កីឡា

U-19 កម្ពុជា ចាញ់ U-19 ម៉ាឡេស៊ី ប្រកួតទី២ ពាន AFF U-19 Championship

បានផុស

២ years មុន

នៅ

ថ្ងៃអង្គារ ៥ កក្កដា ២០២២

ដោយ

ក្រុម U-19 កម្ពុជា បានប្រកួតចាញ់ U-19 ម៉ាឡេស៊ី ក្នុងជំនួបទី២ ពូល B នៃពានរង្វាន់ជើងឯកយុវជនអាយុក្រោម ១៩ឆ្នាំអាស៊ាន (AFF U-19 Boys Championship 2022) លទ្ធផល ១-២ នារសៀលថ្ងៃទី០៥ ខែកក្កដា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតចាប់ផ្ដើមនៅវេលាម៉ោង ៣និង០០នាទីគត់ កែចេញដោយ U-19 កម្ពុជា បានព្យាយាមលេងស្រដៀងទៅនឹងការប្រកួតជាមួយ U-19 សិង្ហបុរី ជាមួយការគ្រប់គ្រងបាល់នៅប្រមាន ១០នាទីដំបូង។ ក្រោយមកទៀតម៉ាឡេស៊ី បានចាប់ផ្ដើមបង្ហាញភាពខ្លាំងរបស់ខ្លួន និងព្យាយាមរហូតអាចរកគ្រាប់បាល់បានសម្រេចដោយកីឡាករ Najmudin Akmal នៅនាទី១៣។ ក្រោយមកទៀតកម្ពុជា ក៏បានព្យាយាមរកគ្រាប់បាល់មកវិញផងដែរជាមួយឱកាសទាត់ល្អៗនៅនាទី១៤ និងនាទី២៧ ប៉ុន្តែធ្វើមិនបានសម្រេច ហើយបែរជាត្រូវបានម៉ាឡេស៊ី បន្ថែមគ្រាប់បាល់ទី២ បានសម្រេចដោយកីឡាករ Haiqal Haqeemi Hairi នៅនាទី៣០ ជាមួយការទាត់ដ៏ល្អ។ នាទីដែលសេសសល់គឺកម្ពុជា មានឱកាសទាត់ទីច្រើនប៉ុន្តែបានត្រឹមត្រូវបានសង្គ្រោះដោយអ្នកចាំទី និងមាន ១គ្រាប់ទៀតចូលទីផងដែរ តែជាបាល់ Offside ហើយក៏បានរក្សាលទ្ធផល ០-២ ដល់ចប់វគ្គទី១។

ចូលដល់វគ្គទី២ កម្ពុជា ហាក់ធ្វើបានល្អមកវិញ ដោយព្យាយាមជាមួយឱកាសមួយចំនួន រហូតដល់នាទី៥៦ កីឡាករ ចាន់ វិបុលដេវីត បានរកគ្រាប់ទី១ ឱ្យកម្ពុជាតាមពីក្រោយបានសម្រេច បង្កើនទំនុកចិត្ត។ ក្រោយមកទៀតកម្ពុជា មានឱកាសកាន់តែច្រើនទៅៗ ប៉ុន្តែនៅតែពុំអាចធ្វើបានសម្រេច រហូតដល់លទ្ធផលបញ្ចប់ចុងក្រោយ កម្ពុជា ចាញ់ ម៉ាឡេស៊ី ១-២។ ប្រកួតបន្ទាប់របស់ U-19 កម្ពុជា ត្រូវជួប U-19 ឡាវ នៅថ្ងៃទី០៧ ខែកក្កដា ខាងមុខ៕

អត្ថបទ ៖ មន្នីរ័ត្ន