កីឡា

សហព័ន្ធកីឡាបាល់ទាត់កម្ពុជា កោះហៅ U19 ជម្រុះចុងក្រោយ មុនចេញទៅប្រកួតនៅឥណ្ឌូនេស៊ី

បានផុស

៣ years មុន

នៅ

ថ្ងៃចន្ទ ១៣ មិថុនា ២០២២

ដោយ

សហព័ន្ធកីឡាបាល់ទាត់កម្ពុជា បានកោះហៅកីឡាករដំណាក់កាលចុងក្រោយ ដើម្បីហ្វឹកហាត់ ៣ លើក មុនជ្រើសរើសចូលក្រុមជម្រើសជាតិកម្ពុជា អាយុក្រោម ១៩ ឆ្នាំ ត្រៀមប្រកួតពានយុវជនអាស៊ីអាគ្នេយ៍អាយុក្រោម ១៩ ឆ្នាំ នៅខែកក្កដាខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមបញ្ជីឈ្មោះកីឡាករដែលទទួលបានពីក្លិប យុវជនចំនួន ២៩ នាក់ នោះមានមកពីក្លិបចំនួន ១២ ត្រូវបានកោះហៅចូល ទាំងក្លិបនៅខេមបូឌានព្រីមៀរលីគ និងលីគទី ២ កម្ពុជា។ ក្លិបទាំងនោះរួមមាន អង្គរថាយហ្គឺរ, ភ្នំពេញក្រោន, បឹងកេត, វិសាខា, ណាហ្គាវើលដ៍, កងយោធពលខេមរភូមិន្ទ និងគីរីវង់សុខសែនជ័។ ដោយឡែកកីឡាករមកពីលីគទី ២ វិញរួមមានមកពីក្លិបបាល់ទាត់ខេត្តព្រៃវែង, អាស៊ីអឺរ៉ុបយូណាយធីត, អគ្គិសនីកម្ពុជា, សូលទីឡូអង្គរ និងយុវជនសាលាកីឡាបាល់ទាត់ជាតិបាទី។

យុវជនទាំង ២៩ នាក់ នឹងត្រូវហ្វឹកហាត់ចំនួន ៣ លើកជាមុនសិន មុនការជម្រុះចេញមកនៅត្រឹម ២៣ នាក់ចុងក្រោយ ដើម្បីចេញទៅប្រកួតនៅឥណ្ឌូនេស៊ី ពានយុវជនអាស៊ីអាគ្នេយ៍អាយុក្រោម ១៩ ឆ្នាំ (AFF U-19 Championship) ដែលគ្រោងធ្វើពីថ្ងៃទី ០២ ដល់ថ្ងៃទី ១៥ នៅខែកក្កដា ឆ្នាំ ២០២២។

ក្រុមជម្រើសជាតិកម្ពុជា អាយុក្រោម ១៩ ឆ្នាំ ស្ថិតនៅពូល B ជាមួយ ម៉ាឡេស៊ី, ឡាវ, ទីម័រខាងកើត និងសិង្ហបុរី៕

អត្ថបទ៖ មន្នីរ័ត្ន