កីឡា
គ្រូជំនួយ ខាន់ កាត់៖ «U-19 កម្ពុជា មិនអាចរៀបចំក្រុមឲ្យបានល្អដូចការរំពឹងទុកនោះទេ»
លោក ខាន់ កាត់ គ្រូជំនួយនៃក្រុមបាល់ទាត់ជម្រើសជាតិកម្ពុជា អាយុក្រោម ១៩ឆ្នាំ បានលើកឡើងថា «U-19 កម្ពុជា មិនអាចរៀបចំក្រុមឲ្យបានល្អដូចការរំពឹងទុកនោះទេ»។
និយាយដូច្នេះគឺនៅក្នុងសន្និសីទសារព័ត៌មានមុនការប្រកួតពានរង្វាន់ជើងឯកយុវជនអាយុក្រោម ១៩ឆ្នាំអាស៊ាន (AFF U-19 Boys Championship 2022) ដែលគ្រោងចាប់ផ្ដើមនៅថ្ងៃទី០២ ខែកក្កដា ស្អែកនេះ។
តំណាងឲ្យគ្រូបង្គោល Koji Gyotoku គ្រូជំនួយវ័យក្មេង លោក ខាន់ កាត់ បាននិយាយដូច្នេះថា «យើងមិនអាចរៀបចំក្រុមឲ្យបានល្អដូចការរំពឹងទុកនោះទេ។ ប៉ុន្តែយើងនឹងធ្វើឱ្យអស់ពីសមត្ថភាពជាមួយនឹងកីឡាករដែលយើងមាន។ យើងនឹងខិតខំឲ្យខ្លាំងដើម្បីទទួលបានលទ្ធផលសម្រាប់ក្រុម និងប្រទេស។»
និយាយដូចនេះ គឺដោយសារកីឡាករសំខាន់ៗមួយចំនួនធំ ពុំត្រូវបានកោះហៅចូលក្រុមឡើយ ដោយសារជាប់លេងឱ្យក្លិបរបស់គេរៀងៗខ្លួន ក្នុងពានរង្វាន់បាល់ទាត់ក្នុងស្រុក។
ងាកមកគ្រូបង្គោល U19 សិង្ហបុរី លោក Muhammad Fadzuhasny Juraimi បានលើកឡើងថា «កីឡាករវ័យក្មេងក្នុងប្រភេទអាយុនេះ ត្រូវការការប្រកួតដូច្នេះ។ យើងកំពុងធ្វើការឆ្ពោះទៅរកគោលដៅជាក់លាក់មួយទាក់ទងនឹងទម្រង់លេងរបស់យើង។ ប្រាកដណាស់ វាជាពូលដ៏លំបាកមួយ ប៉ុន្តែយើងមានបំណងធ្វើអ្វីដែលយើងបានអនុវត្តក្នុងពេលហ្វឹកហាត់។»
លោក Michael Weiss គ្រូបង្គោល U19 ឡាវ បាននិយាយផងដែរថា៖ «នេះជាការប្រកួតដ៏មានតម្លៃ សម្រាប់កីឡាករក្នុងក្រុមអាយុនេះ។ ហើយប្រាកដណាស់ យើងពេញចិត្តដែល AFF បានរៀបចំការប្រកួតជើងឯកនេះ។ យើងមិនមានការរៀបចំច្រើនទេ ដោយសារកីឡាករភាគច្រើននៅតែលេងក្នុងលីគ។ យើងទន្ទឹងរង់ចាំការបង្ហាញនូវអ្វីដែលយើងអាចធ្វើបាន ទោះបីជាយើងខ្វះភាពស៊ីជម្រៅនៅក្នុងក្រុមក៏ដោយ។»
«យើងអរគុណ AFF សម្រាប់ការប្រកួតនេះ។ គោលដៅសម្រាប់ក្រុមទាំងអស់នៅទីនេះគឺធ្វើឲ្យបានល្អក្នុងវគ្គជម្រុះ AFC នៅក្នុងខែកញ្ញាខាងមុខ។ យើងមិនមានការរៀបចំរយៈពេលយូរនោះទេ ដែលយើងយកកីឡាករភាគច្រើនមកពីលីគកម្រិតទាប។ យើងថែមទាំងមានកីឡាករខ្លះអាយុ ១៧ឆ្នាំមួយចំនួននៅក្នុងក្រុមទៀតផង។» សម្ដីរបស់ លោក Hasaan Sazali Waras គ្រូបង្គោល U19 ម៉ាឡេស៊ី។
ដោយឡែកគ្រូបង្គោល U19 ទីម័រខាងកើត លោក Eduardo Pereira បានឱ្យដឹងថា៖ «យើងបានប្រឈមមុខនឹងលក្ខខណ្ឌមិនអំណោយផលមួយចំនួនក្នុងការរៀបចំសម្រាប់ការប្រកួតនេះ។ ប្រាកដណាស់ យើងមិនមានការរៀបចំល្អបំផុតនោះទេ ប៉ុន្តែយើងនឹងបង្ហាញទម្រង់លេងដ៏ល្អបំផុតតាមដែលអាចធ្វើទៅបានក្នុងពូលដ៏លំបាកនេះ។»
