កីឡា
លោក Conor តបទៅវិញ ក្រោយគេចាត់ទុកព្រះខ័នរាជស្វាយរៀង ជាអធិរាជពានសម្តេចតេជោ
ព្រះខ័នរាជស្វាយរៀង នឹងត្រូវប្រកួតបើឆាករដូវកាលថ្មីរបស់ខ្លួន ក្នុងពានរង្វាន់ដែលគេទទួលបានជោគជ័យជាងគេបំផុត ពោលគឺពានរង្វាន់សម្តេចអគ្គមហាសេនាបតីតេជោ ហ៊ុន សែន ឆ្នាំ ២០២២។
ក្រុមមានមូលដ្ឋាននៅខេត្តស្វាយរៀងមួយនេះ នឹងឡើងទៅតតាំងជាមួយម្ចាស់ផ្ទះ សូលទីឡូអង្គរ នាកីឡដ្ឋានហនុមាន នៅវេលាម៉ោង ៣:៣០ នាទីរសៀល សម្រាប់ការប្រកួតជើងទី ១ វគ្គ ១៦ ក្រុមចុងក្រោយ ថ្នាក់ជាតិ។ ការប្រកួតនេះមានផ្សាយផ្ទាល់តាមរយៈស្ថានីយទូរទស្សន៍ BTV News ផងដែរ។
លោក Conor Nestor គ្រូបង្វឹករបស់ក្លិបព្រះខ័នរាជស្វាយរៀងបានលើកឡើងថា ក្រុមរបស់លោករៀបចំបានយ៉ាងល្អ ប៉ុន្តែក៏មានបញ្ហាកីឡាកររបួសដូចជាប្រធានក្រុម សឿយ វិសាល គ្រាដែល ប្រាក់ មុន្នីឧត្តម មិនទាន់ច្បាស់នៅឡើយ ដូច្នេះក្រុមនឹងរួមបញ្ចូលគ្នាសម្រាប់កីឡាករដែលបានលេងញឹកញាប់នៅលីគ និងកីឡាករដែលពុំសូវបានបង្ហាញខ្លួន។
ព្រះខ័នរាជស្វាយរៀង ត្រូវបានចាត់ទុកថា ជាក្រុមជោគជ័យជាងគេបំផុត ក្នុងពានរង្វាន់សម្តេចអគ្គមហាសេនាបតីតេជោ ហ៊ុន សែន ពោលគឺចាប់តាំងពីពាននេះបង្កើតឡើងមក គេធ្លាប់ឈ្នះជើងឯក ៤ ដង គឺ ២០១១, ២០១២, ២០១៥ និង ២០១៧ និងរងជើងឯក ៤ ដង ចាប់តាំងពីពានរង្វាន់បង្កើតឡើងដំបូងនៅឆ្នាំ ២០០៧។
ជុំវិញត្រូវបានគេចាត់ទុកថាជាក្រុមជោគជ័យជាងគេក្នុងពានរង្វាន់ដដែលនេះ លោក Conor Nestor បានឆ្លើយតបថា៖ «ប្រវត្តិសាស្ត្ររបស់ក្លិប គឺនៅត្រង់នេះ សម្រាប់ទាំងអស់គ្នាដើម្បីមើលឃើញ ហើយអ្នកដែលបានចូលរួមនៅក្នុងខណៈនោះគួរតែមានមោទកភាព។ ប៉ុន្តែពេលនេះ គឺជាក្រុមថ្មីដែលមានកីឡាករក្មេងៗជាច្រើន ហើយត្រូវបង្កើតផ្លូវផ្ទាល់ខ្លួននៅក្នុងការប្រកួត។ យើងអាចមានមោទកភាពចំពោះអតីតកាល ប៉ុន្តែយើងអាចទទួលបានភាពជោគជ័យដោយការខិតខំប្រឹងប្រែងនៅថ្ងៃនេះ។»
«មិនថាមានការប្រកួតប្រជែងណាទេ យើងនឹងតែងតែផ្តល់ឱ្យអស់ពីសមត្ថភាពសម្រាប់ក្លិប។ ប៉ុន្តែការប្រកួតខាប់ (Hun Sen Cup) គឺរំជួលចិត្ត ព្រោះគ្មានកន្លែងសម្រាប់កំហុស។ មានថ្ងៃអាក្រក់មួយនោះក្រុមរបស់អ្នកនឹងជ្រុះចេញ។» គ្រូបង្វឹកសញ្ជាតិអៀរឡង់ខាងជើងបានសង្កត់ធ្ងន់។
