កីឡា

លោក Conor និយាយពីចំណុចគ្រោះថ្នាក់របស់បឹងកេតមុនប៉ះគ្នាថ្ងៃស្អែក

បានផុស

២ years មុន

នៅ

ថ្ងៃសុក្រ ៨ កក្កដា ២០២២

ដោយ

ក្លឹបព្រះខ័នរាជស្វាយរៀងនឹងក្លាយជាភ្ញៀវទៅសួរសុខទុក្ខក្លឹបបឹងកេតវេលាម៉ោង៣:៤៥នាទីរសៀល ថ្ងៃសៅរ៍ ទី៩ ខែកក្កដា ឆ្នាំ២០២២នេះនៅផ្ទះរបស់បឹងកេតក្នុងរាជធានីភ្នំពេញសម្រាប់ការប្រកួតសប្តាហ៍ទី១០ ជម្រើសជើងឯក ខេមបូឌានព្រីមៀរលីគ។

លោក Conor Nester ពេលបញ្ជាកូនក្រុមហ្វឹកហាត់

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មុនការប្រកួតនៅថ្ងៃស្អែក លោក Conor Nester គ្រូបង្វឹកព្រះខ័នរាជស្វាយរៀង បានធ្វើការប្រៀបធៀបពីទម្រង់លេងរបស់ភ្នំពេញក្រោនជាមួយបឹងកេត។ គ្រូបង្វឹកសញ្ជាតិអៀរឡង់រូបនេះបានលើកឡើថា ៖«ភ្នំពេញក្រោនជាក្រុមដែលលេងដើម្បីគ្រប់គ្រងបាល់បានច្រើនយ៉ាងល្អ។ ក្រុមរបស់យើងបានយកឈ្នះដោយសារតែការលេងទម្រង់វាយបកប៉ុណ្ណោះ»។

លោក Conor Nester បន្តថា ៖«ចំពោះក្រុមបឹងកេតវិញពូកែលេងទម្រង់វាយបក។ ជាពិសេសខ្សែប្រយុទ្ធជួរមុខ ម៉ាត់ ណូរ៉ុន និង សៀង ចន្ធា។ ពួកគេគ្រោះថ្នាក់ខ្លាំងណាស់ ដូច្នេះក្រុមរបស់យើងត្រូវតែប្រុងប្រយ័ត្នមែនទែននៅពេលជួបដៃគូដែលមានគុណភាពបែបនេះ»។

កីឡាករ Marcus Haber តែតបញ្ចូលទីភ្នំពេញក្រោន

កាលពីសប្តាហ៍ទី៩ ថ្ងៃទី៥ ខែកក្កដាកន្លងទៅនេះ ព្រះខ័នរាជស្វាយរៀង បានយកឈ្នះភ្នំពេញក្រោននៅចុងម៉ោងដោយលទ្ធផល ១-០ នៅក្នុងផ្ទះរបស់ខ្លួនដើម្បី បន្តកំណត់ត្រាមិនដែលចាញ់ក្នុងពានរង្វាន់ខេមបូឌានព្រីមៀរលីគ ឆ្នាំ២០២២៕