កីឡា
គ្រូជម្រើសជាតិហ្វូតសាលកម្ពុជា៖ «ពានរង្វាន់បាល់ទាត់ក្នុងសាល មានភាពរីកចម្រើន តែក៏នៅមានចំណុចខ្វះខាត»
ពានរង្វាន់បាល់ទាត់ក្នុងសាលកម្ពុជាឆ្នាំ ២០២១ បានបញ្ចប់ការប្រកួតជាផ្លូវការហើយ នាយប់ថ្ងៃទី២៦ ខែមិថុនា ដោយក្រុម ឌឺប្លូរវើរីស (The Blue Warriors) បានក្លាយជាក្រុមជើងឯក បន្ទាប់ពីចំណាយពេលប្រកួតជិត ៤ ខែរួចមក។
ការប្រកួតពានរង្វាន់ដដែលនេះ បានបែងចែកចេញជា ៣ ដំណាក់កាល នឹងទម្រាំរកឃើញជើងឯក គឺក្រុមឌឺប្លូរវើរីស (The Blue Warriors) បានយកឈ្នះ ឪម៉ាល់ ដោយលទ្ធផលប្រផិតប្រផើយ ៤-៣ នៅវគ្គផ្ដាច់ព្រ័ត្រ។
ជាមួយនឹងការប្រកួតស្វិតស្វាញបែបនេះ លោក ចេត ច័ន្ទរចនា គ្រូបង្វឹកនៃក្រុមជម្រើសជាតិហ្វូតសាលកម្ពុជា បានលើកឡើងថា មានភាពរីកចម្រើនជាងមុន ប៉ុន្តែទន្ទឹមនឹងនោះក៏មានចំណុចខ្វះខាតផងដែរ ជាពិសេសពាក់ព័ន្ធនឹងការរៀបចំ។ «សម្រាប់ការប្រកួតហ្វូតសាលខាប់យើងមើលឃើញថាល្អ យើងឃើញការរៀបចំវាមានចម្រាញ់តាំងពីវគ្គដំបូង រហូតដល់មានក្រុមឈរចាំ ហើយបានខ្វែងក្រុមលេខ ៤ ជួបលេខ ៣ ឡើងមក វាជាការប្រកួតប្រជែងដែលអាចនិយាយបានថាល្អ។» សម្ដីរបស់ លោក ចេត ច័ន្ទរចនា។
«ប៉ុន្តែទន្ទឹមនឹងការល្អ ក៏មិនមែនមានគ្រប់ចំណុចដែរ ដូចយើងឃើញជាក់ស្ដែងទីលានយើងអត់ដូចទីលានដែលយើងប្រកួតនៅស្រុកគេ ហើយការប្រកួតដល់វគ្គសំខាន់យើងអត់មានលទ្ធភាពចំណាយលើ VAR យើងឃើញថា ត្រូវការសុក្រឹតខ្លាំង។ យ៉ាងណាមិញ សម្រាប់ការអភិវឌ្ឍន៍យើងឃើញមានសម្ទុះ មានការរីកចម្រើនជាមួយវិស័យនេះបានច្រើនផ្នែកដែរ។» គ្រូបង្វឹកដដែលរូបនេះបានបន្ថែម។
និយាយអំពីក្រុមឱម៉ាល់ ដែលគេទទួលស្គាល់ថា រងជើងឯកច្រើនជាងគេនោះ លោក ចេត ច័ន្ទរចនា បានលើកឡើងថា៖ «ទម្រង់លេងរបស់ឱម៉ាល់ គាត់ឡើងជើងខ្លាំងឆ្នាំនេះ អត់ដូចកន្លងមកដែលវគ្គផ្ដាច់ព្រ័ត្រគ្រាប់បាល់ដាច់ តែឆ្នាំនេះគ្រាប់បាល់កៀកគ្នា តឹងមែនទែន វាបូកផ្សំជាមួយសំណាង និងមិនសំណាង ដូចគាត់ទាត់បុកបង្គោលទី ៣ គ្រាប់ចុងក្រោយជាដើម។ យើងអាចនិយាយបានថា ដោយសារទីលានដែរ ដល់ពេលអ៊ីចឹងការលេងរបស់ក្រុមនីមួយៗគាត់លេងដោយប្រុងប្រយ័ត្ន។»
