កីឡា

លោក Conor មានពាក្យច្រើននិយាយពីលទ្ធផលស្មើទ័ព ១-១ សប្តាហ៍ទី១១

បានផុស

៣ years មុន

នៅ

ថ្ងៃចន្ទ ១៨ កក្កដា ២០២២

ដោយ

ព្រះខ័នរាជស្វាយរៀងនៅតែរក្សាខ្លួនជាក្រុមដែលមិនទាន់ស្គាល់ពាក្យបរាជ័យគិតត្រឹមសប្តាហ៍ទី១១ នៃជម្រើសជើងឯកខេមបូឌាព្រីមៀរលីគ បន្ទាប់ពីស្មើជាមួយក្លឹប Tiffy Army FC ដោយលទ្ធផល ១-១ នៅក្នុងផ្ទះរបស់ខ្លួនកាលពីថ្ងៃសៅរ៍កន្លងទៅ។

សម្រាប់លទ្ធផលនេះ លោក Conor Nester គ្រូបង្វឹកព្រះខ័នរាជស្វាយរៀងមិនពេញឡើយ ហើយគួរតែទទួលបានលទ្ធផលល្អប្រសើរជាងនេះ ប៉ុន្តែលោកមានពាក្យពេចន៍ជាច្រើនដែលចង់និយាយជុំវិញការប្រកួតនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានលើកឡើងថា ៖«ខ្ញុំគិតថា យើងសំណាងមិនល្អតិចតួច។ យើងលេងមិនបានល្អទេសម្រាប់ការប្រកួតនេះ ក្នុងចំណោមប្រកួតដែលឈ្នះៗក្នុងរដូវកាលនេះ។ ក្រុមទ័ពគួរឲ្យសរសើសម្រាប់ទម្រង់លេងរបស់ពួកគេ»។

«មែនទែនទៅ យើងមានឥរិយាបថល្អវិញ ហើយគួរតែទទួលបានបាល់ប៉េណាល់ទី បន្ទាប់ពីយើងបានតាមស្មើ ពីព្រោះដៃរបស់ពិសិដ្ឋប៉ះបាល់នៅតំបន់គ្រោះថ្នាក់។ ប៉ុន្តែនេះជាបាល់ទាត់ ពេលខ្លះអ្វីមួយកើតឡើងដល់យើង ហើយពេលខ្លះក៏យើងត្រូវជម្នះពេលវេលាដ៏លំបាកដែរ»។ លោក Nonor Nester បានរៀបរាប់។

គ្រូបង្វឹកសញ្ជាតិអៀរឡង់បន្ថែមថា ៖«ពេលខ្លះបាល់ទាត់គឺបែបនេះឯងសម្រាប់ពួកយើងដែលយើងត្រូវតែបន្តប្រឹងប្រែងឲ្យខ្លាំងបន្ថែមទៀត ហើយផ្តោតលើការប្រកួតបន្ទាប់»។

គិតត្រឹមសប្តាហ៍ទី១១នៃលីគកំពូលកម្ពុជារដូវកាល២០២២ ព្រះខ័នរាជស្វាយរៀងនៅតែបន្តឈរលើកំពូលតារាងជាមួយនឹងពិន្ទុ២៩ បន្ទាប់ពីឈ្នះ៩ និងស្មើ២ដែលមិនទាន់ស្គាល់បរាជ័យម្តងណាឡើយ។ ជាមួយគ្នានេះ វិសាខា ឡើងទៅឈរចំណាត់ថ្នាក់លេខ២ជាមួយនឹងពិន្ទុ២២ពិន្ទុ ខណៈលេខ៣គឺណាហ្គាវើលដ៍មាន១៩ពិន្ទ៕