កីឡា

បេសកកម្មសំខាន់ចំនួន៤ ដើម្បីឲ្យបាល់ទាត់កម្ពុជាលើកពានស៊ីហ្គេមឆ្នាំ២០២៣

បានផុស

៤ years មុន

នៅ

ថ្ងៃអង្គារ ២២ ធ្នូ ២០២០

ដោយ

លោកនាយឧត្តមសេនីយ៍ សៅ សុខា ប្រធានសហព័ន្ធកីឡាបាល់ទាត់កម្ពុជា បានដាក់ចេញនូវបេសកកម្មសំខាន់ៗចំនួន៤ ដើម្បីសម្រេចឲ្យបាននូវគោលដៅលើកពាន ក្នុងព្រឹត្តិការណ៍ស៊ីហ្គេមលើកទី៣២ ឆ្នាំ២០២៣ ដែលកម្ពុជាធ្វើជាម្ចាស់ផ្ទះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បេសកកម្មចំនួន៤នោះ មានទី១. បង្កើនសមត្ថភាពសហព័ន្ធកីឡាបាល់ទាត់កម្ពុជាឲ្យមានគុណភាពនិងវិជ្ជាជីវៈ ក្នុងការដឹកនាំនិងគ្រប់គ្រងក្លឹបបាល់ទាត់អាជីព។ ទី២. រៀបចំមូលដ្ឋានសម្រាប់បាល់ទាត់កម្ពុជាឈានទៅរកសមត្ថភាពនិងបច្ចេកទេសកម្រិតខ្ពស់។ ទី៣. លើកកម្ពស់ និង ប្រើប្រាស់វិស័យកីឡាបាល់ទាត់ ដើម្បីចូលរួមកសាងនិងអភិវឌ្ឍន៍សង្គម និងទី៤. ធានាលទ្ធផលល្អប្រសើរ ក្នុងការប្រកួតកីឡាស៊ីហ្គេមឆ្នាំ២០២៣។

ជាមួយនឹងមហិច្ឆតាលើកពានកម្រិតស៊ីហ្គេមនេះ ប្រមុខសហព័ន្ធកីឡាបាល់ទាត់ជំរុញបង្កើតឲ្យមានសាលាតម្រង់ទិសទូទាំង២៥រាជធានីខេត្ត ដើម្បីសម្រិតសម្រាំងឲ្យបាននូវធនធានប្រកបដោយគុណភាព ដើម្បីសម្រេចនូវគោលបំណងដែលសហព័ន្ធចង់បាន។ មូលហេតុដែលសហព័ន្ធហ៊ានសម្រេចនូវគោលការណ៍លើកពានបែបនេះ គឺដោយសារកម្ពុជា គឺជាម្ចាស់ផ្ទះ។ ពេលនោះការប្រកួតនៅស៊ីហ្គេមឆ្នាំ២០២៣ គឺកំណត់យកអាយុក្រោម២២ឆ្នាំ ហេតុនេះកីឡាករត្រូវតែកើតនៅឆ្នាំ២០០១ ដល់ ឆ្នាំ២០០៣ចុះក្រោម។ ពេលនេះកម្ពុជា បានចាប់ផ្ដើមហើយ ហេតុនេះកម្ពុជា ត្រូវតែដណ្ដើមបានពាននេះ៕

អត្ថបទ៖ វិសិទ្ធ

សូមចុចអាន៖ អត្តពលិកប្រមាណជាង១០០នាក់ត្រៀមទៅហ្វឹកហាត់នៅប្រទេសចិន ជប៉ុននិងកូរ៉េ

Related Topics:កីឡា