កីឡា

ល្បុក្កតោ មានប្រទេស ៧ ចូលរួមប្រកួត ក្នុងព្រឹត្តិការណ៍កីឡាស៊ីហ្គេមកម្ពុជា ឆ្នាំ ២០២៣

បានផុស

៣ years មុន

នៅ

ថ្ងៃព្រហស្បតិ៍ ១៤ កក្កដា ២០២២

ដោយ

ប្រទេស ៧ ហើយ ត្រៀមចូលរួមប្រកួតកីឡាគុនល្បុក្កតោ ដែលត្រូវបានដាក់បញ្ចូលក្នុងចង្កោមនៃប្រភេទកីឡាយុទ្ធគុនចម្រុះ សម្រាប់ព្រឹត្តិការណ៍កីឡាស៊ីហ្គេម លើកទី ៣២ ឆ្នាំ ២០២៣ នៅកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការបញ្ជាក់ជូនរបស់ឯកឧត្តមអគ្គលេខាធិការនៃគណៈកម្មាធិការជាតិអូឡាំពិកកម្ពុជា និងជាអគ្គលេខាធិការនៃគណៈកម្មាធិការជាតិ CAMSOC វ៉ាត់ ចំរើន នៅក្រោយពេលបញ្ចប់កិច្ចពិភាក្សា និងចុះហត្ថលេខាជាមួយ តំណាងសមាគមកីឡាបញ្ចសិលាឥណ្ឌូនេស៊ី និងតំណាងស្ថានទូតឥណ្ឌូនេស៊ី ក្នុងការផ្លាស់ប្តូរការនៃហ្វឹកហាត់គុនល្បុក្កតោ និងបញ្ចលសិលា នៅទីស្នាក់ការគណៈកម្មាធិការជាតិអូឡាំពិកកម្ពុជា នៅថ្ងៃទី ១៤ ខែកក្កដា ឆ្នាំ ២០២២។

ឯកឧត្តម វ៉ាត់ ចំរើន បានបញ្ជាក់នៅលើ Cambodia2023.com ថា៖ «នេះជាអត្ថប្រយោជន៍ដ៏សំខាន់សម្រាប់កម្ពុជា ក្នុងការបញ្ជ្រាបក្បាច់គុនព្រលឹងជាតិមួយនេះទៅក្នុងប្រទេសឥណ្ឌូណេស៊ី ដែលឥណ្ឌូណេស៊ីនឹងបង្កើតឲ្យមានជាសហព័ន្ធកីឡាគុនល្បុក្កតោឥណ្ឌូនេស៊ី។ ឯកឧត្តមចាត់ទុកថា នេះក៏ជាការពង្រីកសក្តានុពលរបស់គុនល្បុក្កតោកម្ពុជាបន្ថែមទៀត ទៅកាន់តំបន់អាស៊ីអាគ្នេយ៍ ក្នុងការត្រៀមរៀបចំស៊ីហ្គេម ឆ្នាំ ២០២៣ ដោយពេលនេះមាន ៦ ទៅ ៧ ប្រទេសហើយ»។

គួររំឭកថា កាលពីបើកកិច្ចប្រជុំក្រុមប្រឹក្សាសហព័ន្ធកីឡាអាស៊ានប៉ារ៉ា និងក្រុមប្រឹក្សាសហព័ន្ធកីឡាអាស៊ីអាស៊ីអាគ្នេយ៍ កាលពីថ្ងៃទី ១១ ខែកក្កដា ឆ្នាំ ២០២២ សម្តេចតេជោ ហ៊ុន សែន ក៏បានក្រើនរំឭកម្តងទៀត ក្នុងការជំរុញឱ្យបានខ្លាំងថែមទៀត ចំពោះការអភិរក្សកម្រិតបច្ចេកទេសកីឡា ទាំងល្បុក្កតោខ្មែរ និងយុទ្ធគុនឥណ្ឌូនេស៊ីនេះ។

ល្បុក្កតោ នឹងស្ថិតនៅក្នុងចំណោមនៃប្រភេទកីឡាយុទ្ធគុនចម្រុះ ដែលមានកីឡាប្រពៃណីដល់ទៅ ៦ រួមមាន គុនល្បុក្កតោ, Arnis, ជឺជីតស៊ូ, ឃីកបុកសីង, យុទ្ធគុនចម្រុះកូរ៉េ ITF, វ៉ូវីណាម៕

អត្ថបទ៖ មន្នីរ័ត្ន