កីឡា

សូមកុំច្រឡំ ការប្រកួតរបស់ ខាន់ ចេសា នៅ ONE មិនមែន MMA ទេ (វីដេអូ)

បានផុស

៣ years មុន

នៅ

ថ្ងៃអង្គារ ២១ មិថុនា ២០២២

ដោយ

ការប្រកួតរបស់កីឡាការិនីជឺជីតស៊ូកម្ពុជា-អាមេរិក ខាន់ ចេសា ជាមួយកីឡាការិនីអេក្វាឌ័រ-អាមេរិក Amanda Alequin នៅស្ថាប័នធំ ONE Championship នាថ្ងៃទី២២ ខែកក្កដា ឆ្នាំ២០២២គឺមិនមែនគុនចម្រុះ (MMA) ទេ។

តាមការបញ្ជាក់ពីលោក Bear Frazer នាយកជាន់ខ្ពស់ផ្នែកការផ្សាយរបស់ ONE Championship បានប្រាប់ថា ការប្រកួតរបស់កីឡាការិនីទាំងពីរគឺជំនាញឃ្លេ (Grappling) សុទ្ធ។ មិនថា ជំនាញចំបាប់ ជឺជីតស៊ូ ឬជំនាញអ្វីទេឲ្យតែប្រភេទចាប់ អោប រឹត កាច់ ឃ្លេនៅលើកម្រាលទីលានគឺអាចប្រើបានទាំងអស់ ប៉ុន្តែមិនមែនឈរវ៉ៃដូចជា ទាត់ ធាក់ ឬកណ្តាប់ដៃឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្ថាប័ន ONE បានដាក់ប្រភេទកីឡាជំនាញឃ្លេនេះឲ្យប្រកួតកាលពីចុងឆ្នាំ២០២១ ហើយក៏មានកីឡាករ កីឡាការិនីមួយចំនួនធ្លាប់បានប្រកួតហើយដូចជាកីឡាការិនីអាមេរិក Danielle Kelly ជាដើម។

និយាយពីកីឡាការិនី ខាន់ ចេសា និង Amanda Alequin សុទ្ធតែមានជំនាញជឺជីតស៊ូដូចគ្នា និងមានកេរ្តិ៍ឈ្មោះល្បាញខ្លាំងទូទាំងពិភពលោកហើយសម្រាប់ការប្រកួតជឺជីតស៊ូរបស់អ្នកទាំងពីរ។

Amanda Alequin មានប្រវត្តិប្រកួតដ៏អស្ចារ្យ។ នាងជាជើងឯកជឺជីតស៊ូពិភពលោក IBJJF កាលពីឆ្នាំ២០១៦ និងជាជើងឯកពិភពលោក Pans ឆ្នាំ២០១៩។ ចំណែកកីឡាការិនីកម្ពុជាក៏ឈ្នះជើងឯក និងខ្សែក្រវាត់ជឺជីតស៊ូជាច្រើន ដូចជាជើងឯក Pans ឆ្នាំ២០២២ ព្រមទាំងឈ្នះមេដាយមាសអាស៊ី និងស៊ីហ្គេមជូនកម្ពុជា។

សម្រាប់ការប្រកួតជឺជីតស៊ូនៅកម្មវិធី Who’s #1 កាលពីឆ្នាំ២០២១ ខាន់ ចេសា ធ្លាប់បានប្រកួតឈ្នះកីឡាការិនីអាមេរិក Danielle Kelly ដែលបានប្រកួត Grappling នៅ ONE កាលពីពេលថ្មីៗនេះ ដូច្នេះ Danielle Kelly អាចនឹងជួប ខាន់ ចេសា នៅថ្ងៃណាមួយនៅស្ថាប័ន ONE៕

ទស្សនាវីដេអូដែលកីឡាការិនី Danielle Kelly ប្រកួត Grappling នៅ ONE