កីឡា

សម្តេចតេជោ ហ៊ុន សែន ស្នើក្រសួងអប់រំពិនិត្យពន្យារពេលវិស្សមកាលដើម្បីសិស្សនិស្សិតចូលរួមស៊ីហ្គេម២០២៣

បានផុស

៣ years មុន

នៅ

ថ្ងៃចន្ទ ១១ កក្កដា ២០២២

ដោយ

សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានស្នើឲ្យក្រសួងអប់រំ យុវជន និងកីឡាពិនិត្យមើលលទ្ធភាពនៃវិស្សមកាលតូចដើម្បីផ្តល់ឲ្យឱកាសសិស្សានុសិស្ស និស្សិត អាចចូលរួមការងារស្ម័គ្រចិត្តក្នុងការរៀបចំប្រកួតកីឡាស៊ីហ្គេម លើកទី៣២ ដែលប្រទេសកម្ពុជាធ្វើជាម្ចាស់ផ្ទះនាខែឧសភា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការថ្លែងបែនេះនៅពេលដែលសម្ដេចតេជោ ហ៊ុន សែន អញ្ជើញជាអធិបតីភាពនៅក្នុងកិច្ចប្រជុំ ដើម្បីពិភាក្សាលើកិច្ចការនានា ត្រៀមឆ្ពោះទៅរកការប្រកួតអាស៊ានប៉ារ៉ាហ្គេម និងស៊ីហ្គេម ដែលកម្ពុជាធ្វើជាម្ចាស់ផ្ទះនៅឆ្នាំ ២០២៣។

សម្តេចតេជោ ហ៊ុន សែន មានប្រសាសន៍ថា ៖«ខ្ញុំសូមស្នើក្រសួងអប់រំ យុវជន និងកីឡាពិនិត្យលទ្ធភាពវិស្សមកាលតូចក្នុងអំឡុងពេលចូលឆ្នាំខ្មែរ ប្រពៃណីជាតិរហូតដល់ថ្ងៃទី១៨ ខែឧសភា ឆ្នាំ២០២៣ ដើម្បីផ្តល់ឱកាសឲ្យសិស្ស និស្សិត ចូលរួមបម្រើការងារស្ម័គ្រចិត្ត និងចូលរួមអបអរសាទរដល់កីឡាករ កីឡាការិនីជាតិ និងអន្តរជាតិ»។