Connect with us

កីឡា

អតីតកីឡាករព្រះខ័នរាជស្វាយរៀង Privat រំឭក កាលយកឈ្នះក្រុមថ្មីរបស់ខ្លួន Bali មុនជួបវិសាខា ល្ងាចនេះ

បានផុស

នៅ

កីឡាករ Privat Mbarga គឺជា​កីឡាករ​សំខាន់​ម្នាក់​របស់​ក្លិប Bali United ក្នុង​តំបន់​ប្រយុទ្ធ​។ មាន​តួនាទី​នៅ​ស្លាប​ខាងស្តាំ កីឡាករ​មកពី​កា​មេ​រូ​ន រូបនេះ​មាន​ល្បឿន និង​ការគ្រប់គ្រង​បាល់​បាន​យ៉ាង​ល្អ​។​ សមត្ថភាព​បែបនេះ ទីបំផុត Bali United បាន​យក​រូបគេ​មក​រួម​ក្រុម ហើយ​ប្រកាស​ជា​ផ្លូវការ​កាលពី​ថ្ងៃទី ​២៤ ខែធ្នូ ឆ្នាំ ​២០២១ ដែល​នាំ​មកពី​ក្លិប​ព្រះខ័ន​ស្វាយរៀង របស់​កម្ពុជា​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​ថ្ងៃនេះ​ផងដែរ ក្រុម​របស់គេ Bali United នឹងត្រូវ​ជួប​វិសាខា របស់​កម្ពុជា ក្នុង​ពានរង្វាន់ AFC Cup 2022 វគ្គ​ជម្រុះ​ក្នុង​ពូ​ល G ដែលជា​ក្រុម​គេ​តែងតែ​រក​គ្រាប់​បាល់​បាន​ពេល​ប្រកួត​ជាមួយ​នៅ​លី​គ​កំពូល​កម្ពុជា គ្រា​ដែល​រូបគេ​ជា​កីឡាករ​របស់​ព្រះខ័ន​រាជ​ស្វាយរៀង ។​

យ៉ាងណាមិញមុនការប្រកួតមកដល់ Jean Marie Privat Befolo Mbarga បានរំឮកទៅដល់កាលពីពេលដែលគេលេងឱ្យព្រះខ័នរាជស្វាយរៀង ហើយ​ប្រកួត​តទល់​ជាមួយ​ក្លិប​បច្ចុប្បន្ន​របស់ខ្លួន Bali United ក្នុង​ពានរង្វាន់​ដដែល​នេះ នៅពេលដែល​ជួយ​ឱ្យ​យកឈ្នះ ២-១ នៅ​ពហុ​កីឡដ្ឋាន​ជាតិ រាជធានី​ភ្នំពេញ​កម្ពុជា កាលពី​ថ្ងៃទី ​២៥ ខែកុម្ភៈ ឆ្នាំ​ ២០២០​។​

Privat បាន​រំ​ឮ​ក​ដូច្នេះ​ថា​៖ «​វា​ជា​ពេលវេលា​ដ៏​ល្អ​បំផុត គឺ​នៅពេលដែល​យើង​ជួប​ជាមួយ​ក្រុម Bali United ហើយ​យើង​ឈ្នះ​ការប្រកួត​ដំបូង​។ វា​ជា​ពេលវេលា​ដ៏​ល្អ​បំផុត ពីព្រោះ​យើង​មិន​រំពឹងថា​នឹង​ឈ្នះ​ការប្រកួត​នោះទេ​។ យើង​បាន​ខិតខំ​ប្រឹងប្រែង និង​ឈ្នះ​ការប្រកួត​។ យើង​សប្បាយចិត្ត​ខ្លាំងណាស់​នៅពេលនោះ​។​»

«​ពិតណាស់ វា​ជា​ពេលវេលា​ដែល​មិនអាច​បំភ្លេចបាន ព្រោះ​យើង​ឈ្នះ​ការប្រកួត​ដំបូង​។ Bali United គឺជា​ក្រុម​ល្អ និង​ខ្លាំង​។ ពេល​យើង​ជួប​ពួកគេ យើង​មិន​គិតដល់​ថា​មាន​គ្រាប់​បាល់​នោះទេ ហើយ​យើង​ក៏​ធ្វើបាន​ជោគជ័យ (​ឈ្នះ​)​។ យើង​ប្រឹងប្រែង និង​អាច​សម្រេចបាន (​ជ័យជម្នះ​) ជាមួយគ្នា​។ យើង​រីករាយ​ណាស់​ដែល​បានឈ្នះ​ការប្រកួត​នោះ​។​» នៅពេលនោះ Privat ធ្វើបាន​យ៉ាង​ល្អ​ជាមួយនឹង​ការ​ស៊ុត​បាល់​បញ្ចូល​ទី ១ ​គ្រាប់ និង Assist ១ ​គ្រាប់​ដែល​បាន​ជួយ​ក្លិប​ឈ្នះ​។

​បញ្ជាក់ថា ល្ងាច​នេះ Bali United នឹង​ជួប វិសាខា សម្រាប់​ការប្រកួត​ពានរង្វាន់ AFC Cup 2022 នា​វេលា​ម៉ោង ​៥ ល្ងាច​នេះ នៅ​ទឹកដី​ប្រទេស​ឥណ្ឌូណេស៊ី​៕

​អត្ថបទ​៖ មន្នី​រ័ត្ន​​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៨ នាទីutes មុន

ពលរដ្ឋកម្ពុជាថ្កោលទោសអាចារ្យហ្វី និងក្រុមជ្រុលនិយមនៅក្រៅប្រទេសដែលប្រើប្រាស់ភាសាអសុរោះ និងជេរប្រមាថថ្នាក់ដឹកនាំរាជរដ្ឋាភិបាល

ព័ត៌មានជាតិ១ ម៉ោង មុន

ក្នុងមួយឆ្នាំ២០២៤ ការ​ដឹក​ជញ្ជូន​សំរាម​យក​ទៅ​ចាក់ និង​ដុតកម្ទេចចោល​នៅ​ទីលានចាក់សំរាម​ដង្កោចំនួន ១.២៤៨.៣៩១,៨១តោន

សន្តិសុខសង្គម២ ម៉ោង មុន

លោក ជួន ណារិន្ទ ព្រមានលុបឈ្មោះមន្ត្រីនគរបាលចរាចរណ៍ដែលអនុវត្តល្មើសវិន័យ

ព័ត៌មានអន្ដរជាតិ២ ម៉ោង មុន

ទ្រព្យសម្បត្តិមហាសេដ្ឋីពិភពលោក កើនដល់ ១៥ ទ្រីលាន​ដុល្លារ​ក្នុងឆ្នាំ ២០២៤

ព័ត៌មានជាតិ២ ម៉ោង មុន

ការស្រាវជ្រាវនៅឧទ្យានជាតិ​វីរៈជ័យ ប្រទះ​រកឃើញ​ឈ្លូសយក្ស ប្រភេទសត្វ​ជិតផុតពូជនៅ​កម្ពុជា

Sokha Hotels

ព័ត៌មានពេញនិយម