កីឡា

នារីកម្ពុជា ជ្រុះចេញពីពានបាល់ទាត់នារីអាស៊ាន ជាផ្លូវការក្រោយចាញ់មីយ៉ាន់ម៉ា

បានផុស

៣ years មុន

នៅ

ថ្ងៃសៅរ៍ ៩ កក្កដា ២០២២

ដោយ

ក្រុមបាល់ទាត់ជម្រើសជាតិកម្ពុជា បានជ្រុះចេញពីពានរង្វាន់ជើងឯកនារីអាស៊ាន (AFF Women’s Championship 2022) ជាផ្លូវការហើយក្រោយចាញ់ក្រុមជម្រើសជាតិនារីមីយ៉ាន់ម៉ា ក្នុងជំនួបទី៣ ពូល B ដោយលទ្ធផល ៣-០ នាល្ងាចថ្ងៃទី០៩ ខែកក្កដា នេះ។

ក្នុងការប្រកួតមីយ៉ាន់ម៉ា មានប្រៀបជាងកម្ពុជា ខ្លាំងដោយគ្រាន់តែចាប់ផ្ដើមការប្រកួតក៏អាចមានឱកាសទាត់ជាច្រើនលើកច្រើនសារហូតដល់ ៦ជើងក្នុងរយៈពេលប្រហែល ២០នាទី តែមិនទាន់អាចរកគ្រាប់បាល់បានសម្រេចឡើយ ។ លុះចូលដល់នាទី៣៤ កីឡាការិនី Khin Marlae Tun បានរកគ្រាប់នាំមុខឱ្យមីយ៉ាន់ម៉ា ហើយក៏បានរក្សាលទ្ធផល ១-០ ដល់ចប់វគ្គទី១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចូលដល់វគ្គទី២ មីយ៉ាន់ម៉ា នៅតែបង្ហាញភាពស្រេចឃ្លានគ្រាប់បាល់ ហើយក៏អាចទាត់បានសម្រេចនៅនាទី៦១ ដោយកីឡាការិនី Myat Noe Khin។ ការប្រកួតអូសបន្លាយដល់នាទី៨៧ ទើបគ្រាប់ទី៣ កើតឡើងសម្រាប់មីយ៉ាន់ម៉ា ផ្ដាច់ជ័យជម្នះ ៣-០ លើកម្ពុជា រហូតដល់លទ្ធផលបញ្ចប់ចុងក្រោយ។

ដូច្នេះលទ្ធផលចាញ់នេះធ្វើឱ្យនារីកម្ពុជា ឈរនៅលេខ៤ បណ្ដោះអាសន្នប៉ុន្តែអស់ឱកាសឡើងវគ្គបន្តហើយ ក្រោយរកបានតែ១ពិន្ទុពីការប្រកួត។ ដោយឡែកប្រកួតបន្ទាប់របស់ កម្ពុជា ត្រូវជួបក្រុមនារីទីម័រខាងកើត ដែលគេរំពឹងថាអាចរក ៣ពិន្ទុបានពីការប្រកួតនេះ នៅថ្ងៃទី១៣ ខែកក្កដា ខាងមុខ៕

អត្ថបទ ៖ មន្នីរ័ត្ន