កីឡា

កីឡាករម្នាក់ និងមន្ត្រី ៤ រូប ជាប់នៅប្រទេសឥណ្ឌា ដោយសារឆ្លងកូវីដ

បានផុស

៣ years មុន

នៅ

ថ្ងៃពុធ ១៥ មិថុនា ២០២២

ដោយ

កីឡាករ ហ៊ុល គឹមហ៊ុយ និងមន្ត្រី ៤ រូបនៃក្រុមបាល់ទាត់ជម្រើសជាតិកម្ពុជា បានជាប់នៅប្រទេសឥណ្ឌា បន្ទាប់ពីបានឆ្លងវីរុសកូវីដ-១៩ ក្រោយចប់ការប្រកួតចុងក្រោយ ពូល D វគ្គជម្រុះជុំចុងក្រោយ ជើងឯកទ្វីបអាស៊ី (AFC Asian Cup 2023 Qualifiers Final Round) នៅល្ងាចថ្ងៃទី ១៤ ខែមិថុនា ឆ្នាំ ២០២២ ម្សិលមិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដូច្នេះកីឡាករ ២១ នាក់ បានមកដល់មាតុប្រទេសដោយសុវត្ថិភាពនៅព្រឹកនេះ លើកលែងតែ កុក បូរីស ដែលប្រកបអាជីពនៅប្រទេសម៉ាឡេស៊ី គេត្រូវធ្វើដំណើរទៅប្រទេសម៉ាឡេស៊ីផ្ទាល់។

ដើម្បីសុវត្ថិភាព កីឡាករ ហ៊ុល គឹមហ៊ុយ និងមន្ត្រី ៤ រូបនៃក្រុមបាល់ទាត់ជម្រើសជាតិកម្ពុជា នឹងត្រូវសម្រាកព្យាបាលនៅប្រទេសឥណ្ឌា រហូតដល់ជាសះស្បើយទើបត្រលប់មកមាតុប្រទេសវិញ។

សូមរម្លឹកថា សហព័ន្ធកីឡាបាល់ទាត់កម្ពុជា បាននាំយកកីឡាករ ២៣ នាក់ ទៅចូលរួមប្រកួតវគ្គជម្រុះជុំចុងក្រោយ ជើងឯកទ្វីបអាស៊ី (AFC Asian Cup 2023 Qualifiers Final Round)។ហើយជាលទ្ធផល ក្រុមជម្រើសជាតិកម្ពុជា បញ្ចប់ទៅដោយឈរនៅចំណាត់ថ្នាក់លេខ ៤ ក្នុងចំណោម ៤ ក្រុម រួមមានម្ចាស់ផ្ទះឥណ្ឌា, ហុងកុង និងអាហ្វហ្គានីស្ថាន ក្រោយប្រកួត ៣ លើក ស្មើ ១ លើក និងចាញ់ ២ លើក មាន ១ ពិន្ទុ។ ក្នុងនោះកម្ពុជា ចាញ់ ឥណ្ឌា ២-០, ចាញ់ ហុងកុង ៣-០ និងស្មើជាមួយអាហ្វហ្គានីស្ថាន ២-២៕

អត្ថបទ៖ មន្នីរ័ត្ន