សូមបញ្ជាក់ថា តាមគម្រោងក្រុមជើងឯកពានរង្វាន់បាល់ទាត់ក្នុងសាលកម្ពុជា ឆ្នាំ ២០២១ (ដែលលើកមកលេងក្នុងឆ្នាំ ២០២២) នេះ នឹងតំណាងកម្ពុជា ចូលរួមប្រកួតពានរង្វាន់ក្លិបបាល់ទាត់ហ្វូតសាលអាស៊ីអាគ្នេយ៍ (AFF Futsal Club Championship 2022) គ្រោងធ្វើនៅប្រទេសថៃ ពីថ្ងៃទី ២២-២៨ ខែសីហា ឆ្នាំ ២០២២ ខាងមុខ ប៉ុន្តែកំពុងរង់ចាំការសម្រេចជាផ្លូវការពីសហព័ន្ធកីឡាបាល់ទាត់ប្រចាំតំបន់អាស៊ាន ក៏ដូចជាសហព័ន្ធកីឡាបាល់ទាត់កម្ពុជា ដូចគ្នាផងដែរ៕
អត្ថបទ៖ មន្នីរ័ត្ន
ភ្លៀងមួយមេធំ លាយឡំនឹងខ្យល់កន្ត្រាក់ បណ្ដាលឱ្យរលំដើមឈើសង្កត់លើរថយន្តមួយគ្រឿង
ក្រសួងការងារ ៖ សមភាពរវាងបុរស និងស្ត្រី ជាកិច្ចការស្នូលគោលនយោបាយរាជរដ្ឋាភិបាលកម្ពុជា
សម្តេចតេជោ ហ៊ុន សែន “អត់ធ្មត់ អត់ធ្មត់ និងអត់ធ្មត់ នេះជាមេរៀនរបស់ខ្ញុំ ក្នុងវ័យ៣៧ ឆ្នាំ”
បុណ្យសពលោក ប៉ែន ច័ន្ទសិទ្ធ រៀបចំធ្វើនៅ វត្តតាំងក្រសាំងខាងជើង រាជធានីភ្នំពេញ
ថៃ ពិចារណាសង់ជញ្ជាំងព្រំដែនប្រវែងជាង៥០គីឡូម៉ែត្រជាមួយកម្ពុជា
ភ្លៀងមួយមេធំ លាយឡំនឹងខ្យល់កន្ត្រាក់ បណ្ដាលឱ្យរលំដើមឈើសង្កត់លើរថយន្តមួយគ្រឿង
តារាប្រុសល្បីឈ្មោះក្នុងវិស័យថតស្ពតពាណិជ្ជកម្ម ប៉ែន ចាន់សិទ្ធ ទទួលមរណភាពដោយរាគាពាធ
បុរសម្នាក់ ស្លាប់ភ្លាមៗ ខណៈជិះម៉ូតូឆ្លងផ្លូវត្រូវរថយន្ត ១ គ្រឿង បុកពេញទំហឹង
ពលរដ្ឋចោទជនជាតិចិនមួយក្រុមនៅក្រុមហ៊ុនចម្ការចេកខេត្តក្រចេះ បាញ់សត្វគោក្របីអ្នកស្រុកលេីកដាក់ឡានយ៉ាងអានាធិបតេយ្យ
រុស្ស៊ី បាញ់មីស៊ីលពន្លិចកប៉ាល់ដឹកទំនិញមួយគ្រឿង សង្ស័យដឹកអាវុធអង់គ្លេស យកទៅឲ្យអ៊ុយក្រែន
-
ព័ត៌មានអន្ដរជាតិ៦ ថ្ងៃ agoរថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
ព័ត៌មានជាតិ៥ ថ្ងៃ agoកូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម៧ ថ្ងៃ agoបង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
សន្តិសុខសង្គម២ ម៉ោង agoភ្លៀងមួយមេធំ លាយឡំនឹងខ្យល់កន្ត្រាក់ បណ្ដាលឱ្យរលំដើមឈើសង្កត់លើរថយន្តមួយគ្រឿង
-
ជីវិតកម្សាន្ដ៧ ម៉ោង agoតារាប្រុសល្បីឈ្មោះក្នុងវិស័យថតស្ពតពាណិជ្ជកម្ម ប៉ែន ចាន់សិទ្ធ ទទួលមរណភាពដោយរាគាពាធ
-
ព័ត៌មានអន្ដរជាតិ១ សប្តាហ៍ agoហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត
-
សន្តិសុខសង្គម៣ ថ្ងៃ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានជាតិ៦ ថ្ងៃ agoឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