កីឡា

Ronaldo មិនទាន់ចូលហ្វឹកហាត់ជាមួយ Man United ដោយសារហេតុផលគ្រួសារ ខណៈកំពុងផ្ទុះរឿងចង់ចាកចេញពីក្លិប

បានផុស

៣ years មុន

នៅ

ថ្ងៃអង្គារ ៥ កក្កដា ២០២២

ដោយ

Cristiano Ronaldo នឹងមិនហ្វឹកហាត់ជាមួយ Manchester United នៅថ្ងៃច័ន្ទនេះទេ បន្ទាប់ពីក្លិបបានអនុញ្ញាតឱ្យរូបគេពន្យារពេលការវិលត្រឡប់ ដោយសារតែហេតុផលគ្រួសារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករដែលជាប់ជម្រើសជាតិរបស់ Man Utd នឹងត្រូវឱ្យត្រលប់មកជំរំហ្វឹកហាត់ Carrington យឺតជាង ១ សប្ដាហ៍ បន្ទាប់ពីត្រូវបានផ្តល់ការសម្រាកបន្ថែមមួយសប្តាហ៍ដោយអ្នកចាត់ការ Erik ten Hag ក្រោយពីបានចូលរួមក្នុងការប្រកួតសម្រាប់ប្រទេសរបស់ពួកគេក្នុងខែមិថុនា កន្លងទៅ។ ទោះជាយ៉ាងណាក៏ដោយ Ronaldo ត្រូវបានអនុញ្ញាតឱ្យសម្រាកបន្ថែមទៀត។ ក្រុមនេះគ្រោងនឹងចេញដំណើរទៅប្រកួតដំបូងនៅប្រទេសថៃ និងអូស្ត្រាលីនៅថ្ងៃសុក្រ នេះ។

ព័ត៌មាននេះកើតឡើងបន្ទាប់ពីប្រភពបាននិយាយថា កីឡាករវ័យ ៣៧ ឆ្នាំរូបនេះ បានជូនដំណឹងដល់ម្ចាស់ក្លិបថា គេចង់ចាកចេញពីក្លិបនៅរដូវក្តៅនេះ។ Ronaldo ដែលស៊ុតបាន ២៤ គ្រាប់ កាលពីរដូវកាលមុន មានបំណងចង់លេងនៅក្របខ័ណ្ឌ Champions League ហើយគេក៏មានការសង្ស័យអំពីឆន្ទៈរបស់ United ក្នុងការប្រជែងយកពានរង្វាន់កំពូលរដូវកាលនេះ។

ប្រភពបានបង្ហើបទៀតថា Chelsea, Bayern Munich និង Napoli ស្ថិតក្នុងចំណោមក្លិបដែលចាប់អារម្មណ៍។ យ៉ាងណាមិញ Man United បានបញ្ជាក់ថា Ronaldo មិនអាចសម្រាប់ដោះដូរទេ ហើយថាពួកគេ “ចង់ និងរំពឹង” Ronaldo នឹងជាផ្នែកមួយនៃក្រុមរបស់ លោក Ten Hag នៅរដូវកាលក្រោយ៕

ប្រភព៖ espn

អត្ថបទ៖ មន្នីរ័ត្ន

Related Topics:កីឡាបាល់ទាត់