនច្រៀងចម្រៀងជាតិរបស់ពួកគេដោយមោទកភាព។

តែអ្វីៗខុសពីការគិត កីឡដ្ឋាន បានចាក់ភ្លេងជាតិរបស់អតីតប្រទេសយូហ្គោស្លាវី ដែលត្រូវបានរំសាយបន្ទាប់ពីជម្លោះបាល់កង់នៅដើមទសវត្សរ៍ឆ្នាំ ១៩៩០ ទៅវិញ។ 

៥. អែលសាល់វ៉ាឌ័រ ជាមួយ អាហ្សង់ទីន ឆ្នាំ២០១៥ (មិត្តភាព)

នៅពេលក្រុមជម្រើសជាតិ អែលសាល់វ៉ាឌ័រ ប៉ះ អាហ្សង់ទីន ក្នុងការប្រកួតមិត្តភាពនៅពហុកីឡដ្ឋាន FedEx Field ក្នុងរដ្ឋ Maryland។ ក្រុមកីឡាករ អែលសាល់វ៉ាឌ័រ កំពុងរង់ចាំច្រៀង ចម្រៀងជាតិ Himno Nacional de El Salvador ជាទីស្រឡាញ់របស់ពួកគេ។ ផ្ទុយស្រឡះ ពួកគេបែរជាលឺភ្លេងជាតិរបស់កោះ ម៉ាន់ ទៅវិញ។

៦. ម៉ាល់តា ជាមួយ​ស្លូវ៉ាគី ឆ្នាំ២០១៥ (មិត្តភាព)

លើកនេះ ខុសពីការប្រកួតផ្សេងៗខាងលើ។ នៅខាងក្នុងកីឡដ្ឋាន អ្នកចាក់ភ្លេង មិនមែនច្រឡំចាក់ភ្លើងជាតិរបស់ប្រទេសផ្សេងទេ ប៉ុន្តែបែរជាច្រឡំចាក់បទចម្រៀង Numb របស់ក្រុមតន្ត្រីរ៉ុកLinkin Park ជំនួសឲ្យភ្លេងជាតិ ម៉ាល់តា ទៅវិញ។

តើកំហុសបែបនេះ នឹងបន្តកើតឡើងក្នុងប្រកួតណាខ្លះទៀតនាពេលអនាគត?

ប្រែសម្រួល៖ Vann Vann

ប្រភព៖ 90Min

ចុចអាន៖ ឯកឧត្តម ហ៊ុន ម៉ានី ប្រតិកម្មជុំវិញការប្រកួតរវាងកម្ពុជា ជាមួយម្ចាស់ផ្ទះ ឥណ្ឌា យប់មិញ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៦ នាទីutes មុន

អ្នកនាំពាក្យគ្រោះមហន្តរាយ ៖ កម្ពុជា មិនមានកន្លែងណាមួយកើតមាន បញ្ហារញ្ជួយដីទេ

ផន ស្រីពី
ជីវិតកម្សាន្ដ២៧ នាទីutes មុន

ផន ស្រីពី មោទនភាព ព្រោះបានរួមចំណែកការងារសង្គម និងស្វែងយល់ពីប្រវត្តិសាស្រ្តជាតិ នៅខេត្តស្ទឹងត្រែង

ជីវិតកម្សាន្ដ៣៤ នាទីutes មុន

តារា​ថៃច្រើននាក់ រត់ប្រាសអាយុចេញពី​ខុនដូ ​ បន្ទាប់ពីគ្រោះ​រញ្ជួយ​ដី​វាយប្រហារអគារខ្ពស់​ៗ​

សន្តិសុខសង្គម១ ម៉ោង មុន

ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ

ព័ត៌មានជាតិ១ ម៉ោង មុន

កសិករចិញ្ចឹមគោបាយជិត ៣០០ក្បាល ផ្ដាំកសិករផ្សេងឱ្យងាកមកចិញ្ចឹមគោប្រភេទនេះ ព្រោះងាយស្រួលចិញ្ចឹម

ព័ត៌មានអន្ដរជាតិ២១ ម៉ោង មុន

កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក

ក្រុងប៉ោយប៉ែត
សន្តិសុខសង្គម២០ ម៉ោង មុន

ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ

សន្តិសុខសង្គម១ ម៉ោង មុន

ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ

ព័ត៌មានអន្ដរជាតិ២១ ម៉ោង មុន

ការ​ខូចខាត​បឋម ព្រោះ​គ្រោះរញ្ជួយដីដ៏ខ្លាំងក្លា​ដែល​វាយប្រហារអាស៊ីអាគ្នេយ៍

ព័ត៌មានអន្ដរជាតិ២១ ម៉ោង មុន

នាយករដ្ឋមន្ត្រី​ថៃ ដាក់​ចេញ​បទបញ្ជា​​បន្ទាន់ដើម្បី​គ្រប់គ្រង់​គ្រោះរញ្ជួយដី​

Sokha Hotels

ព័ត៌មានពេញនិយម