សូមបញ្ជាក់ថា U19 កម្ពុជា ចាប់ផ្ដើមប្រកួតដំបូងនៅថ្ងៃទី០៣ ខែកក្កដា ឆ្នាំ២០២២ ដោយនឹងត្រូវជួប U19 សិង្ហបុរី។ ប្រកួតទី២ U19 កម្ពុជា ត្រូវជួប U19 ម៉ាឡេស៊ី នៅថ្ងៃទី០៥ ខែកក្កដា បន្ទាប់មកប្រកួតទី៣ ជួប U19 ឡាវ នៅថ្ងៃទី០៧ ខែកក្កដា ខណៈថ្ងៃទី០៩ ខែកក្កដា កម្ពុជា សម្រាកពុំមានការប្រកួត និងប្រកួតចុងក្រោយថ្ងៃទី១១ ខែកក្កដា ជួប U19 ទីម័រខាងកើត៕
អត្ថបទ ៖ មន្នីរ័ត្ន
ខេត្តបន្ទាយមានជ័យ និងក្រសួងសន្តិសុខសាធារណៈចិន សន្យាសហការគ្នាបំបែកទីតាំងឧក្រិដ្ឋកម្ម និងអំពើឆបោកឱ្យអស់
ភ្លៀងមួយមេធំ លាយឡំនឹងខ្យល់កន្ត្រាក់ បណ្ដាលឱ្យរលំដើមឈើសង្កត់លើរថយន្តមួយគ្រឿង
ក្រសួងការងារ ៖ សមភាពរវាងបុរស និងស្ត្រី ជាកិច្ចការស្នូលគោលនយោបាយរាជរដ្ឋាភិបាលកម្ពុជា
សម្តេចតេជោ ហ៊ុន សែន “អត់ធ្មត់ អត់ធ្មត់ និងអត់ធ្មត់ នេះជាមេរៀនរបស់ខ្ញុំ ក្នុងវ័យ៣៧ ឆ្នាំ”
បុណ្យសពលោក ប៉ែន ច័ន្ទសិទ្ធ រៀបចំធ្វើនៅ វត្តតាំងក្រសាំងខាងជើង រាជធានីភ្នំពេញ
ភ្លៀងមួយមេធំ លាយឡំនឹងខ្យល់កន្ត្រាក់ បណ្ដាលឱ្យរលំដើមឈើសង្កត់លើរថយន្តមួយគ្រឿង
តារាប្រុសល្បីឈ្មោះក្នុងវិស័យថតស្ពតពាណិជ្ជកម្ម ប៉ែន ចាន់សិទ្ធ ទទួលមរណភាពដោយរាគាពាធ
បុរសម្នាក់ ស្លាប់ភ្លាមៗ ខណៈជិះម៉ូតូឆ្លងផ្លូវត្រូវរថយន្ត ១ គ្រឿង បុកពេញទំហឹង
ពលរដ្ឋចោទជនជាតិចិនមួយក្រុមនៅក្រុមហ៊ុនចម្ការចេកខេត្តក្រចេះ បាញ់សត្វគោក្របីអ្នកស្រុកលេីកដាក់ឡានយ៉ាងអានាធិបតេយ្យ
រុស្ស៊ី បាញ់មីស៊ីលពន្លិចកប៉ាល់ដឹកទំនិញមួយគ្រឿង សង្ស័យដឹកអាវុធអង់គ្លេស យកទៅឲ្យអ៊ុយក្រែន
-
ព័ត៌មានអន្ដរជាតិ៦ ថ្ងៃ agoរថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
ព័ត៌មានជាតិ៥ ថ្ងៃ agoកូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម៧ ថ្ងៃ agoបង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
សន្តិសុខសង្គម២ ម៉ោង agoភ្លៀងមួយមេធំ លាយឡំនឹងខ្យល់កន្ត្រាក់ បណ្ដាលឱ្យរលំដើមឈើសង្កត់លើរថយន្តមួយគ្រឿង
-
ជីវិតកម្សាន្ដ៧ ម៉ោង agoតារាប្រុសល្បីឈ្មោះក្នុងវិស័យថតស្ពតពាណិជ្ជកម្ម ប៉ែន ចាន់សិទ្ធ ទទួលមរណភាពដោយរាគាពាធ
-
ព័ត៌មានអន្ដរជាតិ១ សប្តាហ៍ agoហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត
-
សន្តិសុខសង្គម៣ ថ្ងៃ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានជាតិ៦ ថ្ងៃ agoឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