កីឡា

U-18 នារីកម្ពុជា បញ្ចប់បេសកកម្មពានរង្វាន់ AFF U-18 Women’s ជាមួយកំណត់ត្រាលើកដំបូង

បានផុស

២ years មុន

នៅ

ថ្ងៃសៅរ៍ ៣០ កក្កដា ២០២២

ដោយ

ក្រុមបាល់ទាត់ U-18 នារីកម្ពុជា បានបញ្ចប់បេសកកម្មប្រកួតពានរង្វាន់ជើងឯកនារីអាស៊ានអាយុក្រោម ១៨ឆ្នាំ (AFF U-18 Women’s Championship 2022) ជាផ្លូវការហើយនាថ្ងៃទី៣០ ខែកក្កដា នេះ ដោយភ្ជាប់ជាមួយកំណត់ត្រា។

ជាមួយនឹងថ្ងៃបំពេញបេសកកម្មចុងក្រោយ U-18 កម្ពុជា បានប្រកួតជាមួយ U-18 នារីសិង្ហបុរី ហើយលទ្ធផលបញ្ចប់ទៅដោយស្មើគ្នា ១-១។ ការប្រកួតនេះនៅវគ្គទី១ ក្រុមទាំងពីរមិនអាចរកគ្រាប់បាល់បានឡើយ ដោយបានត្រឹមស្មើគ្នា ០-០ ប៉ុន្តែចូលដល់វគ្គទី២ ទើបគ្រាប់បាល់កើតឡើង ដោយ U-18 នារីកម្ពុជា នាំមុខមុនស៊ុតចូលដោយកីឡាការិនី វ៉ុន ស្រីនូ។ យ៉ាងណាមិញ U-18 នារីសិង្ហបុរី បានទាត់តាមស្មើនៅនាទី៧៩ ដោយកីឡាការិនី Nurzaherra Maisarah Rostam ដែលជាគ្រាប់កំណត់លទ្ធផលស្មើគ្នា ១-១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លទ្ធផលស្មើនេះធ្វើឱ្យ U-18 នារីកម្ពុជា បញ្ចប់ទៅដោយឈរនៅលេខ៤ ក្នុងពូល ដែលនេះជាកំណត់ត្រាថ្មី ក្នុងការបង្ហាញខ្លួនលើកដំបូង លើពានកម្រិតតំបន់ហើយទទួលបានពិន្ទុ ដ្បិតភាគច្រើន នៅក្នុងការបង្ហាញខ្លួនលើកដំបូងក្នុងព្រឹត្តិការណ៍ណាមួយតែងតែខកខានក្នុងការរកពិន្ទុ។

ឈរនៅលេខ៤ ក្រោយប្រកួត ៤ដង បរាជ័យ ៣ដង ស្មើ ១ដង និងមិនដែលឈ្នះ មាន ១ពិន្ទុ។ ឈរលើ សិង្ហបុរី ដោយសារ កម្ពុជា របូតគ្រាប់បាល់តិចជាង ពោលគឺ កម្ពុជា របូតគ្រាប់បាល់ ១២គ្រាប់ ខណៈ សិង្ហបុរី របូតគ្រាប់បាល់ ១៦គ្រាប់៕

អត្ថបទ ៖ មន្នីរ័ត្ន