កីឡា

ផ្លូវការហើយ ខាន់ ចេសា ប្រកួតជាមួយកីឡាការិនីអាមេរិកនៅ ONE

បានផុស

៣ years មុន

នៅ

ថ្ងៃចន្ទ ២០ មិថុនា ២០២២

ដោយ

កីឡាការិនីជឺជីតស៊ូជម្រើសជាតិកម្ពុជា ខាន់ ចេសា ត្រូវបានផ្គូផ្គងឲ្យប្រកួតជាផ្លូវការហើយជាមួយកីឡាការិនីអាមេរិក Amanda Alequin នៅស្ថាប័នធំ ONE Championship នាថ្ងៃទី២២ ខែកក្កដា ឆ្នាំ២០២២។ កីឡាការិនីអាមេរិករូបនេះក៏ពូកែ និងល្បីល្បាញខាងជំនាញជឺជីតស៊ូដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីលេចធ្លោលើឆាកអន្តរជាតិទាំងការប្រកួតនៅសហរដ្ឋអាមេរិក និងប្រកួតតំណាងឲ្យជម្រើសជាតិកម្ពុជាប៉ុន្មានចុងក្រោយនេះ កីឡាការិនី ខាន់ ចេសា បានចុះកុងត្រាជាផ្លូវការជាមួយស្ថាប័នប្រដាល់ធំបំផុតប្រចាំអាស៊ី គឺ ONE Championship កាលមុនព្រឹត្តិការណ៍កីឡាស៊ីហ្គេម នៅប្រទេសវៀតណាម។

អ្នកគាំទ្រមួយចំនួនអាចនឹងឆ្ងល់ចំពោះវត្តមានរបស់កីឡាការិនីជម្រើសជាតិកម្ពុជារូបនេះនៅស្ថាប័ននប្រដាល់ដែលល្បីខាងគុនចម្រុះ ឃីកបុកសីង ឬមួយថៃជាដើម ប៉ុន្តែសូមបញ្ជាក់ថា ការប្រកួតនេះគឺជំនាញឃ្លេក្រោមសុទ្ធដោយមិនប្រើជំហរឈរដើម្បីទាត់ ធាក់ ឬកណ្តាប់ដៃឡើយ។

ដូច្នេះមានន័យថា ការប្រកួតរបស់ ខាន់ ចេសា គឺជំនាញឃ្លេក្រោមសុទ្ធដែលត្រូវនឹងជំនាញជឺជីតស៊ូរបស់នាង៕