កីឡា

លោក Conor ថា ប៉ះបឹងកេតថ្ងៃនេះលំបាកខ្លាំង តែនឹងប្រឹងយកឈ្នះឲ្យបាន

បានផុស

៣ years មុន

នៅ

ថ្ងៃសៅរ៍ ៩ កក្កដា ២០២២

ដោយ

លោក Conor Nester គ្រូបង្វឹកព្រះខ័នរាជស្វាយរៀងបានចាត់ទុកការជួបបឹងកេត វេលាម៉ោង៣:៤៥នាទីរសៀល ថ្ងៃនេះជាការលំបាកខ្លាំង ប៉ុន្តែនឹងរៀបចំកូនក្រុមឲ្យបានល្អបំផុតដើម្បីវិលត្រឡប់ទៅផ្ទះវិញជាមួយ៣ពិន្ទុសប្តាហ៍ទី១០ ជម្រើសជើងឯក ខេមបូឌានព្រីមៀរលីគ ២០២២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានលើកឡើងថា ៖«ពិតណាស់ ការប្រកួតថ្ងៃនេះនឹងលំបាកខ្លាំងសម្រាប់ក្រុមយើង។ លេងនៅកីឡដ្ឋាន Cambodia Airways គឺតែងតែលំបាកខ្លាំងជានិច្ច។ យើងនឹងប្រឹងប្រែងឲ្យអស់ពីសមត្ថភាពដើម្បីយកឈ្នះពួកគេ»។

កាលពីសប្តាហ៍ទី៩ ព្រះខ័នរាជស្វាយរៀងបានយកឈ្នះភ្នំពេញក្រោនដោយលទ្ធផល ១-០ ខណៈភ្នំពេញក្រោនគ្រប់ដណ្តប់ខ្លាំង។ លោក Conor Nester យល់ឃើញថា ភ្នំពេញក្រោនជាក្រុមដែលលេងដើម្បីគ្រប់គ្រងបាល់បានច្រើនយ៉ាងល្អ។ ក្រុមរបស់លោកបានយកឈ្នះដោយសារតែការលេងទម្រង់វាយបកប៉ុណ្ណោះ។

លោកគ្រូបង្វឹកសញ្ជាតិអៀរឡង់រូបនេះបាននិយាយពីបឹងកេតថា ក្រុមនេះពូកែលេងទម្រង់វាយបក។ ជាពិសេសខ្សែប្រយុទ្ធជួរមុខ ម៉ាត់ ណូរ៉ុន និង សៀង ចន្ធា។ ពួកគេគ្រោះថ្នាក់ខ្លាំងណាស់ ដូច្នេះក្រុមរបស់លោកត្រូវតែប្រុងប្រយ័ត្នមែនទែននៅពេលជួបដៃគូដែលមានគុណភាពបែបនេះ។

ព្រះខ័នរាជស្វាយរៀងហ្វឹកហាត់ផ្លូវការនៅទឹកដីបឹងកេត

ព្រះខ័នរាជស្វាយរៀង បន្តកំណត់ត្រាមិនដែលចាញ់ក្នុងលីគកំពូលកម្ពុជា ៩ប្រកួតជាប់ៗគ្នាដោយកំពុងឈរលើកំពូលតារាងជាមួយនឹង ២៥ពិន្ទុ ដាច់ក្រុមលេខ២ បឹងកេត ដល់ទៅ៩ពិន្ទុ៕

អត្ថបទ៖ វីរបុត្រ