កីឡា

គ្រូព្រះខ័នរាជស្វាយរៀង សន្យាយកលទ្ធផលល្អពេលប៉ះអង្គរថាយហ្គឺរ រសៀលនេះ ឱ្យដូចរដូវកាលមុន

បានផុស

២ years មុន

នៅ

ថ្ងៃសៅរ៍ ៣០ កក្កដា ២០២២

ដោយ

គ្រូបង្វឹកនៃក្លិបបាល់ទាត់ព្រះខ័នរាជស្វាយរៀង លោក Conor Nestor សន្យាថានឹងយកលទ្ធផលល្អពេលប៉ះក្លិបបាល់ទាត់អង្គរថាយហ្គឺរ ឱ្យដូចរដូវកាលមុន ក្នុងជំនួបសប្ដាហ៍ទី ១៣ នៃលីគរសៀលនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Conor Nestor បាននិយាយថា៖ «ពួកយើងសន្យាថា នឹងប្រឹងប្រែងយកលទ្ធផលល្អ ឱ្យដូចការប្រកួតដែលយើងប៉ះគេនៅទីនេះរដូវកាលមុន ច្បាស់ណាស់យើងមិនអាចបានលទ្ធផលបែបនោះ ប្រសិនបើយើងមិនប្រឹងប្រែង។» និយាយដូចនេះ បន្ទាប់ពីរដូវកាលមុន ព្រះខ័នរាជស្វាយរៀង បានយកឈ្នះ អង្គរថាយហ្គឺរ ដល់ទឹកដីក្នុងលទ្ធផល ២-៥ ខណៈនៅរដូវកាលនេះវិញ កាលពីជើងទី១ ព្រះខ័នរាជស្វាយរៀង ក៏បានយកឈ្នះ អង្គរថាយហ្គឺរ ៤-១ ផងដែរនៅកីឡដ្ឋានខេត្តស្វាយរៀង។

«វាគ្មានលេសអ្វីសម្រាប់ពួកយើង ដោយពុំអាចលេងការប្រកួតបាននៅថ្ងៃអាទិត្យ។ CPL ហាក់មិនស្មើភាពឡើយដោយយើងមានពេលត្រឹម ៣ ថ្ងៃដើម្បីរៀបចំ ប៉ុន្តែក្រុមមួយទៀតមានពេលរៀបចំដល់ទៅ ៧ ថ្ងៃ តែយ៉ាងណាក៏ដោយមិនមានលេសណាមួយចំពោះការប្រកួតថ្ងៃសៅរ៍នេះឡើយ។» លោក Conor បានបន្ថែមជុំវិញការសម្រាកបានតិចថ្ងៃ ក្រោយទើបបញ្ចប់បេសកកម្មប្រកួតពានរង្វាន់សម្តេចតេជោ ហ៊ុន សែន។