សូមបញ្ជាក់ថា ថ្ងៃជាមួយគ្នានេះផងដែរ ក៏មានការប្រកួតចំនួន ៣ គូផ្សេងទៀត ពោលគឺ ក្លិបបាល់ទាត់សៀមរាប ជួប វិសាខា។ អាស៊ីអឺរ៉ុបយូណាយធីត ជួប ណាហ្គាវើលដ៍ និងចុងក្រោយ អាយអេសអាយ ដង្កោសែនជ័យ ប្រកួតជាមួយ បឹងកេត៕
អត្ថបទ៖ មន្នីរ័ត្ន
ឯកឧត្តមឧបនាយករដ្ឋមន្រ្តី ហ៊ុន ម៉ានី អញ្ជើញជាអធិបតីក្នុង ពិធីសម្ពោធរោងចក្រកែច្នៃកៅស៊ូធម្មជាតិ និងបើកមុខចៀរជ័រកៅស៊ូថ្មី នៅខេត្តព្រះវិហារ
រដ្ឋអាចនឹងចាប់ផ្ដើមទទួលពាក្យស្នើសុំដីពីពលរដ្ឋក្រីក្រចាប់ពីខែកុម្ភៈ
ពលរដ្ឋ និងសហជីព គាំទ្រយ៉ាងពេញទំហឹងចំពោះច្បាប់ស្ដីពីការប្រឆាំងការមិនទទួលស្គាល់ឧក្រិដ្ឋកម្មដែលប្រព្រឹត្តនៅសម័យខ្មែរក្រហម
អគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
ការសិក្សា៖ មនុស្សរាប់លាននាក់នៅអឺរ៉ុបនឹងស្លាប់ដោយសារកម្ដៅ ខណៈដែលពិភពលោកឡើងកម្តៅ
ក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»
អគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
គណៈសង្ឃនាយកចាត់ទុកមនោគមវិជ្ជារបស់សមាគមទេវ សក្ខី ភគវន្ត ធ្វើឱ្យមានភាពច្របូកច្របល់ដល់កិច្ចបដិបត្តិសាសនា
ដំណឹងល្អ! រុស្ស៊ី នឹងដាក់លក់ថ្នាំចាក់ព្យាបាលជំងឺមហារីកសឹងគ្រប់ប្រភេទ នៅខែកញ្ញាឆ្នាំនេះ
ដុតទៀនធូបសែនចូលឆ្នាំចិន ចាក់សោរទុកចោលក្លាយជាអគ្គិភ័យឆេះផ្អើលអ្នកជិតខាង
-
ចរាចរណ៍៣ ថ្ងៃ agoពលរដ្ឋអ្នកធ្វើដំណើរ គាំទ្រចំពោះការដាក់រនាំងដែកពុះចែកទ្រូងផ្លូវ នៅផ្លូវ ៦០ ម៉ែត្រ ដើម្បីកាត់បន្ថយគ្រោះថ្នាក់ចរាចរណ៍
-
ព័ត៌មានអន្ដរជាតិ៣ ថ្ងៃ agoអាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
-
ជីវិតកម្សាន្ដ២ ថ្ងៃ agoនាយិការងព័ត៌មាន CNC កញ្ញា នូ មៈនេត្រអាថាណ្ណា ទទួលមរណភាពក្នុងអាយុ៣៧ឆ្នាំ
-
ព័ត៌មានជាតិ១៤ ម៉ោង agoក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»
-
ព័ត៌មានជាតិ២ ថ្ងៃ agoក្រសួងធម្មការកំពុងពិនិត្យវិធានការលើបុគ្គលដែលថាព្រះសង្ឃជាបន្ទុកពលរដ្ឋ និងមើលងាយព្រះត្រៃបិដក
-
ព័ត៌មានអន្ដរជាតិ៦ ម៉ោង agoអគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
-
ព័ត៌មានអន្ដរជាតិ៥ ថ្ងៃ agoអ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង
-
ព័ត៌មានជាតិ៣ ថ្ងៃ agoរបាយការណ៍បឋម៖ រថយន្តដឹកគ្រឿងចក្រលើសទម្ងន់បណ្តាលឱ្យបាក់ស្ពានដែក