កីឡា

តម្លៃខ្លួនខ្ទង់ម៉ឺនដុល្លារ កីឡាករបាល់ទះ វឿន វាសនា ផ្ទេរទៅលេងក្លឹបនៅវៀតណាម២សប្តាហ៍

បានផុស

៣ years មុន

នៅ

ថ្ងៃអង្គារ ១៤ មិថុនា ២០២២

ដោយ

កីឡាករបាល់ទះជម្រើសជាតិកម្ពុជា និងជាសមាជិកក្លឹបអាជីពវិសាខា វឿន វាសនា បានផ្ទេរទៅលេងនៅក្លឹបអាជីពរបស់ប្រទេសវៀតណាម Long An ក្នុងរយៈពេលពីរសប្តាហ៍ដែលនឹងទទួលបានតម្លៃខ្លួនខ្ទង់ម៉ឺនដុល្លារអាមេរិក។

កីឡាករ វឿន វាសនា និងលោក អាំង សេរីពិសិដ្ឋ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបណ្ឌិត អាំង សេរីពិសិដ្ឋ អគ្គលេខាធិការនៃសហព័ន្ធកីឡាបាល់ទះកម្ពុជាបានឲ្យដឹងកាលពីយប់មិញថា អបអរសាទរ កីឡាករបាល់ទះរបស់វិសាខា វឿន វាសនា បានបំបែកកំណត់ត្រាតម្លៃខ្លួនជាប្រវត្តិសាស្ត្រក្នុងពិភពកីឡាបាល់ទះកម្ពុជាដែលបានផ្ទេរទៅលេងនៅក្លឹប Long An រយៈពេលពីរសប្តាហ៍ជាមួយនឹងតម្លៃខ្ទង់ម៉ឺនដុល្លា….។

ទោះបីជាយ៉ាងណា លោកអគ្គលេខាធិការរូបនេះមិនបានបញ្ជាក់លំអិតថាតើតម្លៃខ្លួនចំនួនប៉ុន្មានដែលកីឡាករ វឿន វាសនា ទទួលបាន។ កន្លងមក កីឡាករបាល់ទះកម្ពុជាក៏ធ្លាប់បានទៅលេងនៅប្រទេសថៃដែលទទួលបានប្រាក់កម្រៃច្រើនគួរសមដែរ។

ការចាប់អារម្មណ៍ពីប្រទេសដទៃមកលើកីឡាករបាល់ទះកម្ពុជាបានកើតមានឡើង បន្ទាប់ពីក្រុមបាល់ទះជម្រើសជាតិកម្ពុជាធ្វើបានល្អក្នុងព្រឹត្តិការណ៍កីឡាស៊ីហ្គេម លើកទី៣១ នៅប្រទេសវៀតណាម ដោយទទួលបានមេដាយសំរិទ្ធជាលើកដំបូងក្នុងប្រវត្តិសាស្ត្រក៏ដូចជាមានកំណត់ត្រាឈ្នះក្រុមបាល់ទះជម្រើសជាតិថៃជាលើកដំបូងដែរ